| e-texts navigator |
| Wylie |
183b1 མཉམ་པ་ཉིད་འདི་རྣམས་མི་སྤོངས་བ་གང་ཡིན་པའི་མཉམ་པ་ཉིད་དེ་བསྟན་པའི་ཕྱིར་སེམས་ཅན་རྣམས་ལ་ཆོས་འཆད་པར་འདོད་དོ། །གྲོགས་པོ་ཡང་དག་པར་འཇུག་པ་འདི་ནི་འདོད་པའི་ཁམས་སུ་འཇུག་པ་མ་ཡིན། གཟུགས་ཀྱི་ཁམས་སུ་འཇུག་པ
183b2 མ་ཡིན་ནོ། །གཟུགས་མེད་པའི་ཁམས་སུ་འཇུག་པ་མ་ཡིན་ནོ། །གང་དག་མཉམ་པ་ཉིད་ལ་གནས་པ་དག་ནི་ཆོས་ཉིད་ལས་མི་གཡོས། རྣམ་པར་མི་གཡོ། འགྲོ་བར་མི་བྱེད། མི་འགྲོ་བར་མི་བྱེད་དོ། །གྲོགས་པོ་འདི་དག་ནི་ཡང་དག་པར་འཇུག་པ་ཞེས་བྱའོ། །དེ་བཞིན་ཉིད་འཇུག་པ་གང་ཡིན་པ་ཆོས་ཐམས་ཅད
183b3 ཀྱི་འཇུག་པ་ཡང་དེ་ཡིན་ནོ། །ཆོས་ཀྱི་དབྱིངས་ཀྱི་འཇུག་པ་གང་ཡིན་པ་ཆོས་ཐམས་ཅད་ཀྱི་འཇུག་པ་ཡང་དེ་ཡིན་ནོ། །ཡང་དག་པའི་མཐའི་འཇུག་པ་གང་ཡིན་པ་ཆོས་ཐམས་ཅད་ཀྱི་འཇུག་པ་ཡང་དེ་ཡིན་ནོ། །འཇུག་པ་དེ་ལྟ་བུ་འདོད་པ་གང་ཡིན་པ་དེ་ནི་འདོད
183b4 པ་ཡང་མེད། འཇུག་པ་ཡང་མེད་པར་ཡང་དག་པར་རྗེས་སུ་མཐོང་ཞིང་མངོན་པར་ཞེན་པར་མི་བྱེད་དེ། གྲོགས་པོ་འདི་ནི་ཡང་དག་པར་འཇུག་པ་ཞེས་བྱའོ། །དེ་ནས་བྱང་ཆུབ་སེམས་དཔའ་རྡོ་རྗེའི་ལྟེ་བ་ལ་བདུད་རྣམ་པར་གནོན་པས་འདི་སྐད་ཅེས་སྨྲས་སོ། །དགེ་སློང་ཁྱོད་ཡང་དག
183b5 པའི་སྦྱོར་བ་འདིས་ཆོས་གང་ཞིག་རྟོགས། སྨྲས་སོ་གྲོགས་པོ་ཡང་དག་པའི་སྦྱོར་བ་འདིས་ནི་ཁོ་བོས་དམ་པ་མེད་པའི་ཆོས་རྟོགས་སོ། །ལྷགས་པར་བྱེད་པ་མེད་པ་དང་། རློམ་སེམས་མེད་པས་ཀྱང་མཉམ་པ་ཉིད་རྟོགས་པར་བྱས་སོ། །ཡང་ཁྱོད་ཀྱི་ཆོས་གང་རྟོག་ཤེས་གང
183b6 དེ་སྐད་སྨྲས་པ་ཡང་དག་པའི་སྦྱོར་བ་འདི་ནི་རྟོག་པས་རབ་ཏུ་ཕྱེ་བ་མ་ཡིན་གྱི་ཡང་དག་པའི་སྦྱོར་བ་འདི་ནི་ལྷག་པའི་ང་རྒྱལ་མེད་པའོ། །ཡང་དག་པའི་སྦྱོར་བ་འདི་ནི་ཐོབ་པས་རབ་ཏུ་ཕྱེ་བ་མ་ཡིན་གྱི་ཡང་དག་པའི་སྦྱོར་བ་འདི་ནི་ཐོབ་པར་རབ་ཏུ་ཕྱེ་བ་དང་བྲལ་བ་སྟེ། ཡང་དག་པའི
183b7 སྦྱོར་བ་འདིས་ཆོས་གང་ཡང་རྟོག་པ་མེད་དོ། །ཡང་དག་པའི་སྦྱོར་བ་ཞེས་བྱ་བ་འདིས་ནི་སྦྱོར་བ་མེད་པའི་ཚིག་བླ་དགས་སོ། །དེ་ནས་བྱང་ཆུབ་སེམས་དཔའ་རྡོ་རྗེའི་ལྟེ་བ་ལ་བདུད་རྣམ་པར་གནོན་པས་འདི་སྐད་ཅེས་སྨྲས་སོ། །དགེ་སློང་ཁྱོད་ཚུལ་ཁྲིམས་ཡང་དག་པར་བླངས་པ་འདིས་ཅི་ཞིག
183b8 ཐོབ་པར་འགྱུར། སྨྲས་པ། རྣམ་པར་གནོན་པ་ཁོ་བོའི་ཚུལ་ཁྲིམས་ཡང་དག་པར་བླངས་པ་འདིས་ཆོས་ཐམས་ཅད་འགག་པ་མེད་དོ། །སྐྱེ་བ་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །སྨྲས་པ། བྱང་ཆུབ་མངོན་པར་རྫོགས་པར་བྱང
iiif viewer powered by OpenSeadragon
