| e-texts navigator |
| Wylie |
13a1 བཤད་དུ་མེད་དེ་བཤད་དུ་མི་རུང་ངོ་། །ཆོས་སོ་ཅོག་ལ་བྱ་བ་འང་མེད། གཡོ་བ་འང་མེད་པས་ན་བྱ་བ་མེད་པའི་དགྲོལ་བཤད་པ་ལ་བཤད་དུ་མི་རུང་ངོ་། །རིགས་ཀྱི་བུ་ཕོ་དགྲོལ་བཤད་པ་ནི་དེ་ལྟར་བཤད་དེ།
13a2 བཤད་པ་དེ་བཤད་དུ་མི་རུང་བས་མི་གཡོ་བ་བཞིན་བཤད་ཅེས་བྱའོ། །བྱང་ཆུབ་སེམས་དཔའ་སྤྱོད་མེད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་ཆོས་ནི་དེ་ལྟར་བཤད་ལགས་པ་ལྟ་ན། ཇི་ལྟ་བུར་ན་སེམས་དྲང
13a3 པོར་རྫོགས་པར་བཤད་ཅེས་བགྱི། སངས་རྒྱས་ཀྱིས་བྱང་ཆུབ་སེམས་དཔའ་སྤྱོད་མེད་ལ་བཀའ་སྩལ་པ། སེམས་དྲང་པོ་ཞེས་བྱ་བ་ནི་སེམས་དྲང་པོ་སྤྱད་དེ་ཡང་དག་པར་གཤེགས་པའི་གཞུང་ཡིད་ཆེས་པར་བཤད་པ་ལ་བདག
13a4 གི་སེམས་བཞིན་མི་བཤད་པའོ། །རྫོགས་ཤེས་བྱ་བ་ནི་དགེ་བ་བཅུའི་གཞུང་རྫོགས་པ་དང་། བདེན་པ་བཞིའི་གཞུང་རྫོགས་པ་དང་། རྒྱུ་རྐྱེན་བཅུ་གཉིས་ཀྱི་གཞུང་རྫོགས་པ་དང་། ཕ་རོལ་དུ་ཕྱིན་པ
13a5 དྲུག་གི་གཞུང་རྫོགས་པ་དང་། གྲོལ་ཐར་པའི་གཞུང་རྫོགས་པ་ཡིན་ཏེ། དེ་ལྟ་བུའི་ཆོས་རྣམས་རྫོགས་ན་ང་ནི་སེམས་གཅིག་གི་ན་སངས་རྒྱས་ངོ་བོ་ཉིད་གཅིག་གི་སར་གཙང་མ་གཅིག་སྙོམས་པར་བཤད་ན། དེའི་མིང་རྫོགས
13a6 པར་བཤད་དེ་མི་གཡོ་བ་བཞིན་བཤད་ཅེས་བྱའོ། །ཅིའི་ཕྱི་ནས་ཤེས་བྱས་ན། ཆོས་སོ་ཅོག་ཐམས་ཅད་ཀུན་གཅིག་ཏུ་རྫོགས་པར་བཤད་པའི་ཕྱིར་རོ། །བྱང་ཆུབ་སེམས་དཔས་ཆོས་གཅིག་ཏུ་གཙང་མར་སྙོམས།
13a7 དཔེར་མཚོ་ཆེན་པོ་གཅིག་གི་ཆུའི་ནང་ན་ནོར་བུ་རིན་པོ་ཆེ་རྣམ་པ་མང་དུ་ཡོད་པ་ལ་ཚོལ་བས་ཡིད་བཞིན་དུ་རྙེད་པ་དང་མཚུངས་སོ། །ཡང་དཔེར་ན་འཕྲུལ་གྱི་སྨན་ཏན་ཞེས་བྱ་བ་སྨན་གོ་འདུན་རྣམ་པ་མང་པོ་ལས་སྦྱར་ཏེ། ནད་དོ་ཅོག
13a8 གསོས་ན་སྨན་བཏང་བ་བཞིན་དུ་ཀུན་སོས་སོ། །སྙིང་གཙང་མ་གཅིག་ཏུ་སྙོམས་ན་སེམས་གཅིག་ཏུ་གཙང་། སངས་རྒྱས་ཀྱི་ངོ་བོ་ཉིད་གཅིག་ཏུ་གཙང་། ཆོས་ཀྱི་རྣམས་གཅིག་ཏུ་གཙང་སྟེ། མཉམ་སྙོམས་ན་ཆོས་ཀྱི
iiif viewer powered by OpenSeadragon
