| e-texts navigator |
| Wylie |
173a1 རྒྱན་དེ་དག་བཅོམ་ལྡན་འདས་ཀྱི་དབུའི་དྲང་ཐད་ཀྱི་སྟེང་གི་བར་སྣང་ལ་རིན་པོ་ཆེའི་ཁང་པ་བརྩེགས་པ་ཞིག་དུ་འདུག་པར་གྱུར་ནས། རིན་པོ་ཆེའི་ཁང་པ་བརྩེགས་པ་དེ་ནས་མི་རྒྱན་ཐམས་ཅད་ཀྱིས་བརྒྱན་པ་ལྔ་བརྒྱ་བྱུང་ནས་བཅོམ་ལྡན་འདས་ལ
173a2 རྒྱན་རྣམས་འཐོར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་སེམས་བསྐྱེད་ནས་ཚིག་འདི་སྐད་ཅེས་བཅོམ་ལྡན་འདས་བདག་ཅག་གི་དགེ་བའི་རྩ་བ་འདི་སེམས་ཅན་ཐམས་ཅད་དང་ཐུན་མོང་དུ་བགྱིས་ཏེ། བླ་ན་མེད་པ་ཡང་དག་པར་རྫོགས་པའི
173a3 བྱང་ཆུབ་ཏུ་ཡོངསུ་བསྔོ་བར་བགྱིའོ་ཞེས་འཛེར་ཏོ། །དེ་ནས་ཤཱཀྱའི་བུ་བདེ་བྱེད་ཀྱིས་ཀྱང་སྤྲུལ་པའི་མི་དེ་དག་མཐོང་ངོ་། །མཐོང་ནས་ཀྱང་ལུས་ཀྱི་སྤུ་ཟིང་ཞེས་བྱེད་པར་གྱུར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མི་འདི
173a4 རྣམས་གང་ནས་མཆིས། ཤར་ཕྱོགས་སམ། ལྷོ་ཕྱོགས་སམ། ནུབ་ཕྱོགས་སམ། བྱང་ཕྱོགས་སམ། འོག་གམ། སྟེང་གི་ཕྱོགས་སམ། འོན་ཏེ་ཕྱོགས་འཚམས་གང་ནས་མཆིས། བཅོམ་ལྡན་འདས་ཀྱིས་བཀའ་སྩལ་པ།
173a5 རིགས་ཀྱི་བུ་མི་འདི་རྣམས་ནི་ཤར་ཕྱོགས་ནས་མ་འོང་། ལྷོ་དང་། ནུབ་དང་། བྱང་ཕྱོགས་དང་། འོག་དང་། སྟེང་གི་ཕྱོགས་དང་། ཕྱོགས་འཚམས་གང་ནས་ཀྱང་མ་འོངས་ཏེ། འདི་རྣམས་ནི་ལྷ་མ་ཡིན། ཀླུ་མ་ཡིན། གནོད་སྦྱིན་མ་ཡིན་དྲི་ཟ་མ
173a6 ཡིན། ལྷ་མ་ཡིན་མ་ཡིན། །ནམཁའ་ལྡིང་མ་ཡིན། མི་འམ་ཅི་མ་ཡིན། ལྟོ་འཕྱེ་ཆེན་པོ་མ་ཡིན། མི་མ་ཡིན། མི་མ་ཡིན་པ་མ་ཡིན་ནོ། །སའི་ཁམས་ལ་མི་རྟེན། ཆུའི་ཁམས་ལ་མི་རྟེན། མེའི་ཁམས་ལ་མི་རྟེན། རླུང་གི་ཁམས་ལ
173a7 མི་རྟེན། ནམ་མཁའི་ཁམས་ལ་མི་རྟེན་ཏོ། །འདི་དག་ལ་ནི་གཟུགས་མེད། ཚོར་བ་མེད། འདུ་ཤེས་དང་། འདུ་བྱེད་རྣམས་དང་། སེམས་མེད། ཡིད་མེད། རྣམ་པར་ཤེས་པ་མེད། ལས་མེད། ལས་ཀྱི་རྣམ་པར་སྨིན་པ་མེད། འཇིག་རྟེན་འདི
173a8 མེད། འཇིག་རྟེན་ཕ་རོལ་མེད། འོང་བ་མེད། འགྲོ་བ་མེད། གནས་པ་མེད། འཆི་འཕོ་མེད། སྐྱེ་བ་མེད་དོ། །འོན་ཀྱང་རིགས་ཀྱི་བུ་འདི་དག་ནི་སྤྲུལ་པ་ཞེས་བྱ་བ་ཡིན་ནོ། །འདི་དག་ནི་གཞི་མེད་པ་ཞེས་བྱ་བ་ཡིན་ནོ། །འདི་དག་ནི་སྲོག་མེད་པ་ཞེས་བྱ
iiif viewer powered by OpenSeadragon
