| e-texts navigator |
| Wylie |
82b1 ད་ལྟར་གྱི་ལུས་ལ་བྱང་ཆུབ་སེམས་དཔའི་སེམས་བསྐྱེད་པའི་ལས་མ་ནུས་ཏེ། རྒྱལ་པོའི་གྲལ་ཡང་སྟོར། འཁོར་ལོ་བསྐོར་བའི་རྒྱལ་པོའི་གྲལ་ཡང་སྟོར། དགེ་སློང་དང་། དགེ་སློང་མའི་གྲལ་ཡང་སྟོར། གཡོས་ཤིང་ཕྱོགས
82b2 པ་བཅུ་དང་། བསྐྱེད་ཅིང་གསོལ་བ་བཅུ་དང་། ཆོས་རྡོ་རྗེ་དང་མཚུངས་པ་བཅུ་དང་། ས་བཅུའི་སངས་རྒྱས་ཀྱི་ངོ་བོ་ཉིད་རྟག་པའོ། །ཡོན་ཏན་ཟབ་མོ་ལ་སོགས་པ་ཟད་པར་སྟོར་ནས་ངན་སོང་གསུམ་དུ་ལྟུང་སྟེ། བསྐལ་པ་གཉིས་གསུམ
82b3 གྱི་བར་དུ་ཕ་མ་དང་། དཀོན་མཆོག་གསུམ་གྱི་མིང་མཁན་ཀྱང་མི་ཐོས་ཏེ། དེ་བས་ན་གཅིག་ཀྱང་གཞིག་ཏུ་མི་རུང་ངོ་། །ཁྱེད་ལ་སོགས་པ་བྱང་ཆུབ་སེམས་དཔའ་ལོབས་པ་དང་། སློབ་པ་དང་། སློབ་པར་འགྱུར་བའི་རྣམས་ཚུལ
82b4 ཁྲིམས་འདི་བཅུ་བསླབས་ལ་གུས་པར་བྱོས་ཏེ་རྟག་པར་གཟུངས་སུ་གཟུང་བའི་རིགས་སོ། །གསལ་བར་ནི་ལེའུ་བརྒྱད་ཁྲི་པའི་ནང་ནས་རྒྱ་ཆེར་བཤད་དོ། །སངས་རྒྱས་ཀྱིས་བྱང་ཆུབ་སེམས་དཔའ་རྣམས་ལ་བཀའ་སྩལ་པ། ཕས་ཕམ
82b5 པ་བཅུ་ནི་བཤད་ཟིན་ཏོ། །ལྟུང་བ་བཞི་བཅུ་རྩ་བརྒྱད་ནི་སངས་རྒྱས་ཀྱི་བུ་རྒྱལ་པོའི་གྲལ་ཐོབ་པའི་ཚེ་དང་། འཁོར་ལོས་བསྐོར་བའི་རྒྱལ་པོའི་གྲལ་ཐོབ་པའི་ཚེ་དང་། བློན་པོའི་གྲལ་ཐོབ་པའི་ཚེ་དང་། སྔར་བྱང་ཆུབ་སེམས
82b6 དཔའི་ཚུལ་ཁྲིམས་མནོད་པའི་རིགས་སོ། །འུང་ཏང་ལྷ་མ་སྲིན་ཐམས་ཅད་ཀྱང་རྒྱལ་པོའི་ལུས་དང་། བློན་པོའི་ལུས་ཀྱི་རིམ་གྲོ་དང་། སྐྱབས་བྱེད་དོ། །སངས་རྒྱས་ཐམས་ཅད་ཀྱང་དགྱེས་སོ། །ཚུལ་ཁྲིམས་ཐོབ་ཟིན
82b7 ན་སྲི་ཞུ་དང་མི་འགལ་བའི་སེམས་དང་། སེམས་ལ་གུས་པར་བྱས་པའི་སེམས་དཔའ་བསྐྱེད་དེ། གྲལ་མཐོན་པོ་ན་འདུག་པའི་མཁན་པོ་དང་། སློབ་དཔོན་དང་། ཐེག་པ་ཆེན་པོ་ལ་ཚངས་པར་སྤྱོད་དུ་མཚུངས་པ་དང་།
82b8 མཚུངས་པར་མཐོང་བ་དང་། ལས་འཐུན་པར་བྱེད་པ་མཐོང་ན་ལངས་ཏེ་བསུ་ལ་ཕྱག་འཚལ་ཏེ་ནད་དྲི་བའི་རིགས་སོ། །བྱང་ཆུབ་སེམས་དཔའ་སླར་དྲེགས་པའི་སེམས་དང་། ལེ་ལོའི་སེམས་དང་། གླེན་པའི་སེམས་བསྐྱེད
iiif viewer powered by OpenSeadragon
