| e-texts navigator |
| Wylie |
332b1 རྒྱལ་བ་རྣམས་ནི་མཁའ་འདྲ་སྟེ། །ཆོས་རྣམས་ཀུན་ལ་མི་གནས་ཀྱང་། །ལྡང་བ་ལྟར་ཡང་སྣང་བ་ནི། །འདི་ནི་འཇིག་རྟེན་འཐུན་འཇུག་ཡིན། །ཞབས་ནི་པད་མའི་འདབ་འདྲ་སྟེ། །དེ་དག་རྡུལ་གྱིས་མི་གོས་ལ། །
332b2 ཞབས་ཀྱང་འཁྲུ་བ་མཛད་པ་ནི། །འདི་ནི་འཇིག་རྟེན་འཐུན་འཇུག་ཡིན། །དེ་དག་དྲི་མ་མི་མངའ་སྟེ། །སྐུ་ནི་གསེར་གྱི་མདོག་འདྲ་ཡང་། །རྫོགས་པའི་སངས་རྒྱས་ཁྲུས་མཛད་པ། །འདི་ནི་འཇིག་རྟེན་འཐུན
332b3 འཇུག་ཡིན། །ཞལ་ནི་པད་མའི་དྲི་ལྡན་ཞིང་། །ཚེམས་ནི་དྲི་མེད་མུ་ཏིག་འདྲ། །འོན་ཀྱང་ཚེམས་ཤིང་གསོལ་མཛད་པ། །འདི་ནི་འཇིག་རྟེན་འཐུན་འཇུག་ཡིན། །དེ་དག་བསྒྲིམ་པ་མི་མངའ་ཡང་། །དེ་དག
332b4 ཞལ་ཟས་གསོལ་མཛད་ཅིང་། །སྦྱིན་པ་པོ་ལ་འབྲས་བུ་ཆེ། །འདི་ནི་འཇིག་རྟེན་འཐུན་འཇུག་ཡིན། །སྐུ་མཁྲེགས་རྡོ་རྗེ་འདྲ་བའི་ཕྱིར། །ཟག་པ་དག་ནི་མི་མངའ་ཡང་། །བཤང་བའི་སར་ནི་གཤེགས་མཛད་པ། །
332b5 འདི་ནི་འཇིག་རྟེན་འཐུན་འཇུག་ཡིན། །དེ་དག་སྙུན་ནི་མི་མངའ་ཡང་། །དགེ་འདུན་བསྡུ་བ་མཛད་པའི་ཕྱིར། །སྨན་ཀྱང་བསྟན་པར་མཛད་པ་ནི། །འདི་ནི་འཇིག་རྟེན་འཐུན་འཇུག་ཡིན། །སངས་རྒྱས་ཡོན་ཏན་ཀུན
332b6 ལྡན་ཏེ། །སྐུ་ལ་འགྱུར་བ་མི་མངའ་ཡང་། །དེ་དག་རྒ་བ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །འཇིག་རྟེན་ཁམས་ནི་དཔག་ཏུ་མེད། །ཞབས་ཀྱི་མཐེ་བོས་གཡོ་མཛད་ལ། །འོན་ཀྱང
332b7 ཉམ་ཆུང་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །ཡིད་ཀྱི་སྐུ་དང་རབ་ལྡན་པས། །དེ་བཞིན་གཤེགས་པ་ཆོས་སྐུ་ཡང་། །རྣག་ཅན་སྐུ་ནི་སྟོན་མཛད་པ། །འདི་ནི་འཇིག་རྟེན་འཐུན་འཇུག
332b8 ཡིན། །སངས་རྒྱས་རྣམ་རྟོག་མི་མངའ་ཡང་། །སེམས་ཅན་སྤྱོད་ཡུལ་ཇི་བཞིན་དུ། །དེ་དག་སྤྱོད་པ་རྣམ་པར་རྟོག་།འདི་ནི་འཇིག་རྟེན་འཐུན་འཇུག་ཡིན། །དེ་དག་རྟག་ཏུ་མཉམ་བཞག་ལ། །འགྲེང་དང་བཞུགས
iiif viewer powered by OpenSeadragon
