| e-texts navigator |
| Wylie |
78a1 རྣམ་པར་སྣང་མཛད་ཀྱིས་འོད་བཏང་སྟེ། འོག་གི་མེ་ཏོག་སྟོང་གི་ཐོག་གི་སངས་རྒྱས་ལ་སྦྲན་ཏེ། ངའི་སེམས་ཀྱི་གནས་ཀྱི་ཆོས་ཀྱི་སྒོ་མོའི་ལེའུ་གཟུངས་སུ་ཟུང་ལ་དེང་ཤིག་།ཡང་གཅིག་ནས་གཅིག་ཏུ་འབུམ་ཕྲག་བརྒྱའི་ཡང
78a2 ཕྲག་སྟོང་གི་ཤཱཀྱ་ཐུབ་པས་སེམས་ཅན་ཐམས་ཅད་ལ་མཐར་གྱིས་ངའི་ཡན་ཆད་ཀྱི་སེམས་ཀྱི་གནས་ཀྱི་ཆོས་ཀྱི་སྒོ་མོའི་ལེའུ་ཤོད་དེ་ཁྱོད་ལ་སོགས་པ་སེམས་གཅིག་ཏུ་གཟུངས་སུ་ཟུང་ལ་བྱོས་ཤིག་། དེ་ནས་མེ་ཏོག་སྟོང་གི་ཐོག་གི
78a3 སངས་རྒྱས་འབུམ་ཕྲག་བརྒྱའི་ཡང་ཕྲག་སྟོང་གི་ཤཱཀྱ་ཐུབ་པ་པད་མོའི་སྣོད་ཀྱི་ཁམས་ན་ལྷམ་མེ་ལྷང་ངེ་བའི་སེང་གེའི་ཁྲི་ལས་ལངས་ཏེ། སོ་སོ་ནས་མཆི་ཕྱག་འཚལ་ཏེ་ཕྱིར་ནུར་ནས་ལུས་ཀུན་གྱིས་བསམ་གྱིས་མི་ཁྱབ་པའི་འོད་བཏང
78a4 སྟེ། ཀུན་འོད་ཀྱི་ནང་ནས་གྲངས་མེད་པའི་སངས་རྒྱས་ཕྱུང་སྟེ། ཅིག་ཅར་གྲངས་མེད་པའི་མེ་ཏོག་སྔོན་པོ། སེར་པོ། དམར་པོ། དཀར་པོས་རྫོགས་ལོངས་སྤྱོད་པའི་སྐུ་སངས་རྒྱས་ལ་ཡོན་དུ་གསོལ་ནས་ཡན་ཆད་སེམས་ཀྱི་ཕྱི་མོའི་ལེའུ
78a5 བཤད་པ་ཡང་ཁོང་དུ་ཆུད་ནས་སོ་སོར་པད་མོའི་སྣོད་ཀྱི་ཁམས་ཀྱི་ནང་དུ་ནུབ་སྟེ། རང་བཞིན་གྱིས་བསྐལ་པ་སྟོང་པ་ཉིད་ཀྱི་ནང་དུ་ནུབ་ནས་མེ་ཏོག་འོད་ཀྱི་ཏིང་ངེ་འཛིན་ཐོག་མར་བྱུང་བའི་གནས་སུ་སླར་སོང་སྟེ། འཛམ་བུའི་གླིང་བྱང་ཆུབ་ཀྱི
78a6 ཤིང་དྲུང་དུ་ཕྱིན་ནས་རང་བཞིན་གྱི་བསྐལ་པ་མེ་ཏོག་འོད་ཀྱི་ཏིང་ངེ་འཛིན་ལས་བྱུང་སྟེ། གདོད་རྡོ་རྗེའི་རྒྱལ་པོའི་གདན་དང་། འོད་ཤིན་དུ་བཟང་པོའི་ཁང་པར་འདུག་ནས་ཕྱོགས་བཅུའི་ཆོས་རྒྱ་མཚོ་དང་མཚུངས་པར་བཤད་དོ། །དེ་ནས་ཡང་སེང
78a7 གེའི་ཁྲི་ལས་ལངས་ཏེ་སུམ་བཅུ་རྩ་གསུམ་གནམ་གྱི་ཕོ་བྲང་དུ་ཕྱིན་ནས་གྲལ་བཅུའི་ཆོས་བཤད་དོ། །དེ་ནས་ཟུང་མའི་གནམ་དུ་ཕྱིན་ཏེ་ལས་སུ་བྱ་བ་བཅུ་བཤད་དོ། །དེ་ནས་ཡང་ཁྲི་ལས་ལངས་ཏེ་རྒྱལ་ཆེན་རིས་བཞིའི་གནམ་དུ་ཕྱིན་ནས
78a8 ཕྱོགས་ཤིང་ལྟ་བ་བཅུ་བཤད་དོ། །དེ་ནས་ཡང་འདུག་པའི་ས་ནས་ལངས་ཏེ། འཕྲུལ་དགའི་གནམ་དུ་ཕྱིན་ནས་བསམ་གཏན་མི་འགྱུར་བ་བཅུ་བཤད། དེ་ནས་ཡང་འདུག་པའི་ས་ནས་ལངས་ཏེ་གནམ་བདེན་གནམ་དུ་ཕྱིན་ནས་ས་བཅུའི་ཆོས་བཤད།
iiif viewer powered by OpenSeadragon
