| e-texts navigator |
| Wylie |
194b1 རྣམ་པར་འཕྲུལ་པའི་རྒྱལ་པོ་དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་རང་བཞིན་ལས་མ་སྐྱེས་ཤིང་མ་བྱུང་བ་སྟེ། དེ་ལ་བྱེད་པ་པོ་གང་ཡང་མེད་དོ། །རྣམ་པར་འཕྲུལ་པའི་རྒྱལ་པོ་མིག་ནི་བདག་པོ་མེད་པ
194b2 སྟེ། དེ་ལ་ལྟ་བ་པོ་གང་ཡང་མེད་དོ། །རྣ་བ་ནི་བདག་པོ་མེད་པ་སྟེ། དེ་ལ་ཉན་པ་པོ་གང་ཡང་མེད་དོ། །སྣ་ནི་བདག་པོ་མེད་པ་སྟེ། དེ་ལ་མནོམ་པ་པོ་གང་ཡང་མེད་དོ། །ལྕེ་ལ་བདག་པོ་མེད་པ་སྟེ། དེ་ལ་མྱོང་བ་པོ་གང་ཡང་མེད
194b3 དོ། །ལུས་ནི་བདག་པོ་མེད་པ་སྟེ། དེ་ལ་རེག་པ་པོ་གང་ཡང་མེད་དོ། །ཡིད་ནི་བདག་པོ་མེད་པ་སྟེ། དེ་ལ་ཤེས་པ་པོ་གང་ཡང་མེད་དོ། །རྣམ་པར་འཕྲུལ་པའི་རྒྱལ་པོ་མིག་གི་རང་བཞིན་གཟུགས་མི་མཐོང་། རྣ་བའི་རང་བཞིན
194b4 སྒྲ་མི་ཉན། སྣའི་རང་བཞིན་དྲི་མི་སྣོམ། ལྕེའི་རང་བཞིན་རོ་མྱོང་བར་མི་བྱེད། ལུས་ཀྱི་རང་བཞིན་རེག་བྱ་ལ་རེག་པར་མི་བྱེད། ཡིད་ཀྱི་རང་བཞིན་ཆོས་ཤེས་པར་མི་བྱེད་དོ། །དེ་ཅིའི་ཕྱིར་ཞེ་ན། མིག་ནི་བྱེད་པ་པོ་མེད་པ་སྟེ། རྩཝ་དང་།
194b5 ཤིང་དང་། རྩིག་པ་དང་། གྱོ་མོ་ལྟ་བུ་ཡིན་པ་དང་། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་བྱེད་པ་མེད་པ་སྟེ། རྩཝ་དང་། ཤིང་དང་། རྩིག་པ་དང་། གྱོ་མོ་ལྟ་བུ་ཡིན་པའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་མིག་ནི
194b6 ཆགས་པ་ཡང་མ་ཡིན་ཆགས་པ་མེད་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། མིག་ནི་རང་བཞིན་གྱིས་ཆགས་པ་མེད་པའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་ཆགས་པ་ཡང་མ་ཡིན།
194b7 ཆགས་པ་མེད་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། ཡིད་ནི་རང་བཞིན་གྱིས་ཆགས་པ་མེད་པའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་སྐྱེ་མཆེད་ཐམས་ཅད་ལ་གང་དེ་ལྟར་རབ་ཏུ་ཤེས། ཤིང་ཤེས་ནས་ཀྱང་ཆགས་པ་མེད་པ་དེ་ནི་སྐྱེ
194b8 མཆེད་ཤེས་པ་ཞེས་བྱའོ། །གང་ཕུང་པོ་དང་། ཁམས་དང་། སྐྱེ་མཆེད་རྣམས་ལ་དེ་ལྟར་ཤེས་ནས་སྐྱེ་བ་མེད་པ་དང་། འབྱུང་བ་མེད་པ་དང་། ཤིན་དུ་མྱ་ངན་ལས་འདའ་བར་གྱུ་ཀྱང་སྐྱེ་ཞིང་འབྱུང་ལ་ཕུང་པོ་དང་ཁམས་དང་། སྐྱེ་མཆེད་རྣམས
iiif viewer powered by OpenSeadragon
