| e-texts navigator |
| Wylie |
74a1 ཡོད་པ་དང་མེད་པ་སྤངས་པ་དང་། ཡང་དག་པ་མ་ཡིན་པ་ལ་རྟགས་པས་གྲངས་མེད་པར་ཡང་འཁོར་བར་འགྱུར། ཇི་ལྟར་ན་དགེ་བར་གསུངས་པའི་ཆོས་དང་འདུལ་བ་ལ་རབ་ཏུ་བྱུང་ཞིང་ཡང་དག་པར་རྫོགས་པའི་བསྙེན་པར
74a2 རྫོགས་པ་ལགས། འགྲོ་བ་ཐ་དད་པའི་ཆོས་རྣམས་ལས་འདས་པ་དང་། གནས་ངན་ལེན་ལ་རྟེན་ཅིང་འཇུག་པའི་སེམས་དང་། ཡིད་དང་། ཡིད་ཀྱི་རྣམ་པར་ཤེས་པ་ལས་འདས་ཏེ། མི་གཉིས་པའི་ཆོས་ཐོས་པ་ནི་ཤིན་དུ་རབ་ཏུ
74a3 བྱུང་བའོ། །སེམས་ཅན་གང་ཐ་དད་པ་འདི་ལྟ་བུས་རབ་ཏུ་བྱུང་བ་དེ་ནི་ཡང་དག་པར་རབ་ཏུ་བྱུང་བའོ། །གང་རབ་ཏུ་བྱུང་ཡང་ཚུལ་ཁྲིམས་དང་། སྤྱོད་ཡུལ་དང་། འཚོ་བ་དང་། ལྟ་བ་དང་། བསམ་པ་ཉམས་པ་སྟེ།
74a4 དེ་ནི་མགོ་དང་ཁ་སྤུ་བྲེགས་ཀྱང་དོན་མེད་པ་སྟེ། རྙོག་པ་འཆང་བས་ན་རྙོག་པ་དེས་ངན་སོང་དུ་གཞོལ་བ་ཡིན་ནོ། །ངས་དད་པས་བྱིན་པ་སྤྱོད་དུ་གནང་བ་ནི་རིགས་པས་གྲོལ་བ་སྟེ། དགེ་སློང་གང་བརྩོན་པ་མི་འདོར་བ་དེས
74a5 གཟུགས་མི་འདོར། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་མི་འདོར། ཕུང་པོ་ལྔ་ཐ་དད་པ་དང་། རིལ་གྱིས་བརྟགས་པའི་རང་བཞིན་བས་ན་མི་རྟག་པ་དང་། སྡུག་བསྔལ་བ་དང་། སྟོང་པ་དང་།
74a6 བདག་མེད་པར་ལྟ་བ་དེ་དག་ཀྱང་མི་དམིགས་པའི་ཚུལ་གྱིས་ཁམས་དང་། སྐྱེ་མཆེད་ཀྱི་ལྷ་རྣམས་མ་ཡིན་པར་སྤྲོ་བ་དམ་པར་བྱེད་པས་རྟག་ཏུ་སྒོམ་མོ། །སྙིང་པོ་མེད་པ་དང་། འབྲུམ་པ་ཅན། ཟུག་རྔུ་ཅན་དང་ལྡན་པ།
74a7 སྐྱོན་ཅན། ཕ་རོལ་པོ་སླུ་བའི་ཆོས་ཉིད་ཅེས་སུན་འབྱིན་པ་དེ་དག་ཀྱང་མི་དམིགས་པའི་ཚུལ་དུ་སྦྱོར་བས། གང་ལུས་ཀྱིས་ལུས་ལ་སྲེད་པ་དང་། ལུས་ལ་བྱམས་པ་དང་། ལུས་ལ་བདག་ཡིད་ཆེས་པ་དང་། ལུས་ལ་ཞེན
74a8 པ་དེ་དག་རབ་ཏུ་སྤོང་ངོ་། །གང་འདི་ལྟ་བུའི་དགེ་སློང་ནི་དགེ་བར་གསུངས་པའི་ཆོས་དང་འདུལ་བ་ལ་རབ་ཏུ་བྱུང་བར་གྱུར། དད་པས་བསྙེན་པར་རྫོགས་པའི་ཡང་དག་པར་རྫོགས་པ་ཡིན་ཏེ། འདི་ལྟ་བུའི་དགེ་སློང་ནི་ལྷ་དང
iiif viewer powered by OpenSeadragon
