| e-texts navigator |
| Wylie |
191b1 དེ་སེམས་ཅན་ཁ་ཅིག་ལ་ནི་ནམ་མཁའ་ལ་དཀྱིལ་མོ་གྲུང་དུ་འདུག་ནས། འོད་ཟེར་ཕྱུང་སྟེ་ཆོས་སྟོན་ཏོ། །དེ་སེམས་ཅན་རྒྱ་ཆེན་པོ་ལ་མོས་པ་རྣམས་ལ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་བླ་རེར་བྲེས་པ།
191b2 དར་གྱི་ཆུན་ཀོར་གྱི་ཕྲེང་བ་སྤྱངས། གདུགས་དང་། རྒྱལ་མཚན་དང་། བ་དན་གྱིས་བརྒྱན། དྲིལ་བུའི་དྲ་བ་སྐྱོད། མེ་ཏོག་སྣ་ཚོགས་བཀྲམ། བདུག་པས་བདུག་། སིལ་སྙན་འབུམ་ཕྲག་དུ་མ་བསིལ་བ་བསྟན་ནས་ཆོས་སྟོན། སེམས
191b3 ཅན་ཁ་ཅིག་ལ་ནི་སྟོང་གསུམ་གྱི་འཇིག་རྟེན་གྱི་ཁམས་ཐམས་ཅད་རྒྱ་མཚོ་གཅིག་ཏུ་བྱིན་གྱིས་བརླབས་ཏེ། མེ་ཏོག་ཨུད་པ་ལ་དང་། ཀུ་མུ་ཏ་དང་། པད་མ་དཀར་པོས་ཁེབས་པར་བྱས་ནས་དེའི་དབུས་སུ་སེང་གེའི་ཁྲི་མངོན
191b4 པར་སྤྲུལ་ཏེ། དེ་ལ་བདག་འདུག་ནས་ཆོས་སྟོན། སེམས་ཅན་ཁ་ཅིག་ལ་ནི་རི་རབ་ཀྱི་རྩེ་མོ་ལ་བདག་འདུག་པར་བསྟན་ནས་ཚངས་པའི་སྒྲར་སྨྲ་བའི་དབྱངས་ཀྱིས་ཆོས་སྟོན། སེམས་ཅན་ཁ་ཅིག་ལ་ནི་ལུས་མི་སྣང་བར་སྒྲ
191b5 སྙན་པར་གྲགས་པའི་རྣམ་པར་རིག་བྱེད་ཀྱིས་ཆོས་སྟོན། སེམས་ཅན་ཁ་ཅིག་ལ་ནི་དྲི་ཟའི་གཟུགས་ཀྱིས་གླུ་དང་། རོལ་མོའི་དབྱངས་སྒྲ་དགའ་བའི་སྦྱོར་བས་ཆོས་སྟོན། སེམས་ཅན་ཁ་ཅིག་ལ་ནི་ཀླུའི་དཀྱིལ་འཁོར་གྱིས
191b6 སྦྱོར་བས་སྤྲིན་དང་། འབྲུག་སྒྲ་དང་། གློག་དང་། ཆར་གྱི་རྒྱུན་འབབ་པ་བསྟན་ནས་ཆོས་སྟོན། བཀྲེས་པ་དང་། སྐོམ་པས་ཉེན་པ་ཁ་ཅིག་ལ་ནི་ལྷའི་བཟའ་བ་དང་། བཏུང་བ་བྱིན་ནས་བདེ་བར་གྱུར་པ་ལ་ཆོས
191b7 སྟོན། སེམས་ཅན་དམྱལ་བ་པའི་སེམས་ཅན་གང་དག་སྡུག་བསྔལ་གྱིས་ཤིན་ཏུ་གཟིར་བ་དེ་དག་ལ་ནི་རྫུ་འཕྲུལ་གྱི་མཐུས་སེམས་ཅན་དམྱལ་བའི་མེ་ཞི་བར་བྱས་ནས་སྤུའི་བུ་ག་ཐམས་ཅད་དུ་གཟི་བྱིན་བཅུག་སྟེ།
191b8 བདེ་བར་གྱུར་པ་རྣམས་ལ་ཆོས་སྟོན། སེམས་ཅན་ལོང་བ་རྣམས་ལ་ནི་རྫུ་འཕྲུལ་གྱི་མཐུས་མིག་བྱིན་ཏེ། མིག་དང་ལྡན་པར་གྱུར་པ་ལ་ཆོས་སྟོན། སེམས་ཅན་གང་དག་རྣ་བ་དང་བྲལ་ཞིང་འོན་པར་གྱུར་པ་དེ་དག་ལ་ནི་རྫུ་འཕྲུལ
iiif viewer powered by OpenSeadragon
