| e-texts navigator |
| Wylie |
277b1 བྱས་སོ། །དེ་ནས་བཅོམ་ལྡན་འདས་སྩང་སྡེར་ནི་གྱུར་ཕྱག་ནི་བཅབས་ནས་རྒྱལ་པོའི་བཙུན་མོ་བདེ་ལྡན་མ་ལ་ཆོས་ཀྱི་གཏམ་རྒྱས་པས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེང་བསྟོད། ཡང་དག་པར་རབ་ཏུ་དགའ
277b2 བར་མཛད་ནས་ལུང་བསྟན་ཏེ། བདེ་ལྡན་མ་ཁྱོད་མ་འོངས་པའི་དུས་བསྐལ་པ་དུ་མ་ཞིག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས
277b3 ཡོན་ཏན་རིན་ཆེན་དཔལ་ཞེས་བྱ་བར་འགྱུར་རོ། །ཁྱོད་ཀྱི་སངས་རྒྱས་ཀྱི་ཞིང་ཡང་མཆོག་ཏུ་ཡོངས་སུ་དག་པར་འགྱུར་ཏེ། ངན་སོང་ངན་འགྲོ་ལོག་པར་ལྟུང་བའི་སྡུག་བསྔལ་མེད་པ་ཡིད་དུ་འོང་བ་ཡིད་དང་འཐད་པ་མཆོག
277b4 ཏུ་རྣམ་པར་དག་པའི་བྱང་ཆུབ་སེམས་དཔའ་རྣམས་ཀྱི་གནས་ཡིན་ཏེ། ཁྱོད་ཀྱི་སངས་རྒྱས་ཀྱི་ཞིང་དེ་ནི་དེ་ལྟ་བུར་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན་དགེ་བསྙེན་མ་སྟོང་ཕྲག་མང་པོ་ཞིག་གིས་ནི་བླ་ན་མེད་པ་ཡང
277b5 དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སྲོག་ཆགས་སྟོང་ཕྲག་མང་པོ་དང་། ལྷ་དང་མིའི་སྐྱེ་དགུ་རྣམས་ཀྱིས་ནི་ཆོས་ཀྱི་སྣང་བ་ཐོབ་པར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། རྒྱལ་པོའི་བཙུན་མོ་བདེ་ལྡན་མ་དང་།
277b6 འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་བདེ་ལྡན་མ་ལུང་བསྟན་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།
277b7 @#། །རྒྱ་གར་སྐད་དུ། ཨཱརྱ་ཤྲཱི་ཡ་མ་ཧཱ་དེ་བི་བྱཱ་ཀ་ར་ཎ། བོད་སྐད་དུ། འཕགས་པ་ལྷ་མོ་ཆེན་པོ་དཔལ་ལུང་བསྟན་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
277b8 འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་བདེ་བ་ཅན་ན་བྱང་ཆུབ་སེམས་དཔའི་དགེ་འདུན་ཆེན་པོ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ
iiif viewer powered by OpenSeadragon
