| e-texts navigator |
| Wylie |
181a1 འཕྲུལ་པའི་རྒྱལ་པོ་བྱང་ཆུབ་སེམས་དཔའ་རྡོ་རྗེའི་ལྟེ་བ་དེ་དགོན་པའི་གནས་ན་འཆག་པ་ན་འདི་ལྟ་སྟེ། ཆོས་འདུ་བ་འཕགས་པ་ལ་འགྲུས་ཤིང་བརྩོན་པར་གྱུར་ཏེ། སངས་རྒྱས་ཀྱི་ཆོས་ལ་གནས་པ་ན་ཚུལ་བཞིན་དུ་སྦྱོར་བ་འདི་ལྟ་བུ
181a2 བྱུང་སྟེ། གང་ཆོས་ཐམས་ཅད་ལ་མི་དམིགས་པ་དེ་ནི་ཚུལ་ཁྲིམས་སོ། །གང་དངོས་པོ་ཐམས་ཅད་ལ་མངོན་པར་མ་ཞེན་པ་དེ་ནི་ཚུལ་ཁྲིམས་སོ། །གང་ཉོན་མོངས་པ་ཐམས་ཅད་རབ་ཏུ་ཞི་བ་དེ་ནི་ཚུལ་ཁྲིམས་སོ། །གང་ལུས་གཟུགས་བརྙན་དང་འདྲ་བར
181a3 ཤེས་པ་དེ་ནི་ཚུལ་ཁྲིམས་སོ། །གང་ངག་བྲག་ཆ་ལྟ་བུར་ཤེས་པ་དེ་ནི་ཚུལ་ཁྲིམས་སོ། །གང་སེམས་ལ་སྒྱུ་མའི་ཆོས་ལྟ་བུར་སོ་སོར་རྟོགས་པ་དེ་ནི་ཚུལ་ཁྲིམས་སོ། །གང་དགེ་བ་དང་མི་དགེ་བའི་ཆོས་རྣམ་པ་གཉིས་སུ་མི་འབྱེད་པ་དེ་ནི་ཚུལ་ཁྲིམས
181a4 སོ། །གང་འདོད་ཆགས་ལ་མི་སྡུག་པར་སོ་སོར་རྟོག་པ་དེ་ནི་ཚུལ་ཁྲིམས་སོ། །གང་ཞེ་སྡང་ལ་བྱམས་པ་སྒོམ་པ་དེ་ནི་ཚུལ་ཁྲིམས་སོ། །གང་ཤེས་རབ་ཀྱི་གཏི་མུག་གི་དྲ་བ་རྣམ་པར་འཇོམས་པ་དེ་ནི་ཚུལ་ཁྲིམས་སོ། །གང་འདོད་ཆགས་དང་ཞེ་སྡང
181a5 དང་། གཏི་མུག་གི་དངོས་པོ་རྣམས་མི་དམིགས་པ་དེ་ནི་ཚུལ་ཁྲིམས་སོ། །གང་ཆོས་ཐམས་ཅད་ལ་མི་རྟོག་པ་དང་། རྣམ་པར་མི་རྟོག་པ་དང་། མི་སེམས་པ་དང་། མི་ལྟ་བ་དེ་ནི་ཚུལ་ཁྲིམས་སོ། །གང་བདག་ཏུ་ལྟ་བ་མེད་པ་དང་། སེམས་ཅན་དུ་ལྟ
181a6 བ་མེད་པ་དང་། སྲོག་ཏུ་ལྟ་བ་མེད་པ་དང་། གང་ཟག་ཏུ་ལྟ་བ་མེད་པ་དང་། ཆད་པར་ལྟ་བ་མེད་པ་དང་། རྟག་པར་ལྟ་བ་མེད་པ་དེ་ནི་ཚུལ་ཁྲིམས་སོ། །གང་ཆོས་ཐམས་ཅད་ལ་མངོན་པར་འདུ་མི་བྱེད་པ་དེ་ནི་ཚུལ་ཁྲིམས་སོ། །གང་སེམས་སྐྲགས་པ
181a7 མེད་པ་དེ་ནི་ཚུལ་ཁྲིམས་སོ། །གང་ཁམས་གསུམ་ལ་མི་གནས་པ་དེ་ནི་ཚུལ་ཁྲིམས་སོ། །གང་ཆོས་མི་སྐྱེ་བ་ལ་ཡིད་ཆེས་པ་དེ་ནི་ཚུལ་ཁྲིམས་སོ། །གང་མི་སྐྱེ་བའི་ཆོས་ལ་བཟོད་པ་ལ་མོས་པ་དེ་ནི་ཚུལ་ཁྲིམས་སོ། །གང་རྙེད་པ་དང་བཀུར་སྟི་དོན་དུ་མི
181a8 གཉེར་བ་དེ་ནི་ཚུལ་ཁྲིམས་སོ། །གང་སྟོང་པ་ཉིད་ཀྱིས་མི་སྐྲག་པ་དེ་ནི་ཚུལ་ཁྲིམས་སོ། །གང་མཚན་མ་མེད་པ་སྒོམ་པ་དེ་ནི་ཚུལ་ཁྲིམས་སོ། །གང་སྨོན་པ་དང་བྲལ་བ་དེ་ནི་ཚུལ་ཁྲིམས་སོ། །གང་ཚུལ་ཁྲིམས་ཀྱི་ཕུང་པོ་དེ་ཉིད་ཀྱིས་རློམས་སེམས་སུ་མི
iiif viewer powered by OpenSeadragon
