| e-texts navigator |
| Wylie |
85a1 གསར་དུ་སློབ་པ་རྒྱང་གྲགས་བརྒྱ་སྟོང་གི་ལམ་ནས་ཐེག་པ་ཆེན་པོའི་ཡི་གེ་དང་། ཚུལ་ཁྲིམས་འདོད་ཅིང་འོང་བ་མཐོང་ན་ཆོས་ཀྱི་ཕྱིར་དཀའ་ཐུབ་སྤྱོད་པ་ཆོས་བཞིན་བཤད་པའི་རིགས་སོ། །དཀའ
85a2 ཐུབ་ཅེས་བྱ་བ་ནི་ལུས་བསྲེགས་པ། ལག་ངར་བསྲེགས་པ་སོར་མོ་བསྲེགས་པའོ། །དེ་ལ་ལུས་དང་། ལག་ངར་དང་། སོར་མོ་བསྲེགས་ཏེ། སངས་རྒྱས་ཐམས་ཅད་ལ་ཡོན་དུ་མ་གསོལ་ན། དེའི་རབ་ཏུ་བྱུང
85a3 བའི་བྱང་ཆུབ་སེམས་དཔའ་མ་ཡིན་ནོ། །སྟག་དང་། སྤྱང་ཀི་དང་། སེང་གེ་ལྟོགས་པ་ལ་སོགས་པ་དང་། འདྲེ་ལྟོགས་པ་ལ་སོགས་པ་ཐམས་ཅད་ལ་ལུས་ཀྱི་ཤ་དང་། རྐང་ལག་གཏོང་ཕོད་པར་བྱས་ཏེ། བྱིན་ལ་དེ་ནས
85a4 གཅིག་ནས་གཅིག་ཏུ་མཐར་གྱིས་ཡང་དག་པའི་ཆོས་བཤད་དེ། སེམས་ནི་ཕྱེ། ཡིད་ནི་གོལ་བར་བྱའོ། །དེ་ལ་བྱང་ཆུབ་སེམས་དཔའ་བདག་གསོ་བའི་ཁེ་འདོད་པའི་ཕྱིར་ལན་གླན་པའི་རིགས་པ་ནི་མ་བླན་གྱི།
85a5 ཡི་གེ་དང་། ཚུལ་ཁྲིམས་རི་མོ་དང་། འབྲུ་ཕྱིན་ཅི་ལོག་ཏུ་བཤད་ནས་སྔ་ཕྱི་མེད་པར་དཀོན་མཆོག་གསུམ་ལ་འཕྱ་ཞིང་འཆད་པ་ནི་ལྟུང་བའོ། །སངས་རྒྱས་ཀྱི་བུ་བདག་ཁ་ཟས་དང་། ནོར་རྫས་དང་། གསོ་བའི་ཁེ་དང་།
85a6 མིང་སྙན་པའི་ཕྱིར་རྒྱལ་པོ་དང་། རྒྱལ་བུ་དང་། བློན་པོ་ཆེན་པོ་ལ་སོགས་པ་གཉེན་ཞེས་ཟེར་ཏེ། སྙེམས་ཤིང་ནན་གྱིས་ནོར་སློང་ལ། བཙན་ངག་གིས་བསྡིགས་ཏེ་ནན་གྱིས་ནོར་དང་། ཁེ་ཚོལ་ལོ་ཅོག་གི་མིང་ནི
85a7 ངན་པ་མང་པོ་ཚོལ་ཞེས་བྱའོ། །གཞན་ལ་ཡང་སྙིང་རྗེ་མེད་ཅིང་སྲི་ཞུ་དང་མི་འགལ་བའི་སེམས་ཡོང་མེད་པར་བསྟན་པ་ནི་ལྟུང་བའོ། །སངས་རྒྱས་ཀྱི་བུ་ཚུལ་ཁྲིམས་ཁ་ཏོན་དུ་ཀློག་པ་སློབ་པ་ན་ཉིན་གཅིག་ཅིང་དུས
85a8 དྲུག་ཏུ་བྱང་ཆུབ་སེམས་དཔའི་ཚུལ་ཁྲིམས་བཟུང་ལ། དེའི་གཞུང་དང་། དོན་སངས་རྒྱས་ཀྱི་ངོ་བོ་ཉིད་ཤེས་པར་བྱའོ། །བྱང་ཆུབ་སེམས་དཔའ་ཚུལ་ཁྲིམས་ཀྱི་ཡོན་ཏན་ཚིག་གཅིག་ལེའུ་གཅིག་ཀྱང་མི་ཤེས་པར
iiif viewer powered by OpenSeadragon
