| e-texts navigator |
| Wylie |
114a1 བཅད་དེ་སྨྲས་པ། མ་མ་གང་གི་མཐུ་སྟོབས་ཀྱིས། །ཤིན་དུ་ཡ་མཚན་བྱུང་བ་སྣང་། །ཉི་མ་བྱེ་བ་རྣམས་ཀྱི་འོད། །ཟིལ་གནོན་སྣང་འདི་སུ་ཞིག་ཡིན། །སྟོང་གསུམ་ས་བཞི་ཁྱབ་གྱུར་ནས། །ངན་འགྲོ་སྐེམས
114a2 པར་བྱེད་པ་ཡིས། །རྫུ་འཕྲུལ་སྣང་བ་གང་ཡིན་འདི། །མ་མ་བདག་ལ་མྱུར་དུ་སྨྲོས། །དུས་མིན་མེ་ཏོག་ཆར་པ་ཡིས། །སངས་རྒྱས་ཞིང་མཚམས་མེད་པར་མཛེས། །ཕྱོགས་རྣམས་བྱ་ཡི་ཚོགས་རྣམས་ཀྱིས། །སྐད་སྙན
114a3 པས་ནི་ཁྱབ་པར་གྱུར། །སྲང་ཡང་མེ་ཏོག་རྣམས་ཀྱིས་ཁེབས། །མེ་ཏོག་གདུགས་ཀྱང་རྣམ་པར་བྲེས། །སྐྱེས་པ་བུད་མེད་དགའ་རྣམས་ཀྱིས། །ཀུན་ནས་རབ་ཏུ་མཛེས་པར་འདུག་།ལོང་བ་རྣམས་ཀྱིས་མིག་ཀྱང
114a4 ཐོབ། །སྐྱེ་བོ་འོན་རྣམས་སྒྲ་ཡང་ཐོས། །བྱད་ངན་བྱད་གཟུགས་ཕུན་སུམ་ཚོགས། །མདོག་ངན་ཁ་དོག་ཕུན་སུམ་ཚོགས། །གཡེངས་པ་རྣམས་ཀྱང་དྲན་པ་རྙེད། །ལྕེ་མེད་ཚིག་ནི་རྣམ་པར་དག་།སེམས་ཅན
114a5 བྱམས་པའི་སེམས་མེད་པ། །བྱམས་པའི་སེམས་དང་ལྡན་པར་གྱུར། །མ་མ་སེམས་ཅན་ཁྱད་པར་ཅན། །རྫུ་འཕྲུལ་གྲུབ་པ་མཐུ་ལྡན་པ། །འཇིག་རྟེན་དག་ན་རྒྱུ་བ་འདི། །སུ་ཡིན་བདག་ལ་མྱུར་སྨྲོས། །དེ་ནས
114a6 ཁྱེའུ་རིན་ཆེན་བྱིན་གྱི་མ་མས་ཁྱེའུ་རིན་ཆེན་བྱིན་ལ་ཚིགས་སུ་བཅད་དེ་སྨྲས་པ། རྣམ་པར་དག་པ་སྤྱོད་མཆོག་ལྡན། །རྒྱལ་བ་དྲི་མེད་བློ་མི་དམན། །བསམ་ཡས་མ་ལུས་ཡོངས་སུ་དག་།དབང་ལྡན་ཡོན་ཏན་རིན་ཆེན་འཕགས། །
114a7 འཇིག་རྟེན་མགོན་པོ་འཁྲས་ས་མིག་།དེ་བཞིན་གཤེགས་པ་རྩ་ལག་འདི། །བློ་ལྡན་བསོད་སྙོམས་དོན་དུ་གཤེགས། །འཇིག་རྟེན་ཆོས་ལ་རྟེན་པ་མེད། །འདི་ལ་སྡུག་དང་མི་སྡུག་སོགས། །འཇིག་རྟེན་པ་ཡི་རྟོག་མི་མངའ། །
114a8 པད་མ་ཆུ་ལས་སྐྱེས་པ་ལྟར། །མངའ་བདག་མི་གོས་སྤྱོད་པར་མཛད། །བློ་གྲོས་ལྡན་པ་ཐེ་ཙོམ་གཅོད། །ཕན་མཛད་ཐུགས་རྗེར་ལྡན་པ་དེ། །འགྲོ་བའི་སྡུག་བསྔལ་བསལ་བའི་ཕྱིར། །རྣམ་པར་འདྲེན་པ་འདིར
iiif viewer powered by OpenSeadragon
