| e-texts navigator |
| Wylie |
14b1 གཅིག་ཏུ་བརྟགས་པར་ཉོན་ཅིག་དང་ཁྱོད་ལ་དགྲོལ་བཤད་དོ། །སེམས་ཅན་ཐམས་ཅད་ཀུན་སེམས་གཅིག་།སངས་རྒྱས་གཅིག་།ངོ་བོ་ཉིད་གཅིག་སྟེ། མྱ་ངན་འཁྲུག་པ་ཐམས་ཅད་ཀུན་ནི་སེམས་གཅིག་ལས
14b2 སྐྱེས་སོ། །ཀུན་ཀྱང་འདུ་མཆེད་དང་ཤེས་རབ་གཉིས་ཀྱི་གནས་ཀྱི་རྒྱུ་ལས་ལངས་སོ། །ཇི་ལྟ་ཞེས་བྱས་ན། རྒྱུའི་རང་བཞིན་དང་། བདག་གི་རང་བཞིན་དང་། རང་བཞིན་གཉིས་ཀྱི་སྟོབས་ལས་སྟོབས་རྣམས་གཉིས
14b3 ཀྱི་རང་བཞིན་གཡོས་ཏེ། སྐད་ཅིག་བསམས་པ་ལས་མི་བདེན་པའི་སེམས་སྐྱེས་ཏེ། མི་བདེན་པ་དེ་ལ་ནི་ཕྱི་མོའང་མེད་དོ། །སྐད་ཅིག་སེམས་གཡོས་པའི་ཚེ་མྱ་ངན་འཁྲུག་པའང་མོད་བཞིན་ལྡང་ངོ་། །སེམས་འདི
14b4 ལ་བརྟགས་ན་མི་བདེན་པའི་སེམས་ལ་ཕྱི་མོ་མེད་དོ། །ཕྱི་མོ་མེད་ན་གནས་ཀྱང་མེད་དོ། །དེ་ལ་གནས་མེད་པར་རྟོགས་ན་ཚོར་བའི་སེམས་སྐྱེས་ཏེ། ཕྱི་མོ་ཚོར་བའི་སེམས་གཙང་མ་ལ་བསམ་པ་ཡོང་མེད་དོ། །སེམས
14b5 ལ་བསམ་པ་མེད་ན་སེམས་མི་གཡོའོ། །སེམས་མི་གཡོ་ན་སེམས་ཀྱི་གནས་ཀྱང་མེད་དེ། དེའི་མིང་ནི་གཙང་གདང་ངོ་། །གཙང་གདང་བའི་སྟོང་པའི་སེམས་ནི་ངོ་བོ་ཉིད་ཕྱི་མོ་ནས་གཙང་གདང་སྟེ་གཙང་མས་མངོན
14b6 བརྟགས་པར་ཡང་མེད་དོ། །གཙང་གདང་བའི་སེམས་དང་ཡང་བྲལ་བས་ན་གཙང་གདང་ཞེས་བཤད་དོ། །བྱང་ཆུབ་སེམས་དཔའ་ནི་གཙང་གདང་བའི་སེམས་ལ་བྱ་བ་ཡང་མེད། གཡོ་བ་ཡང་མེད། དྲི་མ་ཡང་མེད།
14b7 གཙང་མ་ཡང་མེད། སྐྱེ་བ་ཡང་མེད། འབྲི་བ་ཡང་མེད་དེ་མཐར་ཅིས་ཀྱང་གོས་པ་མེད་དེ། གནས་གཅིག་ལ་འང་འདུག་པ་མེད་དེ། དེའི་མིང་དང་གྲངས་ལས་ཡོང་བྲལ་ལོ། །རྟག་པ་དེ་བཞིན་ན་དེ་བཞིན་ཞེས
14b8 བྱ་བ་ཡང་མེད་དེ། དཔེར་རྡོ་རྗེ་དང་མཚུངས་ཏེ་ངོ་བོ་ཉིད་གཅིག་པུ་ལ་ཞིག་པ་འང་མེད་དོ། །དཔེར་ནམ་མཁའ་དང་མཚུངས་ཏེ་ཐམས་ཅད་ཤོང་། དཔེར་མེ་ཏོག་པད་མོ་དང་མཚུངས་ཏེ་སྲེད་པའི་ཆུས་མི་ཆགས་སོ། །
iiif viewer powered by OpenSeadragon
