| e-texts navigator |
| Wylie |
163a1 ཀླུང་གི་བྱེ་སྙེད་ཀྱི། །གདུགས་ནི་མཆོད་རྟེན་གཅིག་ལ་འབུལ་བར་བྱེད། །དེ་ཚེ་རེ་རེ་གདུགས་ལ་མུ་ཏིག་གི། རྒྱན་ཕྲེང་བྱེ་བ་རྣམས་ཀྱང་ཤིན་ཏུ་བཀྲམ། །ཇི་ལྟར་གང་གཱའི་ཀླུང་གི་བྱེ་མ་སྙེད། །བྱེ་བའི་འཕན་དང་རིན་ཆེན་སྣ་ཚོགས་ཀྱི། །
163a2 རྒྱལ་མཚན་བྱེ་བ་ཕྲག་བརྒྱ་གང་གཱའི། །བྱེ་སྙེད་མཆོད་རྟེན་དག་ལ་འབུལ་བར་བྱེད། །སྣང་བ་མཛད་པ་ཐམས་ཅད་མཁྱེན་གཅིག་གི། མཆོད་རྟེན་གཅིག་ལ་སིལ་སྙན་བྱེ་བ་སྟོང་། །དཀྲོལ་ཅིང་གུས་པའི་མི་ནི་ས་ཡ་དག་།བྱེ་བ་ཕྲག་སྟོང
163a3 ཚང་བ་འབུལ་བར་བྱེད། །མེ་ཏོག་གདུགས་བརྒྱ་དུ་མ་མཆོད་རྟེན་ལ་འབུལ་བ། །ཐུབ་པ་ཆེ་ལ་དེ་འདྲའི་མཆོད་པ་ཉིན་གཅིག་བཞིན། །གང་གཱའི་བྱེ་སྙེད་བསྐལ་པ་སྟོང་དུ་བྱེད་པ་བས། །གང་ཞིག་མདོ་སྡེ་འདི་ལས་ཚིག་བཅད་གཅིག་ཐོས་ནས། །
163a4 སོམ་ཉི་མེད་ཅིང་འདུན་པ་སྐྱེད་བྱེད་ལ། །རྒྱལ་བའི་མཚན་འདི་དག་ཀྱང་རྗོད་བྱེད་ན། །དེ་བས་བསོད་ནམས་འདི་ནི་བླ་མེད་མཆོག་།མཁས་པ་ཏིང་ངེ་འཛིན་གྱི་མིང་ཐོས་ཤིང་། །ཚུལ་ཁྲིམས་སྐྱོན་མེད་མཚན་འདི་འཛིན་པ་དང་། །དེ་བཞིན
163a5 སངས་རྒྱས་ལ་ནི་མཆོད་བྱེད་པ། །དེས་ནི་གང་གཱའི་བྱེ་སྙེད་སངས་རྒྱས་མཐོང་། །ཐུབ་ཆེན་རྐང་གཉིས་མཆོག་གྱུར་དེ་དག་ལ། །མཆོད་པ་དམ་པ་འང་ཡིད་ཀྱིས་བྱས་ནས་ནི། །རྟག་ཏུ་མྱོས་མེད་ཆོས་ཀྱང་སྟོན་བྱེད་ཅིང་། །བསྐལ་པ་བྱེ
163a6 བ་དེ་ནི་རྨོངས་མེད་འགྱུར། །འཇིག་རྟེན་མགོན་པོས་མདོ་མཆོག་རྒྱལ་པོ་འདི། །སྟོན་པའི་ཚེ་ན་གང་གིས་སྔོན་མཐོང་བ། །རྒྱལ་བ་མཆོག་ལས་འདི་ནི་ཐོས་གྱུར་ནས། །ཕྱི་མའི་དུས་སུ་དེ་ནི་དགའ་བས་འཛིན། །དྲི་ང་ཕྱི་སའི་བུམ་པ་མིས་འདོར
163a7 ལྟར། །འདོད་པ་སྐྱོན་དུ་བགྲང་བ་སྤོང་བྱེད་ཅིང་། །མཁས་པ་ངེས་འབྱུང་ཞི་ལ་མངོན་དགའ་སྟེ། །རྟག་ཏུ་མྱོས་མེད་དགོན་པ་སྟེན་པར་བྱེད། །ཡངས་པའི་གྲོང་ཁྱེར་མཆོག་ཏུ་གནས་ནས་སུ། །དེར་ནི་བཤད་ཚེ་གང་གིས་ང་མཐོང་ཞིང་། །དྲ་བའང་རི་ལ་མཆོད
163a8 བྱེད་མཐོང་བ་ནི། །ཕྱི་མའི་དུས་སུ་མདོ་མཆོག་འདི་འཛིན་ཏོ། །ངའི་བུ་གང་ཞིག་རྟག་ཏུ་རྗེས་འབྲང་ཞིང་། །བྱང་ཆུབ་ཞི་བ་སྤྱོད་མཆོག་སྤྱོད་པ་ན། །སེམས་ཅན་རྣམས་ནི་རྟག་ཏུ་འདུལ་བྱེད་པ། །ཕྱི་མའི་དུས་སུ་མདོ་མཆོག་འདི་འཛིན་ཏོ། །སངས་རྒྱས་འདྲེན
iiif viewer powered by OpenSeadragon
