| e-texts navigator |
| Wylie |
187a1 བ་འདི་ལ་གང་ཟག་ཡོད་པར་གྱུར་ན་སེམས་ཅན་གང་ཡང་ཤིན་ཏུ་དག་པ་དང་ཐར་བར་མི་འགྱུར་བའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་དེ་ལྟ་བས་ན་ཆོས་ཐམས་ཅད་གང་ཟག་མེད་མོད་ཀྱི་དེ་བཞིན་གཤེགས་པ་ནི་འཇིག་རྟེན་གྱི་ཐ་སྙད་དུ་གང་ཟག
187a2 ཅེས་གསུངས་སོ། །དེ་བས་ན་བྱང་ཆུབ་སེམས་དཔའ་ཆོས་ལ་རྟེན་པ་ཡིན་གྱི་གང་ཟག་ལ་རྟོན་པ་མ་ཡིན་ནོ། །རྣམ་པར་འཕྲུལ་པའི་རྒྱལ་པོ་ཆོས་ཤེས་བྱ་བ་དེ་ནི་ཆོས་ཀྱི་དབྱིངས་ཀྱི་ཚིག་བླ་དགས་སོ། །རྣམ་པར་འཕྲུལ་པའི་རྒྱལ་པོ་ཆོས
187a3 ཀྱི་དབྱིངས་ཞེས་བྱ་བ་དེ་ནི་སྐྱེ་བ་མེད་པའི་དབྱིངས་ཀྱི་ཚིག་བླ་དགས་སོ། །རྣམ་པར་འཕྲུལ་པའི་རྒྱལ་པོ་སྐྱེ་བ་མེད་པ་ཞེས་བྱ་བ་དེ་ནི་འབྱུང་བ་མེད་པའི་ཚིག་བླ་དགས་སོ། །རྣམ་པར་འཕྲུལ་པའི་རྒྱལ་པོ་ཚིག་བླ་དགས་སོ་ཞེས་བྱ་བ་དེ་ནི་བརྗོད
187a4 དུ་མེད་པའི་ཚིག་བླ་དགས་སོ། །དེ་ཅིའི་ཕྱིར་ཞེ་ན། ཚིག་གང་དང་གང་གིས་ཆོས་གང་དང་གང་བརྗོད་པའི་ཆོས་དེ་དང་དེ་ཚིག་དེ་ལ་ཡོད་པ་མ་ཡིན་ལ། གང་ཡོད་པ་མ་ཡིན་པ་དེ་བླ་དགས་ཡིན་པའི་ཕྱིར་ཏེ། དེའི་ཕྱིར་ཚིག་བླ་དགས་ཤེས་བྱའོ། །
187a5 ཆོས་ཐམས་ཅད་ནི་ཚིག་མེད་པ་ཚིག་དུ་བརྗོད་པ་མེད་པའོ། །དེ་ལ་ངས་ཚིག་བརྗེད་པ་མེད་པའོ། །དེ་ལ་ངས་ཚིག་བརྗོད་པ་གང་ཡིན་པ་དེ་ནི་ཚིག་མེད་པ་སྟེ། བརྗོད་པ་མ་སྐྱེས་ཤིང་ཡང་དག་པ་མ་ཡིན་པའི་ཕྱིར་ཐམས་ཅད་འཇུག་པ་མེད་པར
187a6 བྱ་བའི་ཕྱིར་ཆོས་ཀྱི་འཁོར་ལོ་སྐོར་རོ། །ཆོས་ཀྱི་འཁོར་ལོ་དེ་བསྐོར་ཀྱང་རུང་མ་བསྐོར་ཀྱང་རུང་ཆོས་ཀྱི་དབྱིངས་ཀྱི་མཐའ་ཚད་མེད་པ་དེ་ཉིད་སྤོང་བར་ཡང་མི་བྱེད་དོ། །ཆོས་ཀྱི་འཁོར་ལོ་བསྐོར་བ་དེ་གང་དག་གིས་ཤེས་པར་གྱུར་པ་དེ་དག་ཐམས་ཅད་ཀྱང
187a7 དེ་བསྐོར་བ་ཉིད་དུ་འགྱུར་རོ། །དེ་ནས་བདུད་རྣམ་པར་གནོན་པ་གཡོག་འཁོར་དང་བཅས་པ་དགེ་སློང་རྡོ་རྗེའི་ལྟེ་བ་དེའི་སློབ་མར་ཁས་བླངས་ནས་འདི་སྐད་ཅེས་སྨྲས་སོ། །བདག་ནི་དགེ་སློང་ཁྱེད་ལ་སྐྱབས་སུ་མཆིའོ། །དེས་དེ་ལ་འདི་སྐད་ཅེས
187a8 སྨྲས་སོ། །ཁྱོད་ཁོ་བོ་ལ་སྐྱབས་སུ་མ་འགྲོ་བར་དེ་བཞིན་གཤེགས་པ་འོད་དྲི་མ་མེད་པའི་འོད་ཟེར་གྱི་རྒྱལ་པོ་གང་གིས་ཆོས་འདི་ལྟ་བུ་བསྟན་པས་ཁྱོད་དེ་ཉིད་ལ་སྐྱབསུ་སོང་ཤིག་།དེས་དེ་ལ་འདི་སྐད་ཅེས་སྨྲས་སོ། །ཀྱེ་ད་དེ་བཞིན་གཤེགས
iiif viewer powered by OpenSeadragon
