| e-texts navigator |
| Wylie |
184b1 དཔའ་རྡོ་རྗེ་ལྟེ་བས་སྨྲས་པ། གཟུགས་འཇུག་པར་ཡང་མི་བྱེད། ལྡོག་པར་ཡང་མི་བྱེད། གཟུགས་ཀྱི་དེ་བཞིན་ཉིད་དང་། གཟུགས་ཀྱི་ཆོས་ཉིད་དང་། གཟུགས་སྟོང་པ་ཉིད་དང་། གཟུགས་མཚན་མ་མེད་པ་ཉིད་དང་། གཟུགས་སྨོན་པ་མེད་པ་ཉིད་དང་།
184b2 གཟུགས་ཞི་བ་ཉིད་དང་། གཟུགས་དབེན་པ་ཉིད་དང་། གཟུགས་སྐྱེ་བ་མེད་པ་ཉིད་དང་། གཟུགས་ཀྱི་རང་བཞིན་ཉིད་དང་། གཟུགས་ཀྱི་ངོ་བོ་ཉིད་འཇུག་པར་མི་བྱེད། ལྡོག་པར་མི་བྱེད། དེ་བཞིན་ཏུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ
184b3 པར་ཤེས་པ་འཇུག་པར་མི་བྱེད། ལྡོག་པར་མི་བྱེད། རྣམ་པར་ཤེས་པའི་དེ་བཞིན་ཉིད་དང་། རྣམ་པར་ཤེས་པའི་ཆོས་ཉིད་དང་། རྣམ་པར་ཤེས་པ་སྟོང་པ་ཉིད་དང་། རྣམ་པར་ཤེས་པ་མཚན་མ་མེད་པ་ཉིད་དང་། རྣམ་པར་ཤེས་པ་སྨོན་པ་མེད་པ་ཉིད་དང་། རྣམ
184b4 པར་ཤེས་པ་ཞི་བ་ཉིད་དང་། རྣམ་པར་ཤེས་པ་དབེན་པ་ཉིད་དང་། རྣམ་པར་ཤེས་པ་སྐྱེ་བ་མེད་པ་ཉིད་དང་། རྣམ་པར་ཤེས་པའི་རང་བཞིན་ཉིད་དང་། རྣམ་པར་ཤེས་པའི་ངོ་བོ་ཉིད་འཇུག་པར་མི་བྱེད། ལྡོག་པར་མི་བྱེད་དེ། དེ་བཞིན་གཤེགས་པ་དེ་ནི་ཆོས
184b5 ཀྱི་འཁོར་ལོ་བསྐོར་རོ། ཆོས་ཐམས་ཅད་ཀྱང་མཐོང་ཞིང་ཆོས་ཀྱི་དབྱིངས་དབྱེར་མེད་པའི་ཚུལ་གྱིས་སངས་རྒྱས་ཐམས་ཅད་ཀྱང་ཆོས་ཀྱི་དབྱིངས་དབྱེར་མེད་པའི་ཚུལ་གྱིས་སངས་རྒྱས་ཐམས་ཅད་སངས་རྒྱས་གཅིག་ཏུ་མོས་སོ། །སངས་རྒྱས
184b6 གཅིག་མཐོང་བས་ཀྱང་སངས་རྒྱས་ཐམས་ཅད་མཐོང་བ་རྣམ་པར་སྦྱོང་བར་བྱེད་དོ། །སངས་རྒྱས་ཐམས་ཅད་མཐོང་བས་ཀྱང་སངས་རྒྱས་གཅིག་མཐོང་བ་རྣམ་པར་སྦྱོང་བར་བྱེད་དོ། །སངས་རྒྱས་མཐོང་བ་རྣམ་པར་དག་པ་དེས་བརྒྱང་བདག
184b7 མཐོང་བ་རྣམ་པར་དག་པ་ལ་འཇུག་གོ། །རྣམ་པར་དག་པ་དེ་ཉིད་ཀྱིས་ཆོས་ཐམས་ཅད་མཐོང་བ་རྣམ་པར་དག་པ་ལ་འཇུག་སྟེ། བདག་མཐོང་བ་རྣམ་པར་དག་པ་འམ། ཆོས་མཐོང་བ་རྣམ་པར་དག་པ་ལ་འདུ་ཤེས་གཉིས་སུ་ཡང་མི་འགྱུར་རོ། །
184b8 སངས་རྒྱས་བཅོམ་ལྡན་འདས་དེ་དག་གི་ཉན་ཐོས་གང་དག་མཐོང་བ་དེ་དག་སངས་རྒྱས་མཐོང་བ་རྣམ་པར་དག་པ་ལས་གཞན་མ་ཡིན་པར་རབ་ཏུ་ཤེས་སོ། །དེ་ཉན་ཐོས་མཐོང་བའི་སངས་རྒྱས་མཐོང་ལ། སངས་རྒྱས་མཐོང་བས་ཀྱང་ཉན་ཐོས་མཐོང
iiif viewer powered by OpenSeadragon
