| e-texts navigator |
| Wylie |
69a1 ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པས་བསྟོད་པ།
69a2 གསེར་བཟང་དྲི་མ་མེད་པའི་འོད་ཀྱིས་གཟི་བརྗིད་ལྡན། །སྐྱེས་ཆེན་མཚན་མཆོག་སུམ་བཅུ་རྩ་གཉིས་སྣ་ཚོགས་མངའ། །ཡོན་ཏན་ཁྲག་ཁྲིག་ཡོན་ཏན་གཞལ་ཡས་གཟི་བརྗིད་ཅན། །མགོན་པོ་ཅི་ཡི་སླད་དུ་འཛུམ་པ
69a3 སྟོན་པ་མཛད། །སྒྲ་སྙན་འབྱིན་པར་མཛད་ཅིང་རབ་ཏུ་གསུང་འབྲེལ་བ། །ཚངས་པའི་དབྱངས་སུ་གསུང་ཞིང་འཇམ་པའི་ཚིག་གསུང་བ། །ནོར་བདུན་འོད་ཟེར་རྒྱ་ཆེན་བདེ་གཤེགས་བློ་གྲོས་ལྡན། །ཀ་ལ་པིང་ཀའི་གསུང
69a4 ཅན་ཅི་སླད་འཛུམ་པ་གསུངས། །མི་མཆོག་སྐྱེས་བུ་དམ་པ་ངན་པའི་ཚོགས་ཅན་འདུལ། །བདུད་ཀྱི་སྟོབས་ནི་རྟག་པར་མཐའ་མར་འབྱིན་པར་མཛད། །ལྷ་དང་ལྷ་མིན་ནམ་མཁའ་ལྡིང་གིས་རྟག་མཆོད་པ། །
69a5 སྟོབས་བཅུ་ལྡན་པས་ཅི་སླད་འཛུམ་པ་བསྟན། །དྲི་མེད་དྲི་བྲལ་དྲི་མ་གསུམ་སྤངས་པ། །ཟླ་བ་ཉ་བའི་དཀྱིལ་འཁོར་ལྟ་བུར་ཞལ་རྒྱས་པ། །མུན་པ་རབ་རིབ་སྒྲིབ་པའི་རྡུལ་གྱི་ཉེས་གཅོད་པ། །བདེ་དང་བདེ་ལྡན
69a6 སྦྱིན་པར་མཛད་པ་འཛུམ་དོན་གསུངས། །བདེ་བར་གཤེགས་པ་ས་དང་ལྷ་ཡུལ་ཕན་པ་མཆོག་།བདེ་དང་བདེ་ལྡན་སྦྱིན་མཛད་ཡོན་ཏན་མཐའ་ཡས་པ། །མཚུངས་ཤིང་འབྲེལ་ལ་ལེགས་གསུངས་གསལ་བའི
69a7 གསུང་ལྡན་པ། །འཛུམ་བསྟན་འདི་ཡི་དོན་ནི་ཇི་ལྟར་རྟོགས་པར་བགྱི། །ལིང་ཏོག་སྟུག་པོ་མུན་པ་རབ་རིབ་རྣམ་བསལ་བ། །ཤེས་རབ་སྒྲོན་མ་འོད་ཀྱི་གཟི་བརྗིད་ལྡན་པ་པོ། །གླང་ཆེན་ཁྱུ་མཆོག་སྟོབས་དང
69a8 སེང་གེའི་སྟབས་ལྟར་བརྗིད། །འགྲོ་བའི་དོན་མཛད་འཛུམ་པའི་དོན་ནི་བསྟན་དུ་གསོལ། །མི་ཡི་དམ་པ་མི་ངན་ཚོགས་ཅན་འདུལ་མཛད་པ། །ཟབ་ཅིང་མཐོང་བར་དཀའ་ལ་གཏིང་ཚོད་དཔག་དཀའ་བ། །སྲིད་པའི་ཆུ་ནི་སྐེམས
iiif viewer powered by OpenSeadragon
