| e-texts navigator |
| Wylie |
198a1 པར་ཤེས་པ་དེ་ནི་སྡུག་བསྔལ་ཡོངས་སུ་ཤེས་པའོ། །དེ་ལ་ཀུན་འབྱུང་བ་ཡོངས་སུ་ཤེས་པ་གང་ཞེ་ན། ཆོས་རྣམས་ཇི་ལྟར་ཀུན་ཏུ་འབྱུང་བ་དེ་བཞིན་དུ་སྤོང་བའོ། །ཇི་ལྟར་ཀུན་ཏུ་འབྱུང་ཞེ་ན། ཀུན་ཏུ་འབྱུང་བ་ཞེས་བྱ་བ་ནི་ཀུན་དུ
198a2 བྱུང་མ་ཐག་ཏུ་འོང་བ་མེད་པར་སྤོང་བ་དང་ཀུན་དུ་འབྱུང་བ་ལ་འགྲོ་བ་མེད་པར་སྤོང་བ་འདི་ནི་ཆོས་རྣམས་ཀྱི་ཚུལ་ཏེ། འདི་ལ་སྤོང་བར་འགྱུར་བའི་ཆོས་གང་ཡང་བྱུང་བ་མེད་དེ། སྲེད་པ་བག་ལ་ཉལ་གང་གིས་སྲིད་པ་བྱུང་བའི་སྲེད་པ་བག་ལ་ཉལ
198a3 དེ་སྤངས་པ་ཞེས་བྱའོ། །དེ་ལ་སྡུག་བསྔལ་འགོག་པ་གང་ཞེ་ན། གང་སྡུག་བསྔལ་དང་། ཀུན་འབྱུང་བ་གཉིས་ཤིན་ཏུ་འགག་ཅིང་ཆོས་གང་ཡང་འཇིག་པ་མེད་པ་དེ་ནི་འགོག་པ་ཞེས་བྱའོ། །འགོག་པ་ཞེས་བྱ་བའི་གང་མཚན་མར
198a4 དམིགས་པ་ཐམས་ཅད་འགོག་པ་སྟེ། དེ་ལྟར་ཆོས་རྣམས་ཀྱི་ངོ་བོ་ཉིད་འགག་པས་སྐྱེ་བར་ཡང་མི་བྱེད། འགོག་པར་ཡང་མི་བྱེད་པ་དེ་ནི་འགོག་པ་ཞེས་བྱའོ། །དེ་ལ་ལམ་གང་ཞེ་ན། ལམ་གང་གིས་ཆོས་ཐམས་ཅད་བཙལ་ན
198a5 དགེ་བ་དང་། མི་དགེ་བ་དང་། ཟག་པ་དང་བཅས་པ་འམ། ཟག་པ་མེད་པ་འམ། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་འམ། འདུས་བྱས་དང་། འདུས་མ་བྱས་སམ། འཇིག་རྟེན་པ་དང་། འཇིག་རྟེན་ལས་འདས་པ་དག་མི
198a6 དམིགས་པ་དེ་ནི་ལམ་ཞེས་བྱའོ། །ཆོས་ཐམས་ཅད་ཐ་དད་པ་མེད་པའི་ཕྱིར་ལམ་མཉམ་པ་ཉིད་དོ། །ཉོན་མོངས་པ་ཐམས་ཅད་ཀྱི་ཡོངས་སུ་གདུང་བ་མེད་པའི་ཕྱིར་ལམ་རབ་ཏུ་ཞི་བའོ། །ངན་འགྲོ་ཐམས་ཅད་དང་བྲལ་བའི་ཕྱིར་ལམ་ཉེ་བར
198a7 ཞི་བའོ། །ཟག་པ་ཐམས་ཅད་ཡོངས་སུ་ཟད་པའི་ཕྱིར་ལམ་ཟག་པ་མེད་པའོ། །ལམ་དེ་ནི་དམིགས་པར་ལྟ་བ་ཐམས་ཅད་ཀྱིས་བགྲོད་པར་བྱ་བ་མ་ཡིན་པའོ། །ལམ་དེ་ནི་རྣལ་འབྱོར་སྤྱོད་པ་ཡང་དག་པར་ཞུགས་པ་རྣམས་ཀྱིས་རྟོགས་སླ་བའོ། །ལམ
198a8 དེ་ནི་སྔོན་གྱི་དེ་བཞིན་གཤེགས་པ་རྣམས་བཞུད་ཅིང་རྗེས་སུ་བཞུད་པའོ། །ལམ་དེ་ནི་མཚན་མར་རྣམ་པར་རྟོག་པ་ཐམས་ཅད་སྤངས་པའི་ཕྱིར་མཚན་མ་མེད་པའོ། །ལམ་གང་གིས་གཉིས་དང་མཚན་མར་མི་ལྟུང་བ་དེ་ནི་ལམ་ཞེས་བྱ་སྟེ།
iiif viewer powered by OpenSeadragon
