| e-texts navigator |
| Wylie |
116a1 རྙེད་པ་ཉེས་པར་རྙེད་པའོ་སྙམ་མོ། །དེ་ནས་བཅོམ་ལྡན་འདས་ཁྱེའུ་རིན་ཆེན་བྱིན་གྱི་སྒོ་དྲུང་དུ་གཤེགས་སོ། །དེ་ནས་ཁྱེའུ་རིན་ཆེན་བྱིན་འདི་སྙམ་དུ་སེམས་ཏེ། སེམས་ཅན་ཁྱད་པར་ཅན
116a2 འདི་ལྟ་བུ་ནི་བསྐལ་པ་བྱེ་བ་ཕྲག་འབུམ་དུ་ཡང་རྙེད་པར་དཀས། ཁང་བཟངས་འདི་ལས་བདག་གིས་མཆོང་བར་བྱའོ་སྙམ་མོ། །དེ་ནས་དེའི་ཚེ་ཁྱེའུ་རིན་ཆེན་བྱིན་གྱིས་རིལ་གྱིས་གསེར་ལས་བྱས་པའི་པད་མ་འདབ་མ་འབུམ
116a3 དང་ལྡན་པ་བརྩེན་པ་ལག་མཐིལ་དུ་ཁྱེར་རོ། །དེ་ནས་ཁྱེའུ་རིན་ཆེན་བྱིན་གྱིས་ཁང་བཟངས་དེ་ལས་བདག་ཉིད་ཀྱིས་མཆོངས་སོ། །དེ་སངས་རྒྱས་ཀྱི་མཐུས་ནམ་མཁའ་བར་སྣང་ལ་འདུག་གོ། །དེ་ནས་ཁྱེའུ་རིན་ཆེན
116a4 བྱིན་གྱིས་རིལ་གྱིས་གསེར་ལས་བྱས་པའི་པད་མ་འདབ་མ་འབུམ་དང་ལྡན་པ་དེ་བཅོམ་ལྡན་འདས་ལ་ཕུལ་ལོ། །དེ་ཁྱེའུ་རིན་ཆེན་བྱིན་གྱི་ལག་ནས་བཏང་ནས་བཅོམ་ལྡན་འདས་ཀྱིས་དབུའི་དྲང་ཐད་ཀྱི་སྟེང་གི་ནམ
116a5 མཁའ་བར་སྣང་ལ་པད་མའི་གདུགས་སུ་བྱས་ཏེ་རིན་པོ་ཆེའི་དྲ་བ་ཡང་བྲེས་སོ། །དེ་ནས་དེའི་ཚེ་ཁྱེའུ་རིན་ཆེན་བྱིན་གྱིས་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་པད་མ་འདི་ཕུལ་བ། །བདག་ནི་ཅི་ཡང
116a6 མི་འཚལ་ཏེ། །དོན་རྣམས་ཐམས་ཅད་བཅད་སླད་དུ། །བདག་ནི་བྱང་ཆུབ་མཆོག་འཚལ་ལོ། །ཇི་ལྟར་བྱང་ཆུབ་མ་སྐྱེས་ལ། །ཐོབ་པ་མ་མཆིས་བཤིག་མ་མཆིས། །བླང་དུ་མ་མཆིས་དོར་མ་མཆིས། །
116a7 དེ་ལྟར་བདག་གིས་མེ་ཏོག་དབུལ། །བྱིས་པ་རྣམས་ཀྱིས་དོན་གང་བརྟགས། །བརྟགས་པ་དེ་ནི་དོན་མ་མཆིས། །རྟོག་པ་ཐམས་ཅད་བཅད་སླད་དུ། །གང་ཟག་མཆོག་ལ་བདག་མཆོད་བགྱིད། །དེ་ཕྱིར་མེ་ཏོག་ཕུལ
116a8 བ་འདི། །བདག་ལ་རྣམ་སྨིན་འབྲས་མ་གྱུར། །དངོས་པོ་ཐམས་ཅད་བཅད་སླད་དུ། །པད་མ་འདི་ནི་བདག་གིས་ཕུལ། །བདག་གི་སངས་རྒྱས་ཞིང་དུ་ནི། །རྒྱལ་མཆོག་ཐེག་པས་འགྲོ་མ་གཏོགས། །ཉན་ཐོས
iiif viewer powered by OpenSeadragon
