| e-texts navigator |
| Wylie |
15a1 ལས་འདི་སྤྱད་ན་ཡང་དག་པར་གྲོལ་ཐར་ཏེ་སྐྱེ་ཤི་འབབ་ལས་འདས་ཏེ། སེམས་ཅན་དམྱལ་བའི་སྡུག་བསྔལ་ལས་ཕྱིན་ཏོ། །བྱང་ཆུབ་སེམས་དཔའ་སེམས་གཅིག་གི་ཆོས་འདི་མིང་གཅིག་ནི་འགྱོད་ཚངས་ཀྱིས
15a2 གྲོལ་ཐར་པ་ཞེས་ཀྱང་བྱ་སྟེ། ཡང་དག་པའི་བདེན་པའི་གཞུང་མཐོང་བའི་ཕྱིར་རོ། །གཉིས་སུ་ན་མིང་ཆོས་སྤྱད་པས་གྲོལ་ཐར་ཅེས་ཀྱང་བྱ་སྟེ། ནགས་གཅིག་ན་འདུག་པའི་ཕྱིར་རོ། །གསུམ་དུ་ན་མིང་སྤྱད་པ་མེད་པས
15a3 གྲོལ་ཐར་ཅེས་ཀྱང་བྱ་སྟེ། འདུག་ཅིང་ཆགས་པ་མེད་པའི་ཕྱིར་རོ། །གྲོལ་ཐར་པ་འདི་གསུམ་ནི་ཀུན་ཀྱང་སེམས་གཅིག་ལས་སྐྱེས་ཏེ། སེམས་ཅན་ཐམས་ཅད་ལ་སེམས་གཉིས་སུ་མེད་པའི་ཕྱིར་རོ། །
15a4 སེམས་ཅན་ཐམས་ཅད་ཀུན་ལ་ཐེག་པ་གཅིག་པུ་ཡོད་དོ། །བྱང་ཆུབ་སེམས་དཔའི་ཆོས་ཀྱི་རྒྱལ་པོ་ཆོས་གཅིག་ཤེས་པར་ནུས་ན་ཆོས་གཅིག་མི་ཤེས་པ་མེད་དོ། །ཆོས་གཅིག་མི་ཤེས་ན་ཆོས་གཅིག་ཀྱང་ཤེས
15a5 པ་མེད་དོ། །ཇི་ལྟ་ཞེས་བྱས་ན། ཆོས་ཀྱི་རྣམས་མི་གཅིག་པ་མེད་པའི་ཕྱིར་རོ། །བྱང་ཆུབ་སེམས་དཔའ་འདི་གཅིག་པུ་ཐོས་ན་དེ་ནི་ཉུང་དུ་ཐོས་པ་ཡིན་ནོ། །ཆོས་མི་ཤེས་པ་མེད་པ་དེའི་མིང་ནི་མང་དུ་ཤེས་པའོ། །
15a6 ཅིའི་ཕྱིར་ཞེས་བྱས་ན། ཆོས་སོ་ཅོག་གི་ངོ་བོ་ཉིད་གཙང་མ་གཅིག་ལ་འདུས་པའི་ཕྱིར་རོ། །གཅིག་པུ་འདི་མཐོང་བའི་ཕྱིར་རོ། །གཅིག་པུ་འདི་མཐོང་ན་སངས་རྒྱས་ཐམས་ཅད་ཀྱི་ལུས་མཐོང་ངོ་། །ཅིའི་ཕྱིར
15a7 ཞེས་བྱས་ན། སངས་རྒྱས་སོ་ཅོག་གི་ལུས་ནི་གཙང་མ་གཅིག་ལས་བྱུང་བའི་ཕྱིར་རོ། །གཙང་མ་གཅིག་གིས་ནི་སངས་རྒྱས་གཅིག་གི་ལུས་དང་། སངས་རྒྱས་ཀྱི་ས་གཅིག་དང་། བྱང་ཆུབ་ཀྱི་སྡོང་པོ
15a8 གཅིག་ཡིན་ནོ། །རིགས་ཀྱི་བུ་ཕོ་ཆོས་འདིའི་ནང་ནས་མྱ་ངན་འཁྲུག་པའི་རྣམས་བཅད་པ་ནི་དཔེར་སྡོང་པོ་བཅད་པ་དང་མཚུངས། རྩ་བ་འབའ་ཤིག་བཅད་ཀྱི་ཡལ་ག་དང་འདབ་མ་མི་གཅོད་དོ། །ཅིའི་ཕྱིར་ཞེས་བྱས་ན། དཔེར་མི
iiif viewer powered by OpenSeadragon
