| e-texts navigator |
| Wylie |
185a1 སྟེ། ཡང་དག་པར་མཐོང་བས་མཉམ་པར་མཐོང་ངོ་། །འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་འཁོད་པའི་སེམས་ཅན་གང་དག་སེམས་ཅན་དུ་བསྡུ་བས་བསྡུས་པའི་སེམས་ཅན་དམྱལ་བ་འམ། དུད་འགྲོ་འམ། ཡི་དགས་སམ།
185a2 ལྷ་མ་ཡིན་ནམ། ལྷ་འམ། མི་ཡང་རུང་སྟེ། གཟུགས་མེད་པ་ན་སྤྱོད་པ་མ་གཏོགས་པར་དེ་དག་ཐམས་ཅད་ཀྱི་འཆི་འཕོ་དང་། སྐྱེ་བ་དང་། ཁ་དོག་བཟང་པོ་དང་། ཁ་དོག་ངན་པ་དང་། བདེ་འགྲོ་འམ། ངན་འགྲོ་འམ། བཟང་པོ་རྣམས་མཐོང་ཞིང་སེམས་ཅན་དེ་དག་གི་སྣང་བ་ཙམ
185a3 དུ་རབ་ཏུ་ཤེས་སོ། །གཟུགས་སུ་སྣང་བ་དེ་དག་ཐམས་ཅད་ཀྱང་ལས་ཀྱི་རྣམ་པར་སྨིན་པར་ཐམས་ཅད་ཀྱང་རབ་ཏུ་ཤེས་ཤིང་ཁོང་དུ་ཆུད་དོ། །དེ་སེམས་ཅན་རྣམས་མཐོང་ཞིང་ལས་ཀྱི་རྣམ་པར་སྨིན་པ་རབ་ཏུ་ཤེས་ཀྱང་བདག་མེད་པའི་མཐའ་ཚད་མར་བྱས་ནས་སེམས་ཅན
185a4 རྣམས་ལ་སེམས་ཅན་གྱི་འདུ་ཤེས་སུ་མི་འགྱུར་རོ། །དེ་ལྷའི་མིག་དེས་གཟུགས་སུ་གཏོགས་པ་ཐམས་ཅད་མཐོང་སྟེ། དངོས་པོ་མེད་པ་ཉིད་ཀྱིས་ཕྱིར་གཟུགས་སུ་སྣང་བ་དེ་དག་ཐམས་ཅད་ཀྱང་སྔོན་གྱི་མཐའ་སྐྱེ་བ་མེད་པའི་ཕྱིར་ཡང་དག་པ་མ་ཡིན་པར་རབ་ཏུ་ཤེས
185a5 ལ། ལྷའི་མིག་སྒྲིབ་པ་མེད་པ་དེ་མངོན་པར་སྒྲུབ་པ་མ་ཡིན་ནོ། །དེ་ཤེས་རབ་ཀྱི་སྟོབས་དང་ལྡན་པས་འདོད་ན་གཟུགས་ཉེ་བར་འཁོར་དུ་གྱུར་པ་དང་མཚུངས་པར་ཡང་མཐོང་བར་འགྱུར། འདོད་ན་མི་མཐོང་བར་ཡང་འགྱུར། དེ་འདོད་ན་གཟུགས་ཅུང
185a6 ཟད་ཀྱང་ཡོང་ཡེ་མིག་སྔར་སྣང་བར་མི་འགྱུར་རོ། །དེ་སྲོག་ཆགས་འབུམ་ཕྲག་དུ་མའི་ནང་ན་འདུག་ཀྱང་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་རྣམས་ཀྱིས་གནས་ཏེ། སེམས་ཅན་གང་ཡང་དེའི་མིག་ལམ་དུ
185a7 སྣང་བར་མི་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེས་བདག་མེད་པའི་དེ་ཁོ་ན་ཤེས་པའི་ཕྱིར་རོ། །དེ་འདོད་ན་གཟུགས་ན་སྤྱོད་པའི་ལྷའི་ལུས་ཕྲ་བ། ལུས་བཟང་བ། ལུས་འོད་གསལ་བ། ལུས་མི་སྣང་བ། གང་དག་ཡིན་པའི་ལྷ
185a8 དེ་དག་གི་མདུན་ན་ཡང་བྱང་ཆུབ་སེམས་དཔའ་རང་གི་ལུས་ཉེ་བར་སྟོན་ཏོ། །ལྷའི་བུ་དེ་དག་གིས་ཀྱང་དེའི་ལུས་མཐོང་། དེས་ཀྱང་དེ་དག་གི་ལུས་མཐོང་ངོ་། །འདོད་ན་དེའི་ལུས་ལྷ་རྣམས་ཀྱིས་མཐོང་ལ། རང་གི་ལུས་མི་མཐོང་ངོ་། །དེ་འདོད
iiif viewer powered by OpenSeadragon
