| e-texts navigator |
| Wylie |
335b1 དག་ཏུ་སྟོང་ཉིད་ཀྱང་། །མཆོག་གིས་ཆོས་རྣམས་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །ཞིག་པ་མེད་ཅིང་སྐྱེ་མེད་ལ། །ཆོས་ཀྱི་དབྱིངས་དང་མཉམ་གྱུར་ཀྱང་། །སྲེག་པའི་བསྐལ་པ་སྟོན་མཛད་པ། །
335b2 འདི་ནི་འཇིག་རྟེན་འཐུན་འཇུག་ཡིན། །ཆོས་ཀྱི་དབྱིངས་ནི་གྲུབ་མེད་དེ། །དེ་ལ་ངོ་བོ་ཉིད་མེད་ཀྱང་། །འོན་ཀྱང་ངེས་པར་འབྱུང་སྟོན་པ། །འདི་ནི་འཇིག་རྟེན་འཐུན་འཇུག་ཡིན། །གཟིགས་པ་ཅི་ཡང་མི་མངའ་ཡང་། །
335b3 ལྷག་མཐོང་གིས་ནི་གཟིགས་གྱུར་ཅིང་། །ལྟ་བ་ཐམས་ཅད་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །ཆོས་རྣམས་ཀུན་ལ་བྱེད་པ་པོ། །ཤིན་དུ་ཡོད་པ་མ་ཡིན་ཡང་། །བྱས་དང་མ་བྱས་སྟོན་མཛད་པ། །
335b4 འདི་ནི་འཇིག་རྟེན་འཐུན་འཇུག་ཡིན། །མྱ་ངན་འདས་དང་ནམ་མཁར་ནི། །རྒྱལ་བ་གྲངས་སུ་མ་ཆུད་ཀྱང་། །ཁམས་ཀྱི་གྲངས་རྣམས་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །གྲངས་མེད་སྟོབས་རྣམས
335b5 བརྙེས་གྱུར་ལ། །མཐུ་ལས་ཉམས་པ་མི་མངའ་ཡང་། །ཞབས་འབྲིང་བ་དག་ཚོལ་མཛད་པ། །འདི་ནི་འཇིག་རྟེན་འཐུན་འཇུག་ཡིན། །ནམ་ཡང་བྱིས་པའི་བློ་ལྡན་དང་། །སངས་རྒྱས་འདྲེན་པ་མི་མངའ་ཡང་། །བྱིས་པ་དེ་དག་འདུལ
335b6 མཛད་པ། །འདི་ནི་འཇིག་རྟེན་འཐུན་འཇུག་ཡིན། །ཡོན་ཏན་ལྡན་པ་ཐམས་ཅད་ཀྱི། །ཕ་རོལ་དེ་བཞིན་གཤེགས་བྱོན་ཀྱང་། །དེ་ལ་ང་ནི་གཞན་ཞེས་པ། །འདི་ནི་འཇིག་རྟེན་འཐུན་འཇུག་ཡིན། །མི་སྐྱེ་བ་ནི་རྟག་ཏུ་སྐྱེས། །
335b7 དེ་དག་རྒྱུ་ལས་བྱུང་མིན་ཡང་། །མ་རིག་རྐྱེན་གྱིས་འབྱུང་ཞེས་པ། །འདི་ནི་འཇིག་རྟེན་འཐུན་འཇུག་ཡིན། །རྒྱལ་པོ་བརྙེད་དང་བཀུར་སྟི་ལས། །སྒྲིབ་པ་མེད་པ་ཉིད་བརྙེས་ལ། །ཆོག་ཤེས་པ་ནི་སྟོན་མཛད་པ། །
335b8 འདི་ནི་འཇིག་རྟེན་འཐུན་འཇུག་ཡིན། །གང་ན་སེམས་ཅན་འདུལ་ཡོད་པར། །སྣང་བ་དེར་ནི་འདྲེན་པ་རྣམས། །དེ་དག་སྤྱོད་པ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །རིག་པ་གསུམ་གྱི་ཚོགས་བསགས་པ། །
iiif viewer powered by OpenSeadragon
