| e-texts navigator |
| Wylie |
277a1 པར་རབ་ཏུ་གསུངས་པ་ལ་མངོན་པར་བསྟོད་དེ་རྗེས་སུ་ཡི་རངས་ནས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། ཇི་ལྟར་མི་མཆོག་དམ་པ་པོ། །ཡོན་ཏན་རྒྱ་མཚོ་མཐའ་ཡས་པས། །སྔོན་ནི་སྤྱོད་པ་ཤིན
277a2 དུ་བསླབས། །དེ་ལྟར་བདག་ཀྱང་རྗེས་སུ་སློབ། །ཡོན་ཏན་མཐར་ཕྱིན་ཁྱོད་ཀྱི་ནི། །ཡོན་ཏན་རྣམས་ལྟར་བདག་སློབ་སྟེ། །སྲིད་པར་སྡུག་བསྔལ་སྤངས་ནས་ནི། །བདག་ཀྱང་འདི་འདྲར་འགྱུར་བར་བགྱི། །ཚེ་རབས་གཞན
277a3 ནི་མ་ལུས་པར། །བདག་གིས་སྦྱིན་པ་གང་སྩལ་པ། །མཉམ་མེད་ཡེ་ཤེས་མཐོང་སླད་དུ། །དེ་དག་ཐམས་ཅད་ཡོངས་སུ་བསྔོ། །སྲིད་པ་འདི་འམ་གཞན་དག་ཏུ། །བདག་གིས་ཚུལ་ཁྲིམས་གང་བསྲུངས་པ། །སངས་རྒྱས
277a4 ཡེ་ཤེས་འཐོབ་སླད་དུ། །དེ་དག་ཐམས་ཅད་ཡོངས་སུ་བསྔོ། །བཟོད་དང་བརྩོན་འགྲུས་ཏིང་འཛིན་དང་། །ཤེས་རབ་དགེ་བ་གང་བསྟེན་པ། །སངས་རྒྱས་ཆོས་ཀྱི་དོན་གྱི་ཕྱིར། །དེ་དག་ཐམས་ཅད་བདག་གིས་བསྔོ། །ལུས་དང
277a5 ངག་དང་ཡིད་རྣམས་ཀྱིས། །ལས་དགེ་གང་དག་བདག་གིས་བསགས། །སངས་རྒྱས་ཡེ་ཤེས་ཡོན་ཏན་ཕྱིར། །བྱང་ཆུབ་ཏུ་ནི་བདག་གིས་བསྔོ། །བུད་མེད་ལུས་འདི་སྤངས་ནས་ནི། །སྐྱེས་པ་མཆོག་ཏུ་བདག་གྱུར་ཅིག་།དེ་ལྟར
277a6 སྐྱེས་པའི་ལུས་ཐོབ་ནས། །དམ་པའི་མཆོག་ཏུ་བདག་གྱུར་ཅིག་།དེ་ལྟར་གྱུར་ནས་བདེ་གཤེགས་ཀྱི། །འཁོར་ལོ་བླ་མེད་བསྐོར་བར་བགྱི། །འཁོར་བའི་བཙོན་རར་བཅིངས་པ་ཡི། །སེམས་ཅན་བྱེ་བ་དགྲོལ་བར་བགྱི། །དེ་ནས་བཅོམ་ལྡན
277a7 འདས་ཀྱིས་རྒྱལ་པོའི་བཙུན་མོ་བདེ་ལྡན་མ་ལ་ཚིགས་སུ་བཅད་པ་དག་གིས་ལེགས་སོ་ཞེས་བྱ་བ་བྱིན་ཏེ། ཚིག་འདི་སྨྲས་པ་ལེགས་པ་ཡིན། །སེམས་ནི་རབ་ཏུ་སྡོམ་པ་ལེགས། །ཁྱོད་ཀྱིས་བདུད་ནི་ལེགས་པར་མནན། །རྫོགས་སངས
277a8 རྒྱས་སུ་ཁྱོད་འགྱུར་རོ། །དེ་ནས་རྒྱལ་པོའི་བཙུན་མོ་བདེ་ལྡན་མ་དགའ་ཞིང་མགུ་ལ་རབ་ཏུ་དགའ་བ་དང་། དགའ་ཞིང་ཡིད་བདེ་བ་སྐྱེས་ནས་བཅོམ་ལྡན་འདས་དང་། བྱང་ཆུབ་སེམས་དཔའ་བྱམས་པ་བཟའ་བ་དང་བཅའ་བ་མང་པོས་ཚིམ་པར
iiif viewer powered by OpenSeadragon
