| e-texts navigator |
| Wylie |
196a1 འབྲེལ་པར་འབྱུང་བ་ཤེས་པའོ། །མིང་དང་གཟུགས་དང་། མིང་དང་གཟུགས་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །སྐྱེ་མཆེད་དྲུག་དང་།
196a2 སྐྱེ་མཆེད་དྲུག་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །རེག་པ་དང་། རེག་པ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ
196a3 དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །ཚོར་བ་དང་། ཚོར་བ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །སྲེད་པ་དང་། སྲེད་པ་མེད་པ་དེ་ནི་གཉིས་སུ
196a4 མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །ལེན་པ་དང་ལེན་པ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །
196a5 སྲིད་པ་དང་། ཉིང་མཚམས་མི་སྦྱོར་བ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །སྐྱེ་བ་དང་། སྐྱེ་བ་མེད་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས
196a6 པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །རྒ་ཤི་དང་རྨི་ལམ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །གང་དེ་རྟེན་པ་དེ་ནི་མི་གནས་པའོ། །གང་རྟེན་པ
196a7 དེ་ནི་སྙིང་པོ་མེད་པ། གང་རྟེན་པ་དེ་ནི་མི་རྟག་པ། གང་རྟེན་པ་དེ་ནི་སྟོང་པ། གང་རྟེན་པ་དེ་ནི་སོང་བ་མེད་པ། འོང་བ་མེད་པ། གང་རྟེན་པ་དེ་ནི་མ་བྱུང་བ། གང་རྟེན་པ་དེ་ནི་རིལ་པོར་འཛིན་པ་མེད་པ། གང་དེ་རྟེན་པ་དེ་ནི་འཇུག་པ་མེད་པ་སྟེ།
196a8 གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །གང་དེ་རྟེན་ཅིང་འབྲེལ་པར་འབྱུང་བ་མཐོང་བ་དེ་ནི་མ་རིག་པ་མི་མཐོང་། འདུ་བྱེད་རྣམས་མི་མཐོང་། རྣམ་པར་ཤེས་པ་མི་མཐོང་། མིང་དང་གཟུགས་མ་མཐོང་།
iiif viewer powered by OpenSeadragon
