| e-texts navigator |
| Wylie |
39b1 ཡོན་ཏན་གྱི་འབྱུང་གནས་སུ་གྱུར་ཅིང་མཁྱེན་པ་དཔག་ཏུ་མ་མཆིས་པས་ཐམས་ཅད་མཁྱེན་པ་ཞེས་མཚན་གསོལ་པ། སེམས་ཅན་གནས་གང་དུ་འདུ་བར་འགྱུར་བ་བདག་ལ་བཀའ་སྩོལ་ཅིག་།བཅོམ་ལྡན་འདས་ཀྱིས་བཀའ
39b2 སྩལ་པ། དྲང་སྲོང་ཆེན་པོ་གནས་མེད་པ་ལ་སེམས་ཅན་འདུ་བར་འགྱུར་རོ། །མཉམ་པ་ཉིད་ལ་སེམས་ཅན་འདུ་བར་འགྱུར་རོ། །དྲང་སྲོང་ཆེན་པོ་ཐེག་པ་གཅིག་གིས་འབྱུང་བ་ལ་སེམས་ཅན་འདུ་བར་འགྱུར་རོ། །
39b3 བྱང་ཆུབ་ཀྱི་སྙིང་པོ་ལ་སེམས་ཅན་འདུ་བར་འགྱུར་རོ། །དྲང་སྲོང་ཆེན་པོ་ཕུང་པོ་མ་ལུས་པའི་མྱ་ངན་ལས་འདས་པའི་དབྱིངས་སུ་སེམས་ཅན་འདུ་བར་འགྱུར་རོ། །དྲང་སྲོང་ཆེན་པོ་འདི་ལྟ་སྟེ། དཔེར་ན་ཆུ་ཀླུང་ཐ་དད་པ་དང་།
39b4 ཀླུང་ཕྲན་དང་། ཀླུང་ཆེན་པོ་དག་རྒྱ་མཚོ་ཆེན་པོར་བབ་ནས་རོ་གཅིག་ཏུ་འགྱུར་རོ། །དྲང་སྲོང་ཆེན་པོ་དེ་བཞིན་དུ་སེམས་ཅན་གྱི་ཁམས་ཇི་སྙེད་ཟག་པ་ཟད་པར་བྱེད་པ་དེ་དག་རྣམ་པར་གྲོལ་བའི་ངང་དུ་གྱུར་པས་འདུ་བར་འགྱུར་རོ། །དྲང་སྲོང
39b5 ཆེན་པོ་འཁོར་བར་འདུ་བས་སེམས་ཅན་འདུ་བར་འགྱུར་བ་ནི་འདུ་བ་མ་ཡིན་པའོ་ཞེས་ང་སྨྲའོ། །དྲང་སྲོང་ཆེན་པོ་འདི་ལྟ་སྟེ། དཔེར་ན་རླུང་གིས་བདས་ནས་ཕྱེ་མ་ལེབ་ཕྱི་བི་ཞྭ་ལ་འདུ་བར་འགྱུར་ཏེ་རླུང་མེད་ན་སོ་སོར་འགྱེས་སོ། །དྲང་སྲོང
39b6 ཆེན་པོ་དེ་བཞིན་དུ་སེམས་ཅན་དམྱལ་བར་འགྲོ་བར་འགྱུར་བས་ཕན་ཚུན་ལས་འབྲེལ་པའི་སེམས་ཅན་གྱི་ཁམས་དེ་དག་ཀྱང་དེར་འདུ་བར་འགྱུར་རོ། །དྲང་སྲོང་ཆེན་པོ་རྣམ་གྲངས་འདི་ལྟ་བུར་ཕན་ཚུན་ལས་ཀྱིས་འབྲེལ་བ་དག་ཡི་དགས
39b7 སུ་སྐྱེ་བར་འགྱུར། དུད་འགྲོར་སྐྱེ་བར་འགྱུར་ཏེ། དེར་དེ་དག་འདུ་བར་འགྱུར་རོ། །དྲང་སྲོང་ཆེན་པོ་ལྷ་དང་མི་རྣམས་སུ་དེ་དག་འདུ་བར་འགྱུར་རོ། །དྲང་སྲོང་ཆེན་པོས་གསོལ་པ། ཐམས་ཅད་ཟིལ་གྱིས་གནོན་པ།
39b8 ཐམས་ཅད་མཁྱེན་པ། མིར་སྐྱེས་པ་འདི་སེམས་ཅན་ཆེ་གེ་མོ་ཞེས་བགྱི་བ་ཞིག་དང་འདུས་པར་གྱུར་ཏོ། །དུད་འགྲོར་སྐྱེས་པ་འདི་ཞེས་བགྱི་བ་ནས་ཡི་དགས་སུ་སྐྱེས་པ་འདི་འདུས་པར་གྱུར་ཏོ་ཞེས་བགྱི་བའི་བར་དུ་ཇི་ལྟར་འཚལ་བར
iiif viewer powered by OpenSeadragon
