| e-texts navigator |
| Wylie |
189b1 དེ་བདག་དང་གཞན་དག་གི་སྔོན་གྱི་གནས་ལ་བསྐལ་པ་གང་གའི་ཀླུང་གི་བྱེ་མ་སྙེད་ནས་བརྩམ་ནས་ཆོས་སྟོན་ཏོ། །ཆེ་གེ་མོ་ཞིག་ན་བདག་མིང་འདི་ཞེས་བྱ་བར་གྱུར། རིགས་ནི་འདི་ཞེས་བྱ། ཚེའི་ཚད་ནི་འདི་ཙམ་ཞིག་ཐུབ།
189b2 བདེ་བ་དང་། སྡུག་བསྔལ་ནི་འདི་ལྟ་བུ་ཞིག་མྱོང་ཞེས་བྱ་བ་དང་། སེམས་ཅན་གཞན་རྣམས་ཀྱི་ཡང་དེ་བཞིན་དུ་རབ་ཏུ་ཤེས་སོ། །དེ་སེམས་ཅན་རྣམས་སྔོན་གྱི་དགེ་བའི་རྩ་བ་རྒྱུ་ལས་བྱུང་བ་རབ་ཏུ་ཤེས་ཏེ། སེམས
189b3 ཅན་འདི་དག་ནི་རྒྱུའི་སྟོབས་ཅན། འདི་དག་ནི་རྐྱེན་གྱི་སྟོབས་ཅན། འདི་དག་གི་རྒྱུ་ནི་ཉན་ཐོས་ཀྱི་ཐེག་པ། སེམས་ཅན་འདི་དག་གི་རྒྱུ་ནི་རང་སངས་རྒྱས་ཀྱི་ཐེག་པ། སེམས་ཅན་འདི་དག་གི་རྒྱུ་ནི་ཐེག་པ་ཆེན་པོའོ་ཞེས་དེ
189b4 སེམས་ཅན་རྣམས་ཀྱི་སྔོན་གྱི་རྒྱུ་ཤེས་ནས་དེ་དག་ལ་དེ་བཞིན་དུ་ཆོས་སྟོན་ཏོ། །དེ་སྔོན་གྱི་གནས་མངོན་དུ་བྱེད་པས་སྔོན་གྱི་སྦྱོར་བ་ཕུན་སུམ་ཚོགས་པ་ཐོབ་བོ། །དེ་སངས་རྒྱས་རྣམས་ལ་སྔོན་དགེ་བའི་རྩ་བ་ཇི་སྙེད་པ་སྐྱེད་པ
189b5 བྱང་ཆུབ་ཏུ་ཡོངས་སུ་མ་བསྔོས་པ་དེ་དག་རྗེས་སུ་དྲན་པར་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོའོ། །དེ་སྔོན་གྱི་གནས་ཀྱང་རྗེས་སུ་དྲན་ལ་ཆོས་ཐམས་ཅད་སྔོན་གྱི་མཐར་འཕོ་བ་མེད་པར་ཡང་རབ་ཏུ
189b6 ཤེས། གང་ཡང་སྔོན་གྱི་མཐའ་ནས་ཕྱི་མའི་མཐར་འགྲོ་བ་མེད་པར་མཐོང་། ཕྱི་མའི་མཐའ་ནས་སྔོན་གྱི་མཐར་འགྲོ་བ་མེད་པར་མཐོང་ངོ་། །ཆོས་ཐམས་ཅད་གང་དུ་ཡང་འགྲོ་བ་དང་འོང་བ་མེད་པར་ཡང་རབ་ཏུ་ཤེས་སོ། །དེ་སྔོན
189b7 གྱི་མཐར་རྗེས་སུ་དྲན་པ་ན་སྔོན་གྱིས་མཐར་ལྟ་བར་མི་འགྱུར། དེ་ཕྱི་མའི་མཐའ་རྗེས་སུ་དྲན་པ་ན་ཕྱི་མའི་མཐར་ལྟ་བར་མི་འགྱུར་ཏེ། ཆོས་ཐམས་ཅད་མཐའ་དང་དབུས་མེད་པར་ཡང་རབ་ཏུ་ཤེས་སོ། །དེ་སེམས་ཅན་ཐམས
189b8 ཅད་ཀྱི་སྔོན་གྱི་གནས་ཀྱང་རྗེས་སུ་དྲན་ལ་གཟུགས་སྔོན་གྱི་མཐའ་དབེན་པ་ཉིད་དུ་ཡང་རབ་ཏུ་ཤེས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྔོན་གྱི་མཐས་དབེན་པ་ཉིད་དུ་ཡང་རབ་ཏུ
iiif viewer powered by OpenSeadragon
