| e-texts navigator |
| Wylie |
39a1 ཐོབ་ཁ་ཅིག་ནི་ཕྱིར་མི་ལྡོག་པའི་ས་གནོན། ཁ་ཅིག་ནི་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེ། ཁ་ཅིག་ནི་སུམ་ཅུ་རྩ་གསུམ་དུ། ཁ་ཅིག་ནི་མཚེ་མར། ཁ་ཅིག་ནི་དགའ་ལྡན་དུ། ཁ་ཅིག་ནི་འཕྲུལ
39a2 དགར། ཁ་ཅིག་ནི་གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ནང་དུ་སྐྱེའོ། །དྲང་སྲོང་ཆེན་པོ་རྣམ་གྲངས་འདི་ལྟ་བུར་འོག་མིན་གྱི་བར་གྱི་ལྷ་རྣམས་ཀྱི་ནང་དུ་སྐྱེའོ། །དེ་བཞིན་དུ་འཁོར་ལོས་སྒྱུར་བ་རྣམས་དང་སྟོབས་ཀྱི་འཁོར་ལོས་སྒྱུར
39a3 བ་རྣམས་དང་། ཁམས་ཀྱི་རྒྱལ་པོ་རྣམས་སུ་འགྱུར་ཏེ། དྲང་སྲོང་ཆེན་པོ་རྒྱལ་རིགས་དང་། བྲམ་ཟེ་དང་། ཁྱིམ་བདག་རྣམས་ཀྱི་བར་དུ་ཡང་འགྱུར་རོ། །དྲང་སྲོང་ཆེན་པོ་རྣམ་གྲངས་འདི་ལྟ་བུས་དེ་བཞིན་གཤེགས་པའི
39a4 གཟུགས་ཀྱི་སྐུ་མཐོང་ཞིང་བདག་ཉིད་ཀྱང་འཇིགས་པ་ཆེན་པོ་ལས་གྲོལ་བར་མཐོང་ནས་དེ་བཞིན་གཤེགས་པ་ལ་བྱས་པ་གཟོ་ཞིང་བྱས་པ་ཤེས་པར་འགྱུར་རོ། །དེ་བཞིན་གཤེགས་པ་ཆོས་ཉིད་ཐོས་ནས་བསླབ་པའི་གནས
39a5 རྣམས་ལ་བག་བྱེད་པར་འགྱུར་རོ། །ཐབས་འདིས་ན་ངན་སོང་དུ་འགྲོ་བར་མི་འགྱུར་རོ། །དྲང་སྲོང་ཆེན་པོ་ཡང་ས་བཅུ་ལ་གནས་པའི་བྱང་ཆུབ་སེམས་དཔའ་རྣམས་ཀྱི་མིག་ལ་སའི་ཁམས་ཇི་སྙེད་སྣང་བར་འགྱུར་བ་དེ་བས་ནི་སེམས་ཅན
39a6 གྱི་ཁམས་གང་འཁོར་བར་ཆགས་པའི་སྐྱོན་ཆགས་པར་ཤེས་ནས་ཕུང་པོ་མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་བྱེད་པ་ཆེས་མང་སྟེ། དྲང་སྲོང་ཆེན་པོ་དེའི་ཕྱིར་བསྐལ་པས་སྲེག་པར
39a7 འགྱུར་རོ། །དེ་ནས་དྲང་སྲོང་ཆེན་པོ་མེ་སྒྲོན་གྱིས་རང་གི་ཡིད་ཀྱིས་རྣམ་པར་དཔྱད་ནས་ཚིག་ཏུ་སྨྲས་པ། ཀྱེ་མའོ་གང་བདག་དྲང་སྲོང་ཆེན་པོ་ཞེས་འབོད་པ་ཤཱཀྱའི་སྲས་འདིའི་ཆེ་བ་ཉིད་ནི་རྒྱ་ཆེ་བའོ། །བདག་གིས་འདི་ལ
39a8 བགམས་པས་ཀྱང་ཆོག་སྟེ་འདི་ནི་ཐམས་ཅད་མཁྱེན་པར་མངོན་གྱིས། བདག་གིས་ཀྱང་འདི་ལ་ཡང་དག་པའི་མིང་གིས་བོད་པར་བྱའོ་ཞེས་སྨྲས་སོ། །དེ་ནས་བཅོམ་ལྡན་འདས་ལ་དྲང་སྲོང་ཆེན་པོ་མེ་སྒྲོན་གྱིས་འདི་སྐད་ཅེས་གསོལ་ཏོ། །
iiif viewer powered by OpenSeadragon
