| e-texts navigator |
| Wylie |
197a1 འདས་པར་ཡང་མ་ཡིན། མ་འོང་པར་ཡང་མ་ཡིན། ད་ལྟར་བྱུང་བར་མཐོང་བ་མ་ཡིན་ཏེ། གང་དེ་ལྟར་མཐོང་བ་དེ་ནི་དེ་བཞིན་གཤེགས་པ་མཐོང་བའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་རྣམ་པར་འཕྲུལ
197a2 པའི་རྒྱལ་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་ཆོས་རྣམས་མཐོང་བ་དེས་དེ་བཞིན་གཤེགས་པ་མཐོང་བར་འགྱུར་བའི་རྣམ་གྲངས་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྣམ་པར་འཕྲུལ་པའི
197a3 རྒྱལ་པོ་ཡོད་དོ། །དེ་ཅིའི་ཕྱིར་ཞེ་ན། གཟུགས་མི་ཟད་པའི་མཚན་ཉིད། སྐྱེ་བ་མེད་པའི་རང་བཞིན་ཅན་ཏེ། གང་གཟུགས་དེ་ལྟར་མཐོང་བ་དེ་ནི་དེ་བཞིན་གཤེགས་པ་མཐོང་བའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར
197a4 ཤེས་པ་ནི་ཟད་པའི་མཚན་ཉིད། སྐྱེ་བ་མེད་པའི་རང་བཞིན་ཅན་ཏེ། གང་རྣམ་པར་ཤེས་པ་དེ་ལྟར་མཐོང་བ་དེ་ལྟར་མཐོང་བ་ན་དེ་བཞིན་གཤེགས་པ་མཐོང་བའོ། །ཚུལ་ཁྲིམས་ནི་མངོན་པར་འདུ་མི་བྱེད་པའི་མཚན་ཉིད་འདུས་མ་བྱས་པ་སྟེ། གང་ཚུལ
197a5 ཁྲིམས་དེ་ལྟར་མཐོང་བ་དེ་ནི་དེ་བཞིན་གཤེགས་པ་མཐོང་བའོ། །ཏིང་ངེ་འཛིན་དེ་ནི་མཉམ་པ་མཐོང་བ་རྣམ་པར་དག་པའོ། །དེ་ལྟར་ངས་དེ་བཞིན་གཤེགས་པ་མར་མེ་མཛད་ཀྱི་ཚེ་མཐོང་བ་རྣམ་པར་དག་གོ། །དེར་ངས་རྟེན་ཅིང་འབྲེལ་པར་འབྱུང་བ་མཐོང
197a6 བས་ཆོས་མཐོང་། ཆོས་མཐོང་བས་ཀྱང་དེ་བཞིན་གཤེགས་པ་མཐོང་བར་གྱུར་ཏོ། །དེ་ནས་བྱང་ཆུབ་སེམས་དཔའ་རྣམ་པར་འཕྲུལ་པའི་རྒྱལ་པོས་གསོལ་པ། བཅོམ་ལྡན་འདས་ཀྱིས་མར་མེ་མཛད་ཀྱི་ཕ་རོལ་ཏུ་དེ་བཞིན་གཤེགས་པ་དག་གཟིགས་པ་ཇི
197a7 ལྟར་གཟིགས། བཅོམ་ལྡན་འདས་ཀྱིས་བཀའ་སྩལ་པ། གཟུགས་ཀྱི་མཚན་ཉིད་ཡོངས་སུ་རྟོག་པར་མཐོང་བས་མཐོང་གི་ཆོས་ཀྱི་སྐུ་གཉིས་སུ་མེད་པར་མཐོང་བས་ནི་མ་ཡིན་ནོ། །རྣམ་པར་འཕྲུལ་པའི་རྒྱལ་པོ་ཁྱོད་མོས་པར་བྱའོ། །ཁྱོད་ཀྱིས་ཁོང
197a8 དུ་ཆུད་པར་བྱའོ། །ངས་བྱང་ཆུབ་ཀྱི་སེམས་བསྐྱེད་ཚུན་ཅད་དེ་བཞིན་གཤེགས་པ་མར་མེ་མཛད་གཏོགས་པར་ནམ་ཡང་དེ་བཞིན་གཤེགས་པ་མ་མཐོང་ངོ་། །དེ་ཅིའི་ཕྱིར་ཞེ་ན། གཟུགས་ཀྱི་མཚན་ཉིད་མཐོང་བས་དེ་བཞིན་གཤེགས་པ་མཐོང་བ
iiif viewer powered by OpenSeadragon
