| e-texts navigator |
| Wylie |
40a1 བགྱི་བ་བཀའ་སྩོལ་ཅིག་། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་སེམས་ཅན་གང་ཞིག་སེམས་ཅན་གང་དང་ལྷན་ཅིག་ཏུ་སེམས་ཅན་དམྱལ་བར་སྐྱེས་ནས་འདུས་པར་གྱུར་པ་དེས་དེ་མཐོང་ན་ཡིད་མི
40a2 བདེ་བར་འགྱུར། ཞེ་སྡང་བར་འགྱུར། དེས་དེ་མཐོང་ནས་གལ་ཏེ་ན་དེ་གླད་པ་ན་བར་ཡང་འགྱུར། བཤང་བ་དང་། གཅི་བ་འབྱུང་བར་ཡང་འགྱུར་ཏེ། དྲང་སྲོང་ཆེན་པོ་འདི་ནི་སེམས་ཅན་དམྱལ་བར་སྐྱེས་པ་རྣམས་ཀྱི་འདུ་བའི་མཚན
40a3 ཉིད་དོ། །གང་ལ་ལ་དེ་ལྟར་གྱུར་པ་དེས་ཀྱང་བདག་དང་འདི་ལྷན་ཅིག་ཏུ་སེམས་ཅན་དམྱལ་བ་རྣམས་ན་གནས་གནས་པར་མངོན་ནོ་ཞེས་དེ་ལྟར་ཁོང་དུ་ཆུད་པར་བྱའོ། །དྲང་སྲོང་ཆེན་པོས་གསོལ་པ། རིགས་གསལ་བར་མཛད་པ།
40a4 ཐམས་ཅད་མཁྱེན་པ། དུད་འགྲོ་དང་ལྷན་ཅིག་གནས་གནས་པ་རྣམས་ཀྱི་མཚན་མར་འགྱུར་བ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། མིར་སྐྱེས་པའི་སེམས་ཅན་རྣམས་གང་གི་ཚེ་ཕན་ཚུན་མཐོང་བ་ན་ཁོན་དུ
40a5 མདུད་པར་འཛིན་ཅིང་འདི་ལས་བདག་གིས་སྐྱོན་ཇི་ལྟར་རྙེད་སྙམ་དུ་སྐྱོན་ཚོལ་བ་འདི་ནི་དྲང་སྲོང་ཆེན་པོ་དུད་འགྲོར་སྐྱེས་པའི་སེམས་ཅན་རྣམས་ཀྱི་འདུ་བའི་མཚན་ཉིད་དེ། བདག་དང་འདི་ལྷན་ཅིག་ཏུ་དུད་འགྲོའི་ནང་ན་གནས་གནས
40a6 པར་མངོན་ནོ་ཞེས་དེ་ལྟར་ཤེས་པར་བྱའོ། །དྲང་སྲོང་ཆེན་པོ་ཡི་དགས་སུ་སྐྱེས་པ་རྣམས་ནི་དྲི་ང་བ་འདོད་ཅིང་ཁ་ཟས་ལ་ཤིན་དུ་སྲེད་པར་འགྱུར་རོ། །ཕ་རོལ་ལ་སྦྱིན་པར་བསམས་ཀྱང་ཆགས་པ་སྐྱེ་བར་འགྱུར་རོ། །
40a7 གང་དང་དེ་ཡི་དགས་སུ་སྐྱེས་ནས་ལྷན་ཅིག་འདུས་པར་གྱུར་པ་དེའི་དབང་ཕྱུག་མཐོང་ནས་ཕྲག་དོག་སྐྱེ་བར་འགྱུར། གཞན་གྱི་ནོར་ལ་འདོད་པར་འགྱུར་ཏེ། འདི་ནི་ཡི་དགས་སུ་སྐྱེས་པ་རྣམས་ཀྱི་འདུ་བའི་མཚན་ཉིད་དོ། །
40a8 དེ་ལ་བདག་དང་འདི་ལྷན་ཅིག་ཏུ་ཡི་དགས་ཀྱི་ནང་ན་གནས་གནས་པར་མངོན་ནོ་ཞེས་དེ་ལྟར་ཤེས་པར་བྱའོ། །དྲང་སྲོང་ཆེན་པོ་མིར་སྐྱེས་པ་གང་ལ་ལ་ཞིག་ཚེ་རབས་གཞན་དག་ནས་འདུས་པར་གྱུར་པ་ནི་དེས་དེ་མཐོང་ན་འདོད
iiif viewer powered by OpenSeadragon
