| e-texts navigator |
| Wylie |
172b1 རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཆོས་བཞི་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་ཇི་སྐད་སྨོས་པའི་ཡོན་ཏན་ཕུན་སུམ་ཚོགས་པ་ཡང་རྗེས་སུ་འཐོབ་བོ། །བཞི་གང་ཞེ་ན། རིགས་ཀྱི་བུ་འདི་ལ་ཆོས
172b2 དོན་དུ་གཉེར་བ་དང་། ཆོས་འདོད་པ་དང་། ཆོས་ཀྱི་ཀུན་དགའ་ལ་དགའ་ཞིང་མོས་པ་དང་། ཆོས་འཛིན་པ་དང་། ཆོས་སྟོན་པ་ཡིན། བུད་མེད་ཡོངས་སུ་སྤོང་ཞིང་བུད་མེད་ལ་སྟེན་པར་མི་བྱེད་པ་ཡིན། སྦྱིན་པའི་བདག་པོ་དང་། ཀུན་བགེད
172b3 པའི་ངང་ཚུལ་ཅན་དང་། ཀུན་བགེད་པ་ལ་དགའ་བ་དང་། རྨུགས་པ་དང་། གཉིད་ཡོངས་སུ་སྤོང་བ་ཡིན། སྟོང་པ་ཉིད་ལ་མོས་པ་དང་། སྟོང་པ་ཉིད་ལ་གནས་པ་ཡིན་ཏེ། རིགས་ཀྱི་བུ་ཆོས་བཞི་པོ་དེ་དག་དང་ལྡན་པའི་བྱང་ཆུབ་སེམས་དཔའ་ནི་བླ་ན
172b4 མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་ཇི་སྐད་སྨོས་པའི་ཡོན་ཏན་དེ་དག་ཀྱང་འཐོབ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས་དེ་བཞིན་དུ་སྟོན་པས་གཞན་ཡང་འདི་སྐད
172b5 ཅེས་བཀའ་སྩལ་ཏོ། །སེམས་ཅན་གང་དག་ཆོས་ནི་འདོད་པ་དང་། །ཆོས་ཀྱི་དོན་དུ་བརྩོན་འགྲུས་བསྐྱེད་པ་དཀོན། །གང་དག་ཆོས་ཀྱི་འཁོར་ལོ་བསྐོར་བྱེད་པ། །དེ་དག་ཡེ་ཤེས་དམ་པ་ཐོབ་པར་འགྱུར། །གཞན་ལས་ཐོས་ནས་ཡང་དག་འཛིན་བྱེད་ཅིང་། །
172b6 ཕ་རོལ་དོན་དུ་གཉེར་ལ་ཆོས་སྟོན་ལ། །ཤེས་ལྡན་དེ་དག་འཁོར་དུ་ཞུམ་པ་མེད། །བླ་མེད་བྱང་ཆུབ་མཆོག་ལ་རེག་པར་འགྱུར། །ལོག་པར་ལྟུང་རྒྱུ་བུད་མེད་རྣམ་པར་སྤངས། །རྒྱལ་སྲས་རྟག་ཏུ་ཚངས་པར་སྤྱོད་པར་འགྱུར། །ཚངས་པར་སྤྱོད་ལ་བརྟན་པར
172b7 དེ་གནས་ཤིང་། །འཁོར་ལོ་བླ་མེད་དམ་པ་སྐོར་བར་བྱེད། །བུད་མེད་རྣམས་ལ་མཚན་མ་འགའ་ཡོད་དེ། །འདི་ལྟར་སྡུག་བསྔལ་ཉམ་ཐག་སྐེམ་པར་འགྱུར། །དེ་དག་བསྟེན་ན་ཞི་བ་མེད་པ་སྟེ། །དེ་བས་ཡོངསུ་སྤོངས་ལ་བྱང་ཆུབ་སྤྱོད། །དེ་ནས་ཤཱཀྱའི་བུ
172b8 བདེ་བྱེད་བསྟན་པ་འདི་ཐོས་ནས་ཚིམ་ཞིང་མགུ་ལ་ཡིད་རངས་ཤིང་རབ་ཏུ་དགའ་སྟེ། དགའ་བ་དང་། ཡིད་བདེ་བ་སྐྱེས་ནས་རང་གི་ལུས་ལས་རྒྱན་བཀྲོལ་ཏེ། བཅོམ་ལྡན་འདས་ག་ལ་བ་དེ་ལོགསུ་གཏོར་ཏོ། །དེ་ནས་བཅོམ་ལྡན་འདས་ཀྱི་མཐུས
iiif viewer powered by OpenSeadragon
