| e-texts navigator |
| Wylie |
276a1 ཐོས་རྣམས་ལ་ཡོད། །སངས་རྒྱས་ཡེ་ཤེས་འཐོབ་འདོད་རྣམས། །བྱང་ཆུབ་ཕྱིར་ནི་དེ་ལ་གནས། །སྦྱིན་དང་ཚུལ་ཁྲིམས་ཆབ་སྩལ་བས། །ལྗོན་ཤིང་དེ་ནི་རྣམ་པར་བསྲུང་། །དེ་ནི་རྣམ་པར་འཁྲུང་པ
276a2 ན། །འབྲས་བུ་བཟང་པོ་རྣམས་ཀྱང་འབྱུང་། །བཟོད་པ་དང་ནི་བརྩོན་འགྲུས་མཐུས། །ལྗོན་ཤིང་བདག་གིས་ལེགས་པར་བསྲུངས། །དེ་ནི་རྣམ་པར་འཁྲུང་པ་ན། །འབྲས་བུ་དྲི་མེད་འབྱུང་བར་འགྱུར། །ཤིང་འདི་བལྟ
276a3 ན་མཛེས་པ་སྟེ། །བསམ་གཏན་ཤེས་རབ་མེ་ཏོག་རྒྱས། །འདྲེན་པ་བདག་གིས་དེ་དག་གི། །འབྲས་བུ་རྣམས་ནི་མྱོང་བ་ལགས། །ཇི་ལྟར་རི་ལ་རྟེན་པ་ཡི། །ཤིང་རྣམས་ཡལ་ག་ལོ་མ་དག་།ཆུ་ཞེང་གབ་པར་རྒྱ
276a4 ཆེ་བ། །འཕེལ་བར་གྱུར་ཏེ་བསྐྱོད་མི་ནུས། །དེ་བཞིན་ལྗོན་ཤིང་ཆེ་བཟང་འདི། །སངས་རྒྱས་ཆོས་ཉིད་འཚལ་བས་ན། །སེམས་ཅན་ཀུན་ལ་ཕན་པའི་ཕྱིར། །སྔོན་ནི་ལེགས་པར་བསྲུངས་པ་ལགས། །འདྲེན་པའི་བསོད་ནམས
276a5 ལྗོན་ཤིང་འདིའི། །འབྲས་བུ་གཞན་ཡང་མཆིས་ལགས་ཏེ། །བདག་གིས་ཉམས་སུ་མྱོང་བ་འདི། །དེ་ཡི་མེ་ཏོག་ཙམ་དུ་བས། །དེ་ཡི་འབྲས་བུ་བྱང་ཆུབ་མཆོག་།སངས་རྒྱས་བྱང་ཆུབ་བླ་མེད་ལགས། །དེ་ནི་བདག་གིས
276a6 ཐོབ་པར་འགྱུར། །སྨད་པ་བུད་མེད་ཉིད་སྤངས་ནས། །སྐྱེས་པར་བདག་ཉིད་འགྱུར་བ་ལགས། །སེམས་ཅན་ཀུན་གྱི་དམ་པ་མཆོག་།ཆོས་རྣམས་ཀུན་གྱི་ཕ་རོལ་ཕྱིན། །ཐམས་ཅད་མཁྱེན་པ་ཐམས་ཅད་གཟིགས། །
276a7 སྡུག་བསྔལ་ཀུན་གྱི་ཉེན་པ་ཡི། །སེམས་ཅན་རྣམས་ནི་བདག་གིས་དགྲོལ། །འཇིག་རྟེན་ཀུན་ལ་སྙིང་བརྩེ་བའི། །སྐྱབས་སུ་བདག་ནི་འགྱུར་བ་ལགས། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རྒྱལ་པོའི་བཙུན
276a8 མོ་བདེ་ལྡན་མ་ལ་བཀའ་སྩལ་པ། བདེ་ལྡན་མ་གང་ཁྱོད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེའི་ཚོགས་ཀྱི་དོན་དང་། ལྷ་རྣམས་དང་། མི་རྣམས་ལ་ཕན་པ་དང་། བདེ་བའི་ཕྱིར་ཞུགས་པ་ལེགས་སོ
iiif viewer powered by OpenSeadragon
