| e-texts navigator |
| Wylie |
199a1 འཕྲུལ་པའི་རྒྱལ་པོ་དེ་ལ་བྱང་ཆུབ་སེམས་དཔའ་ཤེས་པའི་རྣམ་པར་འཕྲུལ་པར་བྱེད་པར་འདོད་པས་ཡེ་ཤེས་ཀྱིས་བྱས་པའི་བྱ་བ་རྣམས་བྱའི་ང་རྒྱལ་གྱིས་བྱས་པ་རྣམས་ནི་མི་བྱའོ། །ང་རྒྱལ་གྱི་ལས་གང་ཞེ་ན། ཅི་ཙམ་དུ་ཡིད་རྒྱུ་བ
199a2 དེ་ཙམ་དུ་ང་རྒྱལ་གྱི་ལས་སོ། །ཅི་ཙམ་དུ་རྣམ་པར་ཤེས་པ་རྒྱུ་བ་དེ་ཙམ་དུ་ང་རྒྱལ་གྱི་ལས་སོ། །ཅི་ཙམ་དུ་སེམས་རྒྱུ་བ་དེ་ཙམ་དུ་ང་རྒྱལ་གྱི་ལས་སོ། །ཅི་ཙམ་དུ་དགེ་བའི་རྩ་བ་མངོན་པར་འདུ་བྱེད་པ་ལ་མངོན་པར་ཞེན་པ་དེ་ཙམ་དུ་ང་རྒྱལ
199a3 གྱི་ལས་སོ། །ཅི་ཙམ་དུ་ལྟ་བར་ལྟུང་བའི་སྦྱིན་པ་དེ་ཙམ་དུ་ང་རྒྱལ་གྱི་ལས་སོ། །ཅི་ཙམ་དུ་འདུ་ཤེས་སུ་ལྟུང་བའི་ཚུལ་ཁྲིམས་སུ་གྱུར་པ་དེ་ཙམ་དུ་ང་རྒྱལ་གྱིས་ལས་སོ། །ཇི་ཙམ་དུ་བདག་དང་གཞན་ལ་གནས་པའི་བཟོད་པར་གྱུར་པ་དེ་ཙམ་དུ་ང
199a4 རྒྱལ་གྱིས་ལས་སོ། །ཇི་ཙམ་དུ་ལུས་དང་སེམས་ལ་དམིགས་པའི་བརྩོན་འགྲུས་སུ་གྱུར་པ་དེ་ཙམ་དུ་ང་རྒྱལ་གྱི་ལས་སོ། །ཇི་ཙམ་དུ་རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པའི་བསམ་གཏན་དུ་གྱུར་པ་དེ་ཙམ་དུ་ང་རྒྱལ་གྱི་ལས་སོ། །
199a5 ཇི་ཙམ་དུ་བདག་དང་བདག་གིར་བྱེད་པས་བསྐྱེད་པའི་ཤེས་རབ་ཏུ་གྱུར་པ་དེ་ཙམ་དུ་ང་རྒྱལ་གྱི་ལས་སོ། །བདག་ནི་བྱང་ཆུབ་སེམས་དཔའོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་བྱང་ཆུབ་ཏུ་ཞུགས་སོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི
199a6 སངས་རྒྱས་དང་། ཆོས་དང་། དགེ་འདུན་གྱི་ཚུལ་མི་གཅོད་དང་། །སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་སེམས་ཅན་གྱི་དོན་ལ་ཡང་དག་པར་ཞུགས་སོ་སྙམ་པ་དེ་ནི་ང་རྒྱལ་གྱི་ལས་སོ། །བདག་གིས་སེམས་ཅན་མ་རྒལ་བ་བསྒྲལ་ལོ་སྙམ་པ་དང་།
199a7 མ་གྲོལ་བ་དགྲོལ་ལོ་སྙམ་པ་དང་། དབུགས་མ་ཕྱིན་པ་དབུགས་དབྱུང་ངོ་སྙམ་པ་དང་། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་བཟླའོ། །སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་སྦྱིན་པའི་བདག་པོའོ། །བདག་ནི
199a8 ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་ལྡན་ནོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་བྱམ་པ་དང་། སྙིང་རྗེ་དང་། དགའ་བ་དང་། བཏང་སྙོམས་ལ་གནས་སོ། །སྙམ་པ་དེ་ནི
iiif viewer powered by OpenSeadragon
