| e-texts navigator |
| Wylie |
190b1 པ་དང་འགྱུར་བའི་ཆོས་ཅན་ཡིན། ཚངས་པའི་བདེ་བ་རྗེསུ་དྲན་ལ་དེ་ཡང་མི་རྟག་པ་དང་འགྱུར་བའི་ཆོས་ཅན་ཡིན་ནོ། །སྔོན་གྱི་སངས་རྒྱས་བཅོམ་ལྡན་འདས་རྣམས་ཀྱི་ཞིང་གི་ཡོན་ཏན་བཀོད་པ་དང་། ཉན་ཐོས
190b2 ཀྱི་ཡོན་ཏན་བཀོད་པ་དང་། བྱང་ཆུབ་སེམས་དཔའི་ཡོན་ཏན་བཀོད་པ་ཉེ་བར་སྤྱོད་པ་དང་། ཡོངས་སུ་སྤྱོད་པ་རྗེས་སུ་དྲན་ཞིང་སངས་རྒྱས་བཅོམ་ལྡན་འདས་དེ་དག་གི་གཟུགས་ཀྱི་སྐུ་ཕུན་སུམ་ཚོགས་པ་དང་། ཆོས་ཀྱི་འཁོར
190b3 ལོ་བསྐོར་བ་ཕུན་སུམ་ཚོགས་པ་ཡང་རྗེས་སུ་དྲན་ནོ། །དེ་དེ་ལྟར་རྗེས་སུ་དྲན་པ་ནི་འདུས་བྱས་ཀྱི་དངོས་པོ་ཐམས་ཅད་དང་། ཡོངས་སུ་འཛིན་པ་ཐམས་ཅད་ལ་མི་ལྟ་བའི་འདུ་ཤེས་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར
190b4 དེ་འདི་སྙམ་དུ་སངས་རྒྱས་ཀྱི་ཞིང་རྒྱ་ཆེན་པོ་དང་། སངས་རྒྱས་ཀྱི་གཟུགས་ཀྱི་སྐུ་དེ་དག་ཀྱང་ཟད་པའི་ཆོས་ཉིད་ཀྱི་ཟད་པ་ཡིན་ཏེ། དེ་བས་ན་བདག་གི་ཡོ་སུ་གཟུང་བ་འདི་ཡང་མི་རྟག་གོ་སྙམ་དུ་སེམས་ཤིང་། དེ་བདག་གི་ཡོངས་སུ
190b5 གཟུང་བ་མི་རྟག་པ་ཉིད་ལ་ཡང་སྟོན། འགྱུར་བ་ལ་ཡང་སྟོན་ཏོ། །དེ་འདི་སྙམ་དུ་ཡང་སེམས་ཏེ། ཨེ་མའོ་འདུ་བྱེད་ཐམས་ཅད་ཤིན་ཏུ་མི་རྟག་ན་སེམས་ཅན་རྣམས་རྟག་པར་འདུ་ཤེས་སོ་སྙམ་དུ་དེ་སེམས་ཅན་རྣམས་ལ་སྙིང་རྗེ་ཆེན་པོ་སྐྱེ
190b6 ཞིང་དངོས་པོ་ཐམས་ཅད་ལ་མི་ལྟ་བར་འགྱུར་རོ། །རྣམ་པར་འཕྲུལ་པའི་རྒྱལ་པོ་འདི་ནི་བྱང་ཆུབ་སེམས་དཔའི་མངོན་པར་ཤེས་པའི་རྣམ་པར་འཕྲུལ་པ་བཞི་པ་སྟེ། དངོས་པོ་ཐམས་ཅད་མི་རྟག་པར་ཡང་རྟོགས་ལ། སེམས་ཅན་ཡོངས་སུ
190b7 སྨིན་པར་བྱ་བའི་ཕྱིར་སྲིད་པ་རྣམས་སུ་བསམ་བཞིན་དུ་སྐྱེ་བ་དང་། ཡོངས་སུ་འཛིན་པ་མེད་པར་བྱ་བའི་ཕྱིར་ཡོངས་སུ་གཟུང་བ་ཡོངས་སུ་འཛིན་ཅིང་། སེམས་ཅན་རྣམས་ཡོངས་སུ་སྨིན་པར་བྱ་བ་ཉིད་ཀྱི་ཕྱིར་ཉེ་བར་ལེན་པ་མེད་པར་ཉེ་བར་ལེན་ཏོ། །
190b8 རྣམ་པར་འཕྲུལ་པའི་རྒྱལ་པོ་དེ་ལ་བྱང་ཆུབ་སེམས་དཔའ་རྣམས་ཀྱི་རྫུ་འཕྲུལ་གྱི་རྣམ་པར་འཕྲུལ་པ་གང་ཞེ་ན། རྣམ་པར་འཕྲུལ་པའི་རྒྱལ་པོ་འདི་ལ་བྱང་ཆུབ་སེམས་དཔའ་འདུན་པ་དང་། བརྩོན་འགྲུས་དང་། སེམས་དང་།
iiif viewer powered by OpenSeadragon
