| e-texts navigator |
| Wylie |
38a1 དྲང་སྲོང་ཆེན་པོས་གསོལ་པ། ཀྱེ་གཽ་ཏ་མཱ་དེ་དེ་བཞིན་ཏེ། ཞུ་བ་བརྗོད་པ་འདི་ནི་རྣམ་པར་དག་གོ། །ཅིའི་སླད་དུ་བསྐལ་པས་སྲེག་པར་འགྱུར་བ་བཀའ་སྩོལ་ཅིག་།བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ
38a2 ཆོས་ཀྱི་དབྱིངས་འདུས་མ་བྱས་པའི་ཕྱིར་བསྐལ་པས་སྲེག་པར་འགྱུར་རོ། །དྲང་སྲོང་ཆེན་པོ་གལ་ཏེ་བསྐལ་པས་སྲེག་པར་མི་འགྱུར་ན་ཆོས་ཀྱི་དབྱིངས་གཉིས་སུ་འགྱུར་ཏེ། ལ་ལ་མི་རྟག་ལ། ལ་ལ་རྟག་པར་འགྱུར་རོ། །དེའི་ཚེ་དེ་བཞིན་གཤེགས
38a3 པ་བདེན་པ་སྨྲ་བར་མི་འགྱུར་རོ། །དྲང་སྲོང་ཆེན་པོ་གང་གི་ཕྱིར་འདི་ཐམས་ཅད་རྟག་པ་མ་ཡིན། བརྟན་པ་མ་ཡིན། དབུགས་ཕྱིན་པ་མ་ཡིན་པ་དེའི་ཚེ་དེ་བཞིན་གཤེགས་པ་ཐམས་ཅད་མཁྱེན་པ་ཞེས་བྱ་བ་དེའི་མིང་ཐོབ་བོ། །དྲང་སྲོང་ཆེན
38a4 པོས་བྲམ་ཟེའི་ཁྱེའུ་ལ་སྨྲས་པ། འདི་ཐམས་ཅད་མཁྱེན་པར་མཚན་གསོལ་པ་ནི་འཐུན་ནོ། །བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་གལ་ཏེ་བསྐལ་པས་བསྲེགས་པར་མ་གྱུར་ན་འདི་ནི་དུས་བཟང་པོའོ། །འདི་ནི
38a5 ངན་པའོ་ཞེས་བྱ་བར་དུས་ཐ་དད་པ་མེད་པར་འགྱུར་རོ། །དྲང་སྲོང་ཆེན་པོ་གལ་ཏེ་ཡང་བསྐལ་པས་བསྲེགས་པར་མ་གྱུར་ན་ལེགས་པར་བྱས་པ་དང་། ཉེས་པར་བྱས་པའི་ལས་རྣམས་ཀྱི་རྣམ་པར་སྨིན་པ་ཐ་དད་པ་མེད་པར་འགྱུར་རོ། །
38a6 དྲང་སྲོང་ཆེན་པོ་ཡང་འདི་ལྟ་སྟེ། བསྐལ་པས་སྲེག་པ་འདི་ནི་དེ་བཞིན་གཤེགས་པ་རྣམས་ཀྱི་ཐབས་མཁས་པ་སྟེ། དྲང་སྲོང་ཆེན་པོ་སེམས་ཅན་ཇི་སྙེད་བསྐལ་པས་སྲེག་པར་འགྱུར་བ་ཐོས་ནས་དད་པར་འགྱུར་བའི་སེམས་ཅན་དེ་སྙེད་དེ་བཞིན
38a7 གཤགས་པས་བསྡུ་བའི་དངོས་པོས་སྡུད་པར་འགྱུར་རོ། །དྲང་སྲོང་ཆེན་པོ་འདི་ལྟ་སྟེ། དཔེར་ན་ཁ་ཆུ་ལྡག་པའི་སྦྲུལ་ནི་མིག་གིས་ཀྱང་རྡུབ། རྣ་བ་དང་། སྣ་དང་། ཁའི་སྒོ་ནས་ཀྱང་རྡུབ་བོ། །དྲང་སྲོང་ཆེན་པོ་དེ་བཞིན་གཤེགས་པ
38a8 ལ་ཡང་དེ་ལྟར་བལྟ་སྟེ། སྦྱིན་པས་ཀྱང་སྡུད། སྙན་པར་སྨྲ་བས་ཀྱང་སྡུད། དོན་སྤྱོད་པས་ཀྱང་སྡུད། དོན་འཐུན་པས་ཀྱང་སྡུད་དོ། །དྲང་སྲོང་ཆེན་པོ་འདི་ལྟ་སྟེ། དཔེར་ན་གསེར་ལ་གནོད་པར་བྱ་བའི་ཕྱིར་མེར་འཇུག་པ་མ་ཡིན་གྱིས།
iiif viewer powered by OpenSeadragon
