| e-texts navigator |
| Wylie |
84b1 དགེ་འདུན་རྒྱལ་པོ། ཡ་རབས་བཙུན་པ་ལ་མ་ཉེས་པར་ལོག་པ་བདུན་དང་། ཕམ་པ་བཅུ་དང་། ཕ་མ་དང་། ཕུ་བོ་ནུ་བོ་དང་། གཉེན་པ་རྣམ་དྲུག་གི་ཚུལ་ཁྲིམས་བཤིག་གོ་ཞེས་སྐུར་ན་སྲི་ཞུ་དང་མི་འགལ་ཞིང་བྱམས་ཤིང་སྙིང
84b2 རྗེ་བའི་སེམས་བསྐྱེད་པའི་རིགས་ཀྱི། དེ་ལ་སླར་ལོག་པའི་གནོད་པ་བསྐྱེད་ན་མི་བདེ་བའི་གནས་སུ་ལྷུང་ན་ལྟུང་བའོ། །སངས་རྒྱས་ཀྱི་བུ་ངན་སེམས་བསྐྱེད་དེ། ཆེད་ཀར་མེ་ཆེན་པོ་བཏང་ལ་རི་དང་། ཚལ་དབྱེ་དང་། རི་ལུང
84b3 དབྱར་ཟླ་ར་བ་མན་ཆད། སྟོན་ཟླ་ཐ་ཆུངས་ཡན་ཆད། བསྲེགས་སམ། ལ་ལ་ཞིག་གིས་མེ་བཏང་སྟེ། གཞན་གྱི་ཁང་ཁྱིམ་དང་། མཁར་དང་། གྲོང་དང་། དགེ་འདུན་གྱི་ཁྱིམ་དང་། ཞིང་དང་། བསྐྱེད་ཤིང་དང་། ལྷ་མ
84b4 སྲིན་དང་། བླའི་དཀོར་ལ་སོགས་ཏེ་བདག་པོ་ཡོད་དོ་ཅོག་གི་ནོར་རྫས་བསྲེག་ཏུ་མི་རུང་ངོ་། །ལ་ལ་ཞིག་གིས་ཆེད་ཀར་བསྲེགས་ན་ལྟུང་བའོ། །སངས་རྒྱས་ཀྱི་བུ་སངས་རྒྱས་ཀྱི་སློབ་མ་བདག་དང་། མུར་འདུག་དང་།
84b5 གཉེན་རྣམ་དྲུག་ལ་སོགས་ཏེ། དགེ་བའི་བཤེས་གཉེན་ནོ་ཅོག་ཀུན་ཀྱང་ཅི་ཡང་ཐེག་པ་ཆེན་པོའི་ཡི་གེ་དང་། ཚུལ་ཁྲིམས་ནོད་ཅིང་གཟུངས་སུ་འཛིན་པར་བསྟན་པའི་རིགས་སོ། །གཞུང་དང་ལུགས་ཤེས་ཤིང
84b6 བྱང་ཆུབ་སེམས་དཔའི་སེམས་བསྐྱེད་པ་དང་། བསྐྱེད་ཅིང་གསོལ་བའི་སེམས་བཅུ་དང་། རྡོ་རྗེའི་ཆོས་ཀྱི་སེམས་གཡོ་བར་བསྟན་ཏེ། གཅིག་ནས་གཅིག་ཏུ་གོ་རིམས་དང་། ཆོས་ཀྱིས་ཆོ་ག་ཤེས་པར་བྱའོ། །
84b7 བྱང་ཆུབ་སེམས་དཔའ་ལ་བྱང་ཆུབ་སེམས་དཔས་ངན་སེམས་དང་། ཞེ་སྡང་བསྐྱེད་དེ། གཞན་ཉན་ཐོས་ཀྱི་ཐེག་པ་ཆུང་ངུ་རྣམ་གཉིས་ཀྱི་ཚུལ་ཁྲིམས་དང་། ཡི་གེ་དང་། མུར་འདུག་དང་། ལོག་པར་ལྟ་བའི་བཤད་པ
84b8 བསྟན་པ་ན་ལྟུང་བའོ། །སངས་རྒྱས་ཀྱི་བུ་ལེགས་པའི་སེམས་ཀྱིས་སྔར་ཐེག་པ་ཆེན་པོའི་གོ་ཆ་དང་། ཚུལ་ཁྲིམས་དང་། ཡི་གེ་བསླབས་ནས་རྒྱ་ཆེར་ཕྱེ་ནས་གཞུང་གི་རོ་ཅི་བྲོ་བ་ཤེས་ནས་བྱང་ཆུབ་སེམས་དཔའ
iiif viewer powered by OpenSeadragon
