| e-texts navigator |
| Wylie |
76a1 སངས་རྒྱས་རྣམས་ལ་དགེ་བའི་རྩ་བ་བསྐྲུན་པ་རྣམས་ཀྱིས་ངའི་ཆོས་ཀྱི་གཞུང་འདི་ལ་སྟོན་པར་ཤེས་སོ། །ཀྱེ་རྒྱལ་བའི་སྲས་འདི་ལྟ་སྟེ། དཔེར་ན་སྐྱེས་བུ་གང་ཞིག་གཉིད་ཀྱིས་ལོག་པའི་རྨྱི་ལམ
76a2 ན་འགྲོ་བ་མང་པོའི་མདུན་ན་སྨྲ་ཞིང་ཆོས་འཆད་ཀྱང་ཆོས་དེ་འཇིག་རྟེན་ཐམས་ཅད་ལས་མ་གྲགས་ན། ཀྱེ་རྒྱལ་བའི་སྲས་ཅི་འགྲོ་བ་མང་པོ་དེ་རྣམས་ཡོད་དེ། གང་དེས་སངས་རྒྱས་ཀྱི་ཆོས་བཤད་པ་དང་མི་འགལ་བ
76a3 སྙམ་དུ་སེམས་སམ། བྱམས་པས་སྨྲས་པ། རྨྱི་ལམ་ནི་ཡང་དག་པར་མ་མཆིས་པ་སྟེ། འཁྲུལ་པ་ཙམ་ཞིང་མཆིས་པར་བས་ན་དེ་ངན་འགྲོ་ཕལ་པོ་ཆེ་ལ་ཆོས་འཆད་པར་གྱུར་པ་ལྟ་ག་ལ་ཞིག་མཆིས།
76a4 ཀྱེ་རྒྱལ་བའི་སྲས་དེ་ལྟར་དེ་བཞིན་དུ་ཆོས་ཐམས་ཅད་ནི་རྨྱི་ལམ་དང་མཚུངས་ཏེ། ཡང་དག་པ་མ་ཡིན་པར་འབྱུང་བར་བྱུང་ནས་ཀྱང་མེད་པར་གྱུར་པ་སྟེ། ཀུན་རྫོབ་ཀྱང་འཁྲུལ་པ་ཙམ་ཞིག་ཡོད་ཀྱི་དོན་དམ་པར་ནི་མ
76a5 ཡིན་ནོ། །འཕགས་པའི་ཤེས་རབ་ཀྱིས་ཇི་ལྟ་བ་མངོན་དུ་བྱས་ན་བསམ་གཏན་སེམས་པའི་བསམ་གཏན་པ་ཡང་མི་དམིགས་པ་སྟེ། དེ་ལ་ཆོས་ཀྱི་ཚུལ་ཙམ་ཞིག་ཡོད་ཀྱི་ཀུན་དུ་བརྟགས་པ་དང་གཞན་གྱི་དབང་ལས་ཀྱི
76a6 རྣམས་ནི་ཡོད་པ་མ་ཡིན་ནོ། །དེ་ལྟར་དེ་བཞིན་དུ་ཆོས་འདི་ནི་འཇིག་རྟེན་པ་ཐམས་ཅད་དང་མི་མཐུན་པའོ། །ཆོས་འདི་དག་ལ་དམིགས་པ་རྣམས་ཀྱིས་ནི་དོན་དམ་པར་འཛིན་གྱི་འཕགས་པའི་རྣམས་ནི་མི་དམིགས་སོ། །
76a7 བྱིས་པ་རྣམས་མི་ཤེས་པས་དེ་ལ་མངོན་པར་ཞེན་པས་ན་དམྱལ་བ་དང་། ཡི་དགས་རྣམས་ཀྱི་སྡུག་བསྔལ་གྱིས་ཉོན་མོངས་པ་མྱོང་བར་འགྱུར་རོ། །ཆོས་ཀྱི་གཞུང་འདི་ཇི་ལྟ་བ་དེ་ནི་དམིགས་པའོ། །ཇི་ལྟར
76a8 དམིགས་པ་དེ་ནི་ཆོས་ཐམས་ཅད་དོ། །དེ་ལྟར་དུས་གསུམ་གྱི་ཆོས་ཐམས་ཅད་མཉམ་པ་ཉིད་དེ། མི་དམིགས་པས་ན་གང་དམིགས་པ་དེ་ནི་རྟོགས་པའོ། །གང་རྟོགས་པ་དེ་ནི་ཐོབ་པ། གང་ཐོབ་པ་དེ་ནི་བྱང་ཆུབ་གང
iiif viewer powered by OpenSeadragon
