| e-texts navigator |
| Wylie |
36a1 པ་རྣམས་དང་། བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་དགུ་དང་ཐབས་གཅིག་ཏུ་བཞུགས་ཏེ། ལྷ་བྱེ་བ་ཕྲག་ཉི་ཤུ་རྩ་བརྒྱད་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན
36a2 མ་བརྒྱད་ཁྲི་དྲུག་སྟོང་དང་། གྱད་དྲུག་ཁྲི་དང་། གཅེར་བུ་པ་བྱེ་བ་ཕྲག་བཅུ་གཉིས་དང་། དྲང་སྲོང་ཆེན་པོ་མངོན་པར་ཤེས་པ་ལྔ་དང་ལྡན་པ། གདུང་བ་ལྔས་ཡན་ལག་གཅིག་པ་ལྔ་བརྒྱ་ཡན་ལག་དཀར་བ། ཤ་མེད་ཅིང་རུས
36a3 མགོ་ལྤགས་ཀྱིས་ཡོག་པ། ལྟོ་ཞར་ཞིང་སྐྲའི་ཁུར་ཁྱེར་བ། ལུས་རྒུ་བ། གཡང་གཞི་དང་ཤིང་ཤུན་གྱོན་པ། ལག་ན་རིལ་བ་ཐོགས་པ་བརྒྱད་ཁྲི་བཞི་སྟོང་དང་ཡང་ཐབས་གཅིག་གོ། །རྒལ་བར་འདུན་པ་རྣམས་དང་ཡང་ཐབས
36a4 གཅིག་གོ། དེ་ནས་བཅོམ་ལྡན་འདས་རི་ནག་པོ་རྣམས་ཀྱི་ནང་ན་རིའི་རྒྱལ་པོ་རི་རབ་ལྟར་དྲང་སྲོང་རྣམས་ཀྱི་ནང་ན་ལྷམ་མེ། ལྷན་ནེ། ལྷང་ངེ་སྟེ། ལུག་རྣམས་ཀྱི་ནང་ན་གླང་པོ་ཆེའི་རྒྱལ་པོ་མཆེ་བ་དྲུག་པ་འདྲ་ལ།
36a5 སྲིན་བུ་མེ་ཁྱེར་གྱི་དྲུང་ན་ཉི་ཟླ་དང་མཚུངས་ཤིང་། རྩཝ་ཀ་ཤིའི་མེ་ཏོག་གི་ནང་ན་མན་དཱ་ར་བའི་ཡལ་ག་དང་འདྲ་ལ། ནམ་མཁའ་ལྡིང་གི་རྒྱལ་པོ་བྱ་རོག་གིས་བསྐོར་བ་དང་འདྲ་བར་བཅོམ་ལྡན་འདས་དྲང་སྲོང་རྣམས་ཀྱི་ནང་ན་ཉིས་འགྱུར་དུ་མཛེས
36a6 སོ། །དེ་ནས་བཅོམ་ལྡན་འདས་རིན་པོ་ཆེའི་གཏོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྫུ་འཕྲུལ་གྱི་ཆོ་འཕྲུལ་དཔག་ཏུ་མེད་པར་མཛད་ཅིང་གློ་གཡས་གཡོན་གཉིས་ནས་འོད་ཟེར་ཕྱུང་སྟེ། དེ་བཞིན་གཤེགས་པ་བྱེ་བ
36a7 དཔག་ཏུ་མེད་པ་ཕྱུང་། བྱང་ཆུབ་སེམས་དཔའ་བྱེ་བ་དཔག་ཏུ་མེད་པ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དཔག་ཏུ་མེད་པ་ཕྱུང་། དགྲ་བཅོམ་པ་བརྒྱ་སྟོང་དཔག་ཏུ་མེད་པ་ཕྱུང་། དགེ་སློང་དང་། དགེ་སློང་མ་དང་།
36a8 དགེ་བསྙེན་དང་། དགེ་བསྙེན་མ་བརྒྱ་སྟོང་དཔག་ཏུ་མེད་པ་ཕྱུང་། འཁོར་ལོས་སྒྱུར་བ་དང་། སྟོབས་ཀྱི་འཁོར་ལོས་སྒྱུར་བ་དང་། ཁམས་ཀྱི་རྒྱལ་པོ་དང་། རིག་སྔགས་འཆང་དཔག་ཏུ་མེད་པ་ཕྱུང་། རྒྱ་དང་། རི་བྲགས་པ་དང་། འགྲོ་ལྡིང་བ་དང་།
iiif viewer powered by OpenSeadragon
