| e-texts navigator |
| Wylie |
114b1 གཤེགས་སོ། །བསྟོད་ཀྱང་དགྱེས་པར་མི་འགྱུར་ལ། །སྨད་ཀྱང་འཁྲུག་པར་མི་འགྱུར་ཏེ། །ཁོང་ཁྲོ་རྗེས་སུ་ཆགས་པ་སྤངས། །ཆགས་མེད་རྒྱུ་བ་རླུང་དང་འདྲ། །འདི་ནི་ཆོས་རྒྱལ་དམ་པ་སྟེ། ཡེ་ཤེས
114b2 ཟབ་མོ་ཕུན་སུམ་ཚོགས། །དོན་དམ་དོན་ལ་མཁས་པ་པོ། །འགྲོ་བའི་སློབ་དཔོན་གཤེགས་པ་ཡིན། །དེ་ནི་དབུ་མ་སྟོན་པ་སྟེ། །ཡོད་མེད་འཛིན་ལས་རྣམ་པར་གྲོལ། །ཆོས་ལམ་ལྡན་ཞིང་ཞི་བ་སྟེ། །
114b3 བརྟེན་པ་ཐམས་ཅད་ཡོངས་སུ་སྤངས། །ཡེ་ཤེས་ཕུང་པོ་བདག་མེད་བདག་།བསོད་ནམས་ཚོགས་རྣམས་བསག་པ་ཡི། །བདེ་གཤེགས་འཇིག་རྟེན་འདྲེན་པ་པོ། །མཐའ་ཡས་གཟུགས་ཅན་དེང་གཤེགས་སོ། །
114b4 དབུ་སྐྲ་གཡས་སུ་འཁྱིལ་པར་གནས། །འཇམ་ཞིང་མདོག་སྣུམ་ལྕང་ལོ་ཅན། །གནགས་ཅིང་འཛིངས་པ་མེད་རྣམས་ཀྱིས། །དེ་ཡི་དབུ་ནི་རྣམ་པར་མཛེས། །གཙུག་ཏོར་གཡས་སུ་འཁྱིལ་པ་སྟེ། །དབུ་སྐྲ་འཁྱིལ
114b5 ཅིང་ལེགས་པར་གནས། །རི་རབ་རྩེ་མོ་འདྲ་བར་ནི། །དེ་ཡི་དབྱིབས་ནི་མཛེས་པ་ཡིན། །དེ་ཡི་སྨིན་མཚམས་མཛོད་སྤུ་མཛེས། །མཇམ་ཞིང་གཡས་སུ་འཁྱིལ་བ་སྟེ། །འོད་ནི་ཤེལ་དང་ཟླ་བ་ཡི། །འོད་ཟེར
114b6 དྲ་བ་མང་བས་ལྷག་། དེ་ཡི་ཞལ་ནས་སྤྱན་མཛེས་པ། །མེ་ཏོག་ཨུཏ་པལ་སྔོན་པོ་འདྲ། །བ་ཡི་རྫི་མ་ཡོངས་སུ་དག་།མི་དམར་མ་འཛིངས་ཞི་བར་གཟིགས། དཔལ་ལྡན་སེང་གེའི་འགྲམ་པ་འདྲ། །དེ་ནི་རྟག་ཏུ
114b7 ཞལ་ཡང་འཛུམ། །སྒྲོས་ནི་བིམ་པ་བཞིན་དུ་དམར། །ཞལ་མཛེས་ལུས་ཅན་ཀུན་འདྲེན་པ། །མཐུ་སྟོབས་ཆེན་པོ་ཕུན་སུམ་ཚོགས། །བསོད་ནམས་བརྒྱ་ཡི་སྟོབས་མངའ་བ། །ཚེམས་ཀྱི་ཕྲེང་བ་སྤ་བའི
114b8 འོད། །སྙོམས་ཤིང་ཐགས་བཟང་ཡོངས་སུ་དག་།དེ་ཡི་ཚེམས་ནི་ཤིན་དུ་དཀར། །ལྗགས་ནི་ཤིན་དུ་རིང་ཞིང་སྲབ། །བདག་ཉིད་ཀྱི་ནི་ཞལ་གྱི་ངོས། །དེ་ཡིས་ཀུན་དུ་ཁྱབ་པར་གནས། །དཔལ་ལྡན་དབུ་ནི
iiif viewer powered by OpenSeadragon
