| e-texts navigator |
| Wylie |
37a1 མ་ཤེས་ན་འདིས་ཇི་ལྟར་ཤེས་སྙམ་མོ། །བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །དྲང་སྲོང་ཆེན་པོ་གང་ང་ལ་སེམས་ཅན་གྱི་སྐྱེ་བ་གང་ནས་བྱུང
37a2 ཞེས་སྨྲས་པ་དེ་ནི་ཡི་གེས་བརྗོད་པ་མ་ཡིན་པའོ། །སེམས་ཅན་ཞེས་བྱ་བ་ནི་མ་རིག་པའི་རྐྱེན་ནས་སྐྱེ་བ་དང་། རྒ་ཤིའི་བར་དུ་བྱུང་བའོ། །དྲང་སྲོང་ཆེན་པོ་ཡང་རྒྱུ་རྐྱེན་ལས་སེམས་ཅན་སྐྱེས་ཏེ་རྒྱུ་རྐྱེན་ནི་ཕ་མའོ། །དྲང་སྲོང་ཆེན་པོ་ཡང་ཕ་མ་འགྲོགས
37a3 པ་ནི་དེའི་རྒྱུའོ། །གང་གི་ཚེ་ཡོངས་སུ་རྟོག་པས་ཀུན་ནས་བསླང་བའི་ལས་ཀྱི་རླུང་རྣམས་ཀྱིས་བུད་མེད་ཀྱི་གྲོང་དུ་འཇུག་པ་དེ་ནི་རྐྱེན་ནོ། །དྲང་སྲོང་ཆེན་པོ་ཡང་སྡུག་བསྔལ་འཕགས་པའི་བདེན་པ་དང་། སྡུག་བསྔལ་ཀུན་འབྱུང་བ་དང་། སྡུག་བསྔལ
37a4 འགོག་པ་དང་། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ནི་སེམས་ཅན་ནོ། །ཉེ་བར་ལེན་པའི་ཕུང་པོ་ལྔ་དང་ཁམས་བཅཝ་བརྒྱད་ནི་སེམས་ཅན་ནོ། །དྲང་སྲོང་ཆེན་པོ་སེམས་ཅན་ཡང་གཞན་ལ་ལས་ཀྱང་གཞན་མ
37a5 ཡིན། ལས་ཀྱང་གཞན་ལ་སེམས་ཅན་ཡང་གཞན་མ་ཡིན་ནོ། །དྲང་སྲོང་ཆེན་པོ་སེམས་ཅན་ནི་འགྲིབ་པ་མ་ཡིན། འཕེལ་བ་མ་ཡིན་ནོ། །དྲང་སྲོང་ཆེན་པོས་གསོལ་པ། ཀྱེ་གཽ་ཏ་མ་གལ་ཏེ་སེམས་ཅན་འགྲིབ་པ་མ་མཆིས་འཕེལ་བ་མ་མཆིས
37a6 ན། ཅིའི་སླད་དུ་སེམས་ཅན་ཁྱིའི་སྐྱེ་གནས་ནས་ཤི་འཕོས་ཏེ་དབང་སྒྱུར་དུ་འགྱུར། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་དེ་ནི་ཇི་སྐད་སྨྲས་པ་དེ་བཞིན་དུ་མ་ཡིན་ནོ། །གལ་ཏེ་དབང་སྒྱུར་དབང་སྒྱུར་ཡིན་དུ་ཟིན་ན་ནི་དབང་མེད
37a7 པར་འཆི་བར་མི་རིགས་སོ། །དྲང་སྲོང་ཆེན་པོ་གང་རང་གི་ལུས་ཀྱི་གཙོ་བོ་མ་ཡིན་པ་དེ་ཇི་ལྟར་དབང་སྒྱུར་དུ་འགྱུར། དྲང་སྲོང་ཆེན་པོ་འདི་ལྟ་སྟེ། དཔེར་ན་སྲིན་བུ་མེ་ཁྱེར་འདི་སྙམ་དུ་བདག་གིས་འཛམ་བུའི་གླིང་སྣང་བར་བྱའོ་སྙམ་དུ་སེམས་པའི་རྐྱེན་གྱིས
37a8 སྲིན་བུ་མེ་ཁྱེར་གྱིས་འཛམ་བུའི་གླིང་སྣང་བར་བྱེད་དམ། སེམས་མ་དུལ་བའི་དབང་སྒྱུར་ཡང་དག་པ་མ་ཡིན་ནོ། །དྲང་སྲོང་ཆེན་པོ་ཡང་གལ་ཏེ་དབང་སྒྱུར་ཉོན་མོངས་པ་འབྲི་བར་གྱུར་ན་ནི་ཁྱི་ལ་ཉོན་མོངས་པ་ཤས་ཆེ་བར་འགྱུར་རོ། །གང་གི
iiif viewer powered by OpenSeadragon
