| e-texts navigator |
| Wylie |
298a1 འགྱུར། །ཡིད་འོང་དབྱངས་ལྡན་ཕོ་བྲང་འཁོར་གཤེགས་ཤིང་། །འཇིག་རྟེན་མགོན་པོ་སྒོ་གཏན་བཞུགས་པའི་ཚེ། །སུ་ཞིག་ཤུགས་བསྐྱེད་མེ་ཏོག་བླངས་ཏེ་གཏོར། །དེ་ནི་བརྒྱན་ནས་རྒྱལ་བ་དམ་པ་མཐོང་། །རང་གིས
298a2 ཁྱིམ་དུ་སྟོབས་བཅུ་བསྙེན་བཀུར་བྱེད། །དེ་ཡི་བཤོས་གསོལ་ཆོས་བཟང་སྟོན་པ་མཛད། །དད་པ་སྐྱེས་ནས་མི་མཆོག་བསྙེན་བཀུར་བྱེད། །གོས་ཀྱང་ཐོགས་ཏེ་རྣམ་པར་འདྲེན་ལ་འབུལ། །སངས་རྒྱས་བྱང་ཆུབ་མཚུངས་མེད
298a3 མཆོག་ཐོབ་ནས། །སྟོབས་བཅུ་ལྡན་ཞིང་གཡོ་བ་མེད་གྱུར་ལ། །བྱང་ཆུབ་སངས་རྒྱས་སྡུག་བསྔལ་སྐྱེ་བོ་འགྲོལ། །འཇིག་རྟེན་ཀུན་དུ་མཚུངས་མེད་སངས་རྒྱས་ཤོག་།དེ་ཡི་སྨོན་ལམ་འདི་འདྲ་འདི་དང་ནི། །སངས་རྒྱས་ཡེ་ཤེས
298a4 དེ་སེམས་དགའ་མཁྱེན་ནས། །སྟོབས་བཅུ་འཛུམ་མཛད་འཇིག་རྟེན་ཐམས་ཅད་དུ། །མཚུངས་མེད་སངས་རྒྱས་འགྱུར་ཞེས་ལུང་སྟོན་ཏོ། །སྐྱེས་བུ་དམ་པ་མཆོག་གི་གསུང་ཐོས་ནས། །བདེ་གཤེགས་མཆོག་གསུང་གཞན་དུ་མི
298a5 འགྱུར་ཏེ། །བདག་ནི་རྒྱལ་བ་མཆོག་འགྱུར་དོགས་མེད་ཅེས། །དགའ་ཞིང་མགུ་ནས་བར་སྣང་ཀུན་དུ་རྒྱུ། །འཇིག་རྟེན་ལྷ་ཡི་ལྷར་གྱུར་སངས་རྒྱས་སུ། །ཁྱད་འཕགས་མཚུངས་མེད་སྦྱིན་གནས་འགྱུར་བ་དང་། །དེ་སེམས་སྤྱོད་དང
298a6 འགལ་བར་གནས་མཁྱེན་ནས། །དེ་ལ་སྟོབས་བཅུ་མངའ་བས་བཞེས་པར་འགྱུར། །བདེ་གཤེགས་མཆོག་གིས་གོས་ནི་བཞེས་རིག་ནས། །དེ་ནི་ཤུགས་སྐྱེས་རབ་དགའ་སེམས་མགུ་སྟེ། །མཚུངས་མེད་འཇིག་རྟེན་མགོན
298a7 ལ་བལྟས་ནས་ནི། །འཇིག་རྟེན་སངས་རྒྱས་བདག་འགྱུར་མོས་པ་བསྐྱེད། །སྐྱེ་ཤི་ཕ་རོལ་སེམས་ཅན་བསྒྲལ་བར་བྱ། །གྲོལ་ནས་སྐྱེ་བོ་མང་པོ་འདུས་བྱས་དགྲོལ། །འཇིག་རྟེན་ཀུན་ན་ལོང་བའི་མིག་བདག་འགྱུར། །སྣང་བ་ཐོབ་ནས་མུན་པ
298a8 རབ་རིབ་བསལ། །དེ་ལྟས་ཕན་ཡོན་དམ་པ་འདི་ཐོས་ནས། །མེ་ཏོག་ཕྲེང་བ་རྒྱལ་མཚན་གོས་མཆོག་དང་། །རོལ་མོ་སྒྲ་དང་གདུགས་དང་བྱུག་བདུག་གིས། །མགོན་པོ་མཆོད་ལ་སངས་རྒྱས་འགྱུར་བར་གྱིས། །བཅོམ་ལྡན་འདས
iiif viewer powered by OpenSeadragon
