| e-texts navigator |
| Wylie |
188a1 པར་ཤེས་པ་གང་གིས་བྱང་ཆུབ་སེམས་དཔའི་མིག་གི་དབང་པོ་བརྩིག་པ་རྣམས་ཀྱིས་མི་སྒྲིབ། ཤིང་རྣམས་ཀྱིས་མི་སྒྲིབ། རི་རྣམས་ཀྱིས་མི་སྒྲིབ། ནག་ཚལ་རྣམས་ཀྱིས་མི་སྒྲིབ། འཁོར་ཡུག་དང་། ཁོར་ཡུག་ཆེན་པོའི་རི་རྣམས་ཀྱིས
188a2 མི་སྒྲིབ། རི་རབ་ཀྱིས་མི་སྒྲིབ། འཇིག་རྟེན་གྱི་བར་རྣམས་ཀྱིས་མི་སྒྲིབ་སྟེ། དེ་སྒྲིབ་པ་མེད་པའི་མིག་གིས་ཕྱོགས་བཅུར་སངས་རྒྱས་ཀྱི་ཞིང་དཔག་ཏུ་མེད། གྲངས་མེད་པ་རྣམས་མཐོང་ཞིང་དེ་དག་ཐམས་ཅད་ཀྱང་སངས་རྒྱས་ཀྱི་ཞིང་གཅིག་ཏུ་རབ
188a3 ཏུ་ཤེས་ཏེ། འདི་ལྟ་སྟེ། ནམཁའ་ལ་ཐ་དད་པ་མེད་པའི་ཕྱིར་རོ། །ཞིང་ལ་ཞིང་སྦྱོར་བར་ཡང་མི་བྱེད། ཐ་དད་པར་ཡང་མི་བྱེད་དོ། །སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་ཉན་ཐོས་ཀྱི་ཚོགས་དང་བཅས་པ་གང་དག
188a4 བཞུགས་པ་དེ་དག་བརྗོད་པ་མེད་པའོ། །དེ་ཅིའི་ཕྱིར་ཞེ་ན། གང་བརྗོད་པའི་མཚན་ཉིད་དེ་ནི་སངས་རྒྱས་ཀྱི་ཚིག་མ་ཡིན་ཏེ། བརྗོད་དུ་མེད་པ་ནི་སངས་རྒྱས་ཀྱི་ཚིག་ཡིན་པའི་ཕྱིར་རོ། །དེ་བས་ན་སངས་རྒྱས་ཀྱི་ཚིག་ཅེས་བྱའོ། །གང་སངས
188a5 རྒྱས་ཀྱི་ཚིག་ལ་འཇུག་པ་དེ་ནི་ཚིག་མེད་པ་ལ་འཇུག་པའོ། །གལ་ཏེ་ཚིག་ལ་འཇུག་ན་སངས་རྒྱས་ཀྱི་ཚིག་ལ་འཇུག་པ་མ་ཡིན་ནོ། །རྣམ་པར་འཕྲུལ་པའི་རྒྱལ་པོ་སངས་རྒྱས་ཀྱི་ཚིག་ལ་འཇུག་པར་འདོད་པས་ཚིག་གང་གིས་གང་ཟག་ཅེས་བྱ་བ་འམ།
188a6 ཆོས་ཤེས་བསྟན་པར་གྱུར་པ་དེ་ཚིག་ཏུ་ལྟ་བར་མི་བྱའོ། །དེ་ཅིའི་ཕྱིར་ཞེ་ན། གང་ལ་གཉིས་ཡོད་པ་དེ་སངས་རྒྱས་ཀྱི་ཚིག་མ་ཡིན་པའི་ཕྱིར་ཏེ། སངས་རྒྱས་ཀྱི་ཚིག་ནི་གཉིས་སུ་མེད་པའོ། །གང་ལ་སྒྲ་ཡོད་པ་དེ་ནི་སངས་རྒྱས་ཀྱི་ཚིག་མ་ཡིན
188a7 ཏེ། སངས་རྒྱས་ཀྱི་ཚིག་ནི་སྒྲ་མེད་པའོ། །གང་ལ་བརྗོད་པ་ཡོད་པ་དེ་ནི་སངས་རྒྱས་ཀྱི་ཚིག་མ་ཡིན་ཏེ། སངས་རྒྱས་ཀྱི་ཚིག་ནི་བརྗོད་པ་མེད་པའོ། །རྣམ་པར་འཕྲུལ་པའི་རྒྱལ་པོ་དེ་ལྟ་བས་ན་བྱང་ཆུབ་སེམས་དཔའ་གང་སངས་རྒྱས་ཀྱི་ཚིག་ལ
188a8 ཞུགས་པ་དེ་ནི་མངོན་པར་ཤེས་པ་ཐོབ་པ་ཞེས་བྱ་སྟེ། དེ་ལྷའི་རྣ་བ་དེས་སྒྲ་ཐམས་ཅད་ཆོས་ཉིད་དང་མཐུན་པར་སངས་རྒྱས་ཀྱི་བྱང་ཆུབ་རྟོག་པར་བྱེད་དོ། །རྣམ་པར་འཕྲུལ་པའི་རྒྱལ་པོ་འདི་ལྟ་སྟེ། ལྷའི་རྣ་བ་འདི་ནི་བྱང་ཆུབ་སེམས་དཔའི
iiif viewer powered by OpenSeadragon
