| e-texts navigator |
| Wylie |
197b1 རྣམ་པར་དག་པར་མ་ཡིན་པའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་དེ་བས་ན། དེ་བཞིན་གཤེགས་པ་མཐོང་བར་འདོད་པས་ཇི་ལྟར་ངས་ཆོས་ཉིད་གཅིག་པ་དང་། ཆོས་ཉིད་གཉིས་སུ་མེད་པར་མར་མེ་མཛད་མཐོང་བ་དེ་ལྟར་བལྟ་བར
197b2 བྱའོ། །ཇི་ལྟར་ཆོས་ཉིད་གཅིག་པ་ཡིན་ཞེ་ན། ངའི་ལུས་ཇི་ལྟ་བ་མར་མེ་མཛད་ཀྱི་སྐུ་ཡང་དེ་བཞིན། མར་མེ་མཛད་ཀྱི་སྐུ་ཇི་ལྟ་བ་སེམས་ཅན་ཐམས་ཅད་ཀྱི་ལུས་ཀྱང་དེ་བཞིན་ཏེ། དེ་བས་ན་ལུས་གཅིག་པ་དང་། གཉིས་སུ་མེད་པ་དང་། གཉིས
197b3 སུ་དབྱེར་མེད་པ་སྟེ། འདི་ལྟ་སྟེ། མཚན་ཉིད་མེད་པའི་ཕྱིར་ཆོས་ཉིད་གཅིག་པ་ཤེས་པར་བྱའི། རྣམ་པར་བརྟགས་པས་ཤེས་པར་མི་བྱའོ། །རྣམ་པར་འཕྲུལ་པའི་རྒྱལ་པོ་འདི་ནི་རྟེན་ཅིང་འབྲེལ་པར་འབྱུང་བ་མཐོང་བ་ཞེས་བྱ་སྟེ། རྟེན་ཅིང
197b4 འབྲེལ་པར་འབྱུང་བ་མཐོང་བས་ཆོས་མཐོང་། ཆོས་མཐོང་བས་ཀྱང་སངས་རྒྱས་མཐོང་ངོ་། །གང་ཡང་སེམས་སྐྱེད་པ་ཐམས་ཅད་ལ་འགོག་པ་མངོན་དུ་བྱེད་ཀྱང་ཡོངས་སུ་མྱ་ངན་ལས་མི་འདའ་ཞིང་མི་སྐྱེ་བ་དང་དམིགས་སུ་མེད་པའི་ཕྱིར་ཐབས
197b5 ཤེས་པས་འཁོར་བ་སྟོན་པ་འདི་ནི་དེའི་ཤེས་པའི་རྣམ་པར་འཕྲུལ་པའོ། །དེ་ལ་བདེན་པ་ཤེས་པ་གང་ཞེ་ན། བདེན་པ་མངོན་པར་རྟོགས་པ་གང་གིས་ཉན་ཐོས་ཀྱི་རྣམ་པར་གྲོལ་བ་ལ་རེག་པར་བྱེད་ཅིང་། བདེན་པར་རྟོགས་པ་དེ་ཉིད་བྱང་ཆུབ་སེམས
197b6 དཔས་མངོན་པར་རྟོགས་པར་བྱས་ནས་རྣམ་པར་གྲོལ་བ་ལ་ཡང་རེག་པར་མི་བྱེད་པ་འདི་ནི་དེའི་ཤེས་པའི་རྣམ་པར་འཕྲུལ་པའོ། །བདེན་པ་མངོན་པར་རྟོགས་པ་གང་གིས་རང་སངས་རྒྱས་ཀྱི་རྣམ་པར་གྲོལ་བ་ལ་རེག་པར་བྱེད་ཅིང་། བདེན་པ་མངོན་པར་རྟོགས
197b7 པ་དེ་ཉིད་བྱང་ཆུབ་སེམས་དཔས་མངོན་པར་རྟོགས་པར་བྱས་ནས། རྣམ་པར་གྲོལ་བ་ལ་རེག་པར་ཡང་མི་བྱེད་པ་འདི་ནི་དེའི་སྐྱེ་བ་མེད་པའི་རྣམ་པར་འཕྲུལ་པ་ཡིན་མོད་ཀྱི། བདེན་པ་ཤེས་པ་ཞེས་བྱ་བ་ནི་གང་ཡང་དག་པར་མ་ཡིན་པ་མེད་པ་སྡུག་སྔལ
197b8 ཡོངས་སུ་ཤེས་པའོ། །དེའི་ཡོངས་སུ་ཤེས་པ་གང་ཞེ་ན། ཕྱིན་ཅི་ལོག་ཏུ་སྐྱེ་བའི་ཕྱིར་དེ་ཡོད་པ་མ་ཡིན་ཞིང་མེད་ལ། དེ་ལ་དངོས་པོ་ཡོད་པ་མ་ཡིན་གྱི། དངོས་པོ་མེད་པར་ཤེས་པ་སྟེ། གང་གི་ཚེ་སྡུག་བསྔལ་སྐྱེ་བ་མེད་ཅིང་འབྱུང་བ་མེད
iiif viewer powered by OpenSeadragon
