| e-texts navigator |
| Wylie |
7b1 གོང་བུ་བཞིན་དུ་བསྡུས་གྱུར་པ། །སྤྲོས་པ་རྣམས་ཀྱིས་ཡོངས་སུ་གང་། །འདོད་ཆགས་ཞེ་སྡང་ལ་སོགས་ལྟར། །དེ་ནི་སྒྱུ་མཚུངས་འབའ་ཤིག་ཡིན། །ཇི་ལྟར་ནང་ན་ཐིག་ལེ་ནི། །སྐད་ཅིག་དེ་ལ་མི་མཐོང་སྟེ། །ཤེས་རབ་ཕ་རོལ་ཕྱིན་མཐོང་མ། །
7b2 དེ་བཞིན་བློ་ནི་འདུས་མ་བྱས། །རྟག་ཏུ་དགོད་ཅིང་རྩེ་བ་དང་། །སྨྲ་ཞིང་གྲུ་དང་རོལ་མོ་དང་། །གཞི་ལ་སོགས་པའི་བདེ་བ་རྣམས། །དེ་དག་ཐམས་ཅད་རྨི་ལམ་མཚུངས། །ལུས་ཅན་ཀུན་གྱིས་འདུས་བྱས་པ། །འདི་ཀུན་རྨི་ལམ་དང་མཚུངས་ལ། །
7b3 རྨི་ལམ་སེམས་ཀྱི་ཀུན་རྟོག་སྟེ། །སེམས་ཀྱང་ནམ་མཁའ་ལྟ་བུ་ཡིན། །གང་ཞིག་ཚུལ་འདི་རྟག་སྒོམ་པ། །ཤེས་རབ་ཕ་རོལ་ཕྱིན་པའི་ཚུལ། །གང་ཞིག་འདི་ནི་རྟག་སྒོམ་པ། །དངོས་པོ་ཀུན་ལས་རྣམ་གྲོལ་ནས། །གོ་འཕང་མཆོག་ནི་ཐོབ
7b4 པར་འགྱུར། །བླ་ན་མེད་པའི་བྱང་ཆུབ་གང་། །སངས་རྒྱས་ཀུན་གྱིས་རྣམ་བསྒོམས་པ། །བསྒོམས་དང་བཅས་པས་འཛིན་ན་ནི། །ཐེག་ཆེན་འབྲས་བུ་འཐོབ་པར་འགྱུར། །འཕགས་པ་བདག་མྱེད་པ་དྲིས་པ་ཞེས་བྱ་བ་ཐེག་པ་ཆེན་པོའི་མདོ
7b5 རྫོགས་སོ། ། །། རྒྱ་གར་གྱི་མཁན་པོ་ཀ་མ་ལ་གུབ་ཏ་དང་། ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་བོ།། །། འཕགས་པ་འཇིག་རྟེན་འཛིན་གྱིས་ཡོངས་སུ་དྲིས་པ་ཞེས་བྱ་བའི་མདོ།
7b6 བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀའི་གནས་འོད་མའི་ཚལ་ན། དགེ་སློང་གི་དགེ་འདུན་ཆེན
7b7 པ་དང་ཐབས་གཅིག་ཏུ་བཞུགས་སོ། །དེའི་ཚེ་བཅོམ་ལྡན་འདས་འཁོར་མང་པོ་བརྒྱ་སྟོང་སྙེད་ཀྱིས། ཡོངས་སུ་བསྐོར་བ་ལ་ཆོས་སྟོན་ཏོ། །འཁོར་དེའི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་འཛིན་ཅེས་བྱ་བའང
7b8 འདུས་པར་གྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས། ཚད་མེད་པའི་ཡོན་ཏན་གྱིས་ཡོངས་སུ་བརྒྱན་པས་སེམས་བསྐྱེད་པའི་ཕྱིར། ཆོས་ཐམས་ཅད་ཀྱི་ངེས་པའི་དོན་མཐར་ཕྱིན་པ་ཐམས་ཅད་ཤེས་པར་བྱ་བའི་ཕྱིར
iiif viewer powered by OpenSeadragon
