| e-texts navigator |
| Wylie |
84a1 མཚུངས་པར་བྱས་ན་དགེ་བའི་བསོད་ནམས་རྣམ་པ་བརྒྱད་ཀྱི་ནང་ན་ནད་པ་ལ་ལྟ་ཞིང་གསོས་པའི་དགེ་བའི་བསོད་ནམས་ནི་བསོད་ནམས་ཀྱི་དམ་པའོ། །ཕ་མ་དང་། མཁན་པོ་དང་། དགེ་འདུན་དང་། སློབ་མ་འམ། དབང་པོ་མ་ཚང
84a2 བ་ནད་དོ་ཅོག་གིས་བཏབ་ཅིང་ཉོན་མོངས་ན་ཀུན་ཀྱང་གསོས་ཏེ་སོས་པར་བྱའོ། །དེ་ལ་བྱང་ཆུབ་སེམས་དཔའ་སེམས་ཅན་ལ་ལྟ་གཤེ་ཞིང་ངན་སེམས་ཀྱིས་དགེ་འདུན་གྱི་ཁྱིམ་དང་། ཡུལ་མཁར་དུ་མ་ཕྱིན་པ། དབྱེ་དང་། རི་ལུང་དང་།
84a3 མཁར་དང་། ཚལ་ན་ནད་པ་འདུག་པ་མཐོང་སྟེ་ར་མདའ་དང་། རིམ་གྲོ་མ་བྱས་ན་ལྟུང་བའོ། །སངས་རྒྱས་ཀྱི་བུ་རལ་གྲི་དང་། མདའ་གཞུ་དང་། མདུང་དང་། སྟ་རེ་ལ་སོགས་ཏེ་ཐབ་མོའི་སྤྱད་མཚོན་ཆ་དང་། སེམས་ཅན་གསོད་པའི་སྤྱད་དང
84a4 འདྲ་བ་རྒྱ་རྒྱ་མོ་ལ་སོགས་པ་འཆང་དུ་མི་རུང་ངོ་། །བྱང་ཆུབ་སེམས་དཔའ་ནི་ཕ་མ་གཞན་གྱིས་བསད་ཀྱང་ཤ་མི་གླན་ན། སེམས་ཅན་ཐམས་ཅད་གསད་པ་ལྟ་སྨོས་ཀྱང་ཅི་དགོས། མཚོན་ཆ་ཆེད་ཀར་འཆང་བ་ན་ལྟུང་བའོ། །འདི་ལྟ་བུའི
84a5 ཚུལ་ཁྲིམས་རྣམ་བཅུ་ནི་བསླབས་ཏེ། རྟག་པར་གཟུངས་སུ་གཟུང་བའི་རིགས་སོ། །འོག་མ་ལེའུ་དྲུག་གི་ནང་ན་རྒྱ་ཆེར་བཤད་དོ། །སངས་རྒྱས་ཀྱིས་སངས་རྒྱས་ཀྱི་བུ་རྣམས་ལ་བཀའ་སྩལ་པ། སངས་རྒྱས་ཀྱི་བུ་ཁེ་འདོད་པའི་ཕྱིར
84a6 སེམས་ངན་པ་བསམས་ཏེ། ཉི་འོག་གི་ཡུལ་དུ་ཕོ་ཉར་འདྲུལ་བ་དམག་གི་གཡུལ་བཤམས་ཏེ། དམག་བསྐྱོད་ནས་འཐབས་ཏེ་སེམས་ཅན་མང་པོ་བསད་ན་བྱང་ཆུབ་སེམས་དཔའ་དམག་གི་ནང་དུ་སོང་ཞིང་ཕན་ཚུན་དུ་འདྲུལ་ཡང་མི་རུང
84a7 ན་ཆེད་ཀར་ཡུལ་གྱི་དགྲ་བྱེད་པ་ལྟ་སྨོས་ཀྱང་ཅི་དགོས། དེ་ལ་ཆེད་ཀར་བྱེད་པ་ནི་ལྟུང་བའོ། །སངས་རྒྱས་ཀྱི་བུ་བླ་འབངས་དང་། བྲན་ཕོས་སྨོས་དང་། ཕྱུགས་བདག་སྣ་དྲུག་དང་། གཤིན་སྒྲོམ་རོ་གཞུག་པའི་སྣོད་ལ་སོགས་པ། ཁེ་དང
84a8 ཚོང་སྤོགས་བདག་གིས་ཀྱང་བགྱི་བའི་མི་རིགས་ན་གཞན་ལ་བྱེད་པར་བསྟན་པ་ལྟ་སྨོས་ཀྱང་ཅི་དགོས་ཏེ། དེ་ལ་ཆེད་ཀར་བྱེད་པ་ནི་ལྟུང་བའོ། །སངས་རྒྱས་ཀྱི་བུས་ངན་སེམས་བསྐྱེད་དེ་ཕ་ལོག་པོ་དགེ་བ་ངེས་པ། ཆོས་ཀྱི་མཁན་པོ།
iiif viewer powered by OpenSeadragon
