| e-texts navigator |
| Wylie |
185b1 ན་ལྷའི་བུ་དེ་དག་རང་གི་ལུས་མཐོང་ལ། དེའི་ལུས་མི་མཐོང་སྟེ། དེ་ལྷའི་མིག་དེ་ལྟ་བུ་དང་ལྡན་པར་འགྱུར་རོ། །དེ་ལྷའི་རྣ་བ་དང་ལྡན་པར་གྱུར་ཏེ། འདི་ལ་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་སྒྲ་ཇི་སྙེད་ཡོད་པ་ལྷའི་སྒྲ་འམ། ཀླུ་དང་། གནོད་སྦྱིན
185b2 དང་། དྲི་ཟའི་སྒྲ་འམ། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོའི་སྒྲ་འམ། མི་དང་མི་མ་ཡིན་པའི་སྒྲ་དེ་དག་ཐམས་ཅད་དེའི་ལྷའི་རྣ་བའི་དབང་པོ་དེ་ལ་གྲགས་པར་འགྱུར་རོ། །དེ་སྒྲ་དེ་དག་ཐམས་ཅད་ཐོས་ཀྱང་སྒྲ་ཐ་དད་པར
185b3 མི་བྱེད་ལ། སྒྲ་ཐམས་ཅད་ཀྱང་སྨྲར་མེད་པར་མོས་སོ། །བརྗོད་དུ་མེད་པར་ཤེས་སོ། །དེ་སྒྲ་དེ་དག་ཀྱང་བདག་ཏུ་འདུ་ཤེས་སམ། སེམས་ཅན་དུ་འདུ་ཤེས་སམ། སྒྲར་འདུ་ཤེས་མི་འཇུག་ལ། སྒྲ་ཐམས་ཅད་ཐོག་མའི་མཐའ
185b4 དང་ཐ་མའི་སྒྲར་བརྗོད་པ་མེད་པར་རབ་ཏུ་རྟོགས་ཤིང་ཆོས་ཐམས་ཅད་བརྗོད་དུ་མེད་པར་ཡིད་ཆེས་སོ། །དེའི་རྣ་བའི་དབང་པོའི་རྣམ་པར་ཤེས་པའི་ཁམས་སྒྲིབ་པ་མེད་པར་འགྱུར་ཏེ། སྒྲ་དེ་དག་ཐོས་ནས་ཀྱང་སྒྲ་དེ་དག་གི་དོན་གང་ཡིན་པ་དེ་རབ་ཏུ་ཤེས་སོ། །སྒྲ་རྣམས
185b5 ཀྱི་དོན་གང་ཞེ་ན། སྒྲ་ཐམས་ཅད་ཀྱི་དོན་ནི་བརྗོད་དུ་མེད་པའི་དོན་ཏོ། །སྨྲར་མེད་པའི་དོན་ཏོ། །སྒྲ་ཐམས་ཅད་ཀྱི་དོན་ནི་ཉེ་བར་ཞི་བའི་དོན་ཏོ། །དེ་དོན་དེས་དོན་ལ་རྟོན་པར་འགྱུར་རོ། །སྒྲ་ཐམས་ཅད་ཀྱང་ཐོས་ལ་ཆོས་ཐམས་ཅད་མ་སྐྱེས་པའི་ཕྱིར་གང་ལ་ཡང་གནས་པར་མི་བྱེད་དོ། །
185b6 ཕྱོགས་བཅུའི་འཇིག་རྟེན་གྱི་ཁམས་གྲངས་མེད་པ་དག་ན་སངས་རྒྱས་བཅོམ་ལྡན་འདས་གང་དག་བཞུགས་ལ་འཚོ་ཞིང་གཞེས་ཏེ། ཆོས་ཀྱང་སྟོན་པ་དེ་དག་གིས་ཆོས་བསྟན་པ་དེ་དག་ཐམས་ཅད་ཀྱང་དེའི་རྣ་བས་ཐོས་པར་འགྱུར་རོ། །དེ་ལ་སྒྲིབ་པ་འམ་ཀུན
185b7 ནས་དཀྲིས་ཏེ་འདུག་པར་ཡང་མི་འགྱུར་ལ། ཆོས་བསྟན་པ་དེ་དག་ཐམས་ཅད་ཐོས་ཤིང་ཇི་ལྟར་ཐོས་པ་ཡང་འཛིན་ཏོ། །ཟིན་ནས་ཀྱང་ཆོས་གང་ཡང་མི་བརྗེད་དོ། །ཇི་ལྟར་ན་དེ་གང་ཡང་མི་བརྗེད་ཅེ་ན། དེ་ནི་ཚིག་འགའ་ཡང་མ
185b8 རྟོགས་པར་མི་འགྱུར་བས་དེ་ལྟར་ན་མི་བརྗེད་དོ། །ཆོས་གང་དག་ཟག་པ་དང་བཅས་པ་དང་། ཟག་པ་མེད་པའམ། འདུས་བྱས་དང་འདུས་མ་བྱས་སམ། འཇིག་རྟེན་པ་དང་། འཇིག་རྟེན་ལས་འདས་པ་འམ། དགེ་བ་དང་། མི་དགེ་བ་འམ།
iiif viewer powered by OpenSeadragon
