| e-texts navigator |
| Wylie |
237a1 ཕྱག་རྒྱས་གདབ་པར་བྱ་བ་དང་། སེམས་ཅན་ཐམས་ཅད་ནམ་མཁའི་རང་བཞིན་གྱི་ཕྱག་རྒྱས་གདབ་པར་བྱ་བ་སྟེ། རིགས་ཀྱི་བུ་དེ་འདྲ་བའི་གནས་ལ་གནས་པས་ནི་ཐམས་ཅད་མཁྱེན་པའི་ཡེ་ཤེས་ཆེན་པོ་དེ་རྟོགས་པར
237a2 ནུས་སོ། །བྱང་ཆུབ་སེམས་དཔའ་སེང་གེའི་བློ་གྲོས་ཀྱིས་སྨྲས་པ། ཀྱེ་མའོ་གྲོགས་པོ་དག་འདི་ནི་མི་འཇིགས་པའི་གོ་ཆའོ། །འདི་ནི་མི་སྐྲག་པའི་གོ་ཆའོ། །འདི་ནི་མ་ཞུམ་པའི་གོ་ཆའོ། །འདི་ནི་ལེ་ལོ་མེད་པའི་གོ་ཆའོ། །ཀྱེ་གྲོགས་པོ་དག་དེ་བས
237a3 ན་མི་འཇིགས་པ་དང་། སེམས་མི་སྐྲག་པ་དང་། མ་ཞུམ་པ་དང་། ལེ་ལོ་མེད་པ་དང་། འཇིགས་ཤིང་སྐྲག་པ་སྐྱི་བུང་ཞེས་བྱེད་པ་དང་བྲལ་བ་དང་། འཁོར་བའི་ཉེས་པ་མི་སྐྱེད་པ་དང་། མྱ་ངན་ལས་འདའ་བའི་ཡོན་ཏན་ཡང་དག་པར་མཐོང་བ་དང་།
237a4 བདེ་བ་དང་སྡུག་བསྔལ་བའི་ཆོས་ལ་སྙོམས་པར་གནས་པ་དང་། མི་གཉིས་པ་ལ་གནས་པ་དང་ལྡན་པས་ཐམས་ཅད་མཁྱེན་པ་རྟོགས་པར་སླའོ། །བྱང་ཆུབ་སེམས་དཔའ་སེང་གེའི་འགྲོས་བསྒྲགས་དབྱངས་ཀྱིས་སྨྲས་པ། ཀྱེ་གྲོགས་པོ་དག
237a5 འགྲོས་དེ་ནི་སྐྱེས་བུ་ངན་པའི་མ་ཡིན་གྱི། དེ་ནི་སྐྱེས་བུ་དམ་པའི་འགྲོས་ཡིན་ནོ། །དེ་ཅིའི་ཕྱིར་ཞེ་ན། སྐྱེས་བུ་དམ་པ་དག་ནི་སྡིག་པའི་ལྟ་བ་དང་བྲལ་བས་ཡང་དག་པ་ལ་ཞུགས་པ་ཡིན་ནོ། །སྐྱེས་བུ་དམ་པ་དག་ནི་རྟག་པར་དྲང་བའི་རང་བཞིན
237a6 དང་ལྡན་པས་གཡོ་མེད་པ་ཡིན་ནོ། །སྐྱེས་བུ་དམ་པ་དག་ནི་བླ་མ་ལ་རིམ་གྲོ་སྐྱེད་པས་ང་བཅོམ་པ་ཡིན་ནོ། །སྐྱེས་བུ་དམ་པ་དག་ནི་བསྟན་ན་འཐུན་པར་ལེན་པས་ཚིག་བཟང་བ་ཡིན་ནོ། །སྐྱེས་བུ་དམ་པ་དག་ནི་ཡང་དག་པའི་འཚོ་བ་ལ་གནས་པས
237a7 ལས་ཀྱི་མཐའ་གྲགས་པ་ཡིན་ནོ། །སྐྱེས་བུ་དམ་པ་དག་ནི་སྐྱོ་བ་དང་བྲལ་བས་འདོད་ཆགས་དང་བྲལ་བ་ཡིན་ནོ། །སྐྱེས་བུ་དམ་པ་དག་ནི་ཁོང་ཁྲོ་བ་དང་བྲལ་བས་ཞེ་སྡང་དང་བྲལ་བ་ཡིན་ནོ། །སྐྱེས་བུ་དམ་པ་དག་ནི་ཞི་བ་རབ་ཏུ་ཞི་བ་ཉེ་བར་ཞི
237a8 བས་མུན་པ་མུན་ནག་དང་བྲལ་བ་ཡིན་ནོ། །སྐྱེས་བུ་དམ་པ་དག་ནི་སྡུག་བསྔལ་བ་དང་དབུལ་པོ་ལ་སྙིང་རྗེ་བར་གྱུར་པས་འཇམ་པ་རྣམས་ཡིན་ནོ། །སྐྱེས་བུ་དམ་པ་དག་ནི་ལུས་དང་། ངག་དང་། ཡིད་ཀྱི་ལས་ཀྱི་མཐའ་ཡོངས་སུ་དག་པས
iiif viewer powered by OpenSeadragon
