| e-texts navigator |
| Wylie |
79a1 དེ་ནས་གནམ་གྱི་ཕོ་བྲང་ནས་མར་བབས་ཏེ་འཛམ་བུའི་གླིང་བྱང་ཆུབ་ཀྱི་ཤིང་དྲུང་དུ་ཕྱིན་ནས་དེའི་སའི་སྟེང་གི་སེམས་ཅན་བླུན་པོ་མ་རབས་རྣམས་ཀྱི་ཕྱིར་ཐོག་མ་ཕྱི་མོ་རྫོགས་ལོངས་སྤྱོད་པའི་སྐུ་སངས་རྒྱས་ཀྱིས་སེམས་ཀྱི་གནས་ཀྱི
79a2 ནང་བཤད་དོ། །སེམས་ཐོག་མ་གཡོས་པ་ནི་རྟག་པར་འོད་སྣང་བའི་ཚུལ་ཁྲིམས་གཅིག་ཁ་ཏོན་དུ་ཀློག་གོ། རྡོ་རྗེ་རིན་པོ་ཆེའི་ཚུལ་ཁྲིམས་ནི་སངས་རྒྱས་ཐམས་ཅད་ཀྱི་ཐོག་མའི་ཕྱི་མོ་ཡིན་ནོ། །བྱང་ཆུབ་སེམས་དཔའ་ཐམས་ཅད་ཀྱི་ནི་ཐོག་མའི
79a3 ཕྱི་མོ་སངས་རྒྱས་ཐམས་ཅད་ཀྱི་ངོ་བོ་ཉིད་ཀྱི་ས་བོན་ནོ། །སེམས་ཅན་ཐམས་ཅད་ལ་ཡང་སངས་རྒྱས་ཀྱི་ངོ་བོ་ཉིད་ཀྱི་སྐལ་བ་ཡོད་དོ། །ཐམས་ཅད་ཀྱི་ཤེས་པ་དང་། ཁ་དོག་དང་། སེམས་དང་ཡིད་དང་། སེམས་སོ་ཅོག་ཐམས་ཅད་ཀུན་ཀྱང
79a4 སངས་རྒྱས་ཀྱི་ངོ་བོ་ཉིད་ཀྱི་ནང་དུ་འདུས་སོ། །ཚུལ་ཁྲིམས་ཀྱི་ནང་ན་རྟག་པ་ཡུན་དུ་རྟག་པར་བསོད་ནམས་ཡོད་དོ། །རྟག་པ་ཡུན་དུ་རྟག་པར་ཆོས་ཀྱི་ལུས་ཡོད་དོ། །སོ་སོར་ཐར་པ་འདི་རྣམས་བཅུ་ནི་སངས་རྒྱས་ཀྱི་དབྱིངས་ནས་བྱུང་ནས་ཆོས་ཀྱི
79a5 ཚུལ་ཁྲིམས་བྱས་ཏེ། དུས་གསུམ་གྱི་སེམས་ཅན་ཐམས་ཅད་ཀྱིས་གཟུངས་སུ་འཛིན་ཏོ། །ངས་ད་མང་པོ་འདིའི་ཕྱིར་ཟད་པའི་མཐའ་མེད་པའི་ཚུལ་ཁྲིམས་ཀྱི་ལེའུ་བཅུ་བསླབས་ཏེ་བཤད་དོ། །རྫོགས་ལོངས་སྤྱོད་པ་ང་བདག་སྟེ། །
79a6 པད་མོའི་དབུས་སུ་གདོད་བཞུགས་ནས། །མཐའ་བཞིའི་མེ་ཏོག་སྟོང་གི་སྟེང་། །ཤཱཀྱ་ཐུབ་པ་སྟོང་དུ་བཞུགས། །མེ་ཏོག་གཅིག་ཁམས་འབུམ་ཕྲག་བརྒྱ། །ཁམས་དེ་གཅིག་ཀྱང་སྤྲུལ་པ་གཅིག་།ཀུན་ཀྱང་བྱང་ཆུབ་ཤིང་དྲུང
79a7 བཞུགས། །མཉམ་པར་སངས་རྒྱས་གནས་སུ་སོན། །དེ་ཡང་འབུམ་ཕྲག་བརྒྱ་པ་སྟོང་། །རྫོགས་ལོངས་སྤྱོད་པ་རང་བཞིན་ལུས། །སྤྲུལ་པ་འབུམ་ཕྲག་བརྒྱ་སྟོང་པོ། །ཀུན་ཀྱང་རྡུལ་ཕྲན་མང་པོར་འདྲེན། །ཅིག་ཅར་ང་ཡི
79a8 གནས་སུ་འོངས། །སངས་རྒྱས་ང་ཡི་ཚུལ་ཁྲིམས་ཉོན། །ཟིལ་དངར་སྒོ་མོ་དེ་ནས་བྱེ། །འུང་ནས་འབུམ་ཕྲག་བརྒྱ་སྟོང་པོ། །སླད་དུ་གཙང་མའི་གནས་སུ་ཕྱིན། །ཀུན་ཀྱང་བྱང་ཆུབ་ཤིང་དྲུང་བཞུགས། །ང་ཡི་མཁན་པོ་ཚུལ
iiif viewer powered by OpenSeadragon
