| e-texts navigator |
| Wylie |
77b1 བྱས་ན་ཆུའི་ཐིགས་པ་ཆུང་མོད་ཀྱི་རྒྱུན་གྱིས་ན་སྣོད་ཆེན་པོ་འགང་ངོ་། །ཡུད་ཙམ་གྱི་བར་དུ་སྡིག་བྱས་པས་ན་བསྟིར་མེད་པའི་སེམས་ཅན་དམྱལ་བར་ལྟུང་ངོ་། །རེ་ཤིག་མི་ལུས་སྟོར་ན་བསྐལ་པ་ཁྲིའི་བར་དུ་ཡང་སླར་མི་ལུས་མི་ཐོབ་བོ། །
77b2 དར་བའི་ཚེ་མི་སྡོད་དོ། །དཔེར་ན་ནི་རྟ་རྒྱུགས་པ་དང་འདྲ། མིའི་ཚེ་ཡང་རྟག་པ་མེད་དེ། དབའ་རྒལ་གྱི་ཆུ་འབབ་པ་བས་ཀྱང་མྱུར་ཏེ། དེ་རིང་གསོན་མོད་ཀྱི། སང་གི་གཉའ་ཡང་དཀའོ། །ད་དུས་ཁོ་ན་ལ་བབ་ཀྱིས་མང་པོའི་རྣམས
77b3 སོ་སོ་ནས་སེམས་གཅིག་ཏུ་འགྲུས་ཤིང་འབོགས་པ་བཙལ་བའི་རིགས་སོ། །བག་བྱས་ལ་ལེ་ལོ་བླ་ཁྱད་དང་། ཉལ་བ་དང་། གཉིད་ཀྱིས་ལོག་ཅིང་རང་ཉམས་ཀྱི་ཡིད་མི་བྱའོ། །མཚན་ཞིང་ནི་སེམས་བསྡུས་ལ་རྟག་པར་དཀོན
77b4 མཆོག་གསུམ་གཟུངས་སུ་བཟུང་ལ་ཕྱལ་བ་དོན་མེད་པ་ལ་ཉོན་མོངས་ངལ་ཆད་ཅིང་ཚེ་ཕྱི་མ་ལ་ཡང་རབ་ཏུ་འགྱོད་པ་མཐར་ཇི་འང་ཐོབ་པ་མེད་པར་མི་བྱའོ། །མང་པོའི་རྣམས་གཅིག་ནས་གཅིག་ཏུ་ཚུལ་ཁྲིམས་འདི་བཞིན
77b5 ལེགས་པར་བྱོས་ཤིག་། དེའི་ཚེ་ན་སངས་རྒྱས་རྣམ་པར་སྣང་མཛད་ཀྱིས་མང་པོའི་ཕྱིར་ཆུ་བོ་གང་གཱའི་བརྒྱ་སྟོང་གི་བྱེ་མ་སྙེད་ཀྱིས་བརྗོད་དུ་མེད་པའི་ཆོས་ཀྱི་སྒོ་མོའི་མདོ་ཕྱེ་སྟེ། དེའི་ནང་ནས་སེམས་ཀྱིས་གནས་སྤུ་ཉག་མའི
77b6 མགོ་རྙེད་དོ། །སྔ་མ་འདས་པའི་སངས་རྒྱས་ཐམས་ཅད་ལ་ཡང་བཤད་དོ། །ད་ལྟར་གྱི་སངས་རྒྱས་ལ་ཡང་དེ་བཞིན་འཆད་དོ། །མ་འོངས་པའི་སངས་རྒྱས་ཐམས་ཅད་ལ་ཡང་དེ་བཞིན་དུ་འཆད་པར་འགྱུར་རོ། །དུས་གསུམ་གྱི
77b7 བྱང་ཆུབ་སེམས་དཔའ་ལོབས་པ་དང་། སློབ་པ་དང་། སློབ་པར་འགྱུར་རོ། །ངས་བསྐལ་པ་བརྒྱའི་བར་དུ་སེམས་ཀྱི་གནས་འདི་བྱས་པས་ན་ངའི་མཁན་པོ་རྫོགས་ལོངས་སྤྱོད་པའི་སྐུ་ཞེས་བྱའོ། །ཁྱེད་སངས་རྒྱས
77b8 ཐམས་ཅད་ཀྱིས་ངས་བཤད་དོ་ཅོག་གཅིག་ནས་གཅིག་ཏུ་སེམས་ཅན་ཐམས་ཅད་ལ་སེམས་ཀྱི་གནས་ལམ་ཕྱེ་ཤིག་། དེ་ནས་པད་མོའི་སྙིང་པོའི་སྣོད་ཀྱི་ཁམས་ན་གནམ་གྱི་འོད་ལྷམ་མེ་ལྷང་ངེ་བའི་སེང་གེའི་གདན་གྱི་སྟེང་ནས་སངས་རྒྱས
iiif viewer powered by OpenSeadragon
