| e-texts navigator |
| Wylie |
195b1 སྐྱེད་དོ་སྙམས་དུ་མི་སེམས། སྐྱེ་བ་ནི་རྒ་ཤིའི་རྐྱེན་ཡིན་མོད་ཀྱི་སྐྱེ་བ་ཡང་འདི་སྙམས་དུ་བདག་ནི་རྒ་ཤི་སྐྱེད་དོ་སྙམ་དུ་མི་སེམས་ཏེ། རྣམ་པར་འཕྲུལ་པའི་རྒྱལ་པོ་གང་གི་ཚེ་བྱང་ཆུབ་སེམས་དཔའ་དེ་ལྟར་རྟེན་ཅིང་འབྲེལ་པར་འབྱུང་བ་ལ་སོ
195b2 སོར་རྟོག་པ་ནི། དེ་ལས་ཆད་པར་ལྟ་བ་འམ། རྟག་པར་ལྟ་བའི་ལྟ་བ་གཉིས་ལ་གནས་པར་མི་འགྱུར་རོ། །དེ་འདི་སྙམ་དུ་ཆོས་འདི་དག་ཐམས་ཅད་ནི་རྒྱུ་དང་རྐྱེན་ལ་རག་ལས་པའོ་སྙམ་དུ་སེམས་ཤིང་། དེ་རྒྱུ་དང་རྐྱེན་དེ་དག་ཚོལ་ཏེ་བཙལ
195b3 ན་ཡང་མི་རྙེད་དོ། །དེ་ནས་རྟེན་ཅིང་འབྲེལ་པར་འབྱུང་བ་ལ་མཉམ་པར་འཇུག་གོ། །ཤེས་པ་ཇི་ལྟ་བུ་ཞིག་འཇུག་ཅེ་ན། རྟེན་ཅིང་འབྲེལ་པར་འབྱུང་བ་དང་སྐྱེ་བ་མེད་པར་མཉམ་པ་སྟེ། སྟོང་པ་ཉིད་གང་དང་མཉམ་པ་རྟེན་ཅིང
195b4 འབྲེལ་པར་འབྱུང་བ་ཡང་དེ་དང་མཉམ། མཚན་མ་མེད་པ་གང་དང་མཉམ་པ་རྟེན་ཅིང་འབྲེལ་པར་འབྱུང་བ་དེ་ཡང་དེ་དང་མཉམ། སྨོན་པ་མེད་པ་གང་དང་མཉམ་པ་རྟེན་ཅིང་འབྲེལ་པར་འབྱུང་བ་ཡང་དེ་དང་མཉམ་མོ། །མཉམ་པ་དེ་ཉིད
195b5 གང་གིས་དེ་བཞིན་གཤེགས་པས་ཆོས་ཐམས་ཅད་མངོན་པར་རྫོགས་པར་སངས་རྒྱས་པ་དེ་རྟེན་ཅིང་འབྲེལ་པར་འབྱུང་བ་དང་མཉམ་མོ། །རྟེན་ཅིང་འབྲེལ་པར་འབྱུང་བ་གང་མཉམ་པ་དེ་ལ་བདག་སྐྱེ་བ་མེད། སེམས་ཅན་སྐྱེ་བ་མེད། སྲོག
195b6 སྐྱེ་བ་མེད། གང་ཟག་སྐྱེ་བ་མེད་ལ་ཆོས་གང་ཡང་སྐྱེ་བ་མེད་དེ། དེ་བས་ན་རྟེན་ཅིང་འབྲེལ་པར་འབྱུང་བ་བཞེས་བྱའོ། །རྟེན་ཅིང་འབྲེལ་པར་འབྱུང་བ་ནི་འབྱུང་བ་མེད་པར་བལྟ་བར་བྱ་སྟེ། གང་འབྱུང་བ་མེད་པར་ཤེས་པ་དེ་ནི་རྟེན
195b7 ཅིང་འབྲེལ་པར་འབྱུང་བ་ཤེས་པ་ཡིན་མོད་ཀྱི་ཡང་མ་རིག་པ་དང་། རིག་པ་དེ་གཉིས་སུ་མེད་ཅིང་གཉིས་སུ་བྱར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །འདུ་བྱེད་དང་། འདུ་བྱེད་མ་ཡིན་པ་དེ་དག་གཉིས
195b8 སུ་མེད་ཅིང་གཉིས་སུ་དབྱེར་མེད་དེ། གང་དེ་ཤེས་པ་དེ་ནི་རྟེན་ཅིང་འབྲེལ་པར་འབྱུང་བ་ཤེས་པའོ། །རྣམ་པར་ཤེས་པ་དང་། རྣམ་པར་ཤེས་པ་མ་ཡིན་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། གང་དེ་ཤེས་པ་དེ་ནི་རྟེན་ཅིང
iiif viewer powered by OpenSeadragon
